اقلطن وافزعن.... زوجي طالع له بموضة يديدة

السلام عليكم
حيا الله من قلط وفزع من النشميات
حبيباتي زوجي عمره من اشتكي من غترته
دايما غتره نظيفة ومكوية ومبخرة
وطول عمرها الشغالة تكوي الغترة عادي
بدون ما تبخ عليها شي
في يوم من ألايام ....... الحين تجيكم القصة
وأنا أتمشى في السوبر ماركت شفت بخاخ الغتر اللي بالنشا
قلت خل نغير واستعمله لزوجي >>ومن هنا بدت الحكاية :(

المهم أول ما بديت استعمله زوجي
استانس وايد وقال الحين الغتر صارت أفضل :o
مع إن عمره ما اشتكى
المهم الحين زوجي يبغى الغترة
تكون قاسية وناشفة فصرنا نزيد كمية البخاخ
وما في فايدة يعني اتظل الغترة لينة
وهو يبغيها واقفة زي الكوبرا >> يازين التشبيه

ممكن اتدلوني على اسم بخاخ ممتاز
علشان يخلي الفترة قاسية وناشفة
أو يمكن طريقة غسلي للغتر غلط
فدلوني خواتي

32 تعليق 4,250 مشاهدة

شاركي في النقاش

سجلي الدخول لإضافة تعليق.

التعليقات

31
  1. @am_loly_2

    أول شي حسب قماش الغترة بعضها من بخة يزبط وبعضها لو خلصتي 10 علب يالله يزبط ..
    ثاني شي عندك بخاخ موبي أقوى من مريتو ..
    ثالثا وأخيرا .. لما تكوي الغترة وبعد ماتخلصي منها تماما رشي النشا وأكويها وخليها الين تنشف و بعدين أرجعي رشيها مرة ثانية .. وان شاء الله تزبط معاك ..

تابعي تجارب أخرى من هذا القسم.