نصيحه لوجه الله ما تسوين هالتقشير المخيف والمضر والمدمر للبشرة انا وايد ندمانه اني سويته عدم واثر على بشرتي وايد بس اسبوعين استانست عليه وناسه كان وايد حلو وجهي وبعدها بدت تسمر وبدت تتقشر اكثر وطلعت لي حفر غريبه واتسعت مسامات خدودي وصار وجهي يخرع بصراحه بعد طلعت لي كلف وتشوه وجهي باختصار وصرت احط بودرة عشان اخفي البشاعة من كلف ومسامات وصرت استحي من شكلي وكل البنات يقولون لي شو بلاه ويهج صار جذه .. وانا كل يوم ابكي على وجهي كان احسن من جذيه بس الشيطان شاطر خلاني العب بوجهي في العياده واسوي هالتقشير .. نصيحه لا تسوينه واعتمدي على الماسكات والكريمات الطبيعيه احسن لج لا يقصون عليج في المراكز التجيمليه اتسوينه بتخسرين خسر الدنيا بدون فايده ..