حياكم حوائيات
اليوم تذكرت صدفة غريبه مرت علي يوم كنت بالكليه كنت جالسه مع صديقاتي الصبح قبل لا تبدأ المحاضرات واتكلم عن وحده من قريباتي
كانت من ذوي الاحتياجات الخاصة وعاشت جزء من حياتها برى الممكله لانو في وقتها ماكان هناك اماكن لرعايه ذوي الاحتياجات الخاصه وخصوصا حالتها
المهم مالكم بالطويله
هي كانت بنت ناس تجار واهلها معروفين مسكت جزء من التجاره الخاص بوالدها القسم النسائي
وانا اسولف لصديقاتي عن كفاحها وكفاح اهلها معها وكيف انها صارت ناجحه
هذا الكلام الصبح
لما جت الاستراحه اللي بين المحاضرات
كنا جالسين نسولف انا وصديقاتي
فجأه شهقت قالوا وش فيك
قلت شفتوا البنت اللي اتكلم عنها هذي هي واشرت لها طبعا هي كان معها عكاز
قالوا شكلك عارفه انها بتجي للكليه قلت والله ما دريت انها بتجي
قالوا يمكن مو هي
قلت الا هي
البنات قالوا ايه هين
قلت والله انها هي
والحقها واسلم عليها وتسلم علي وتقول اسمي قدام صديقاتي وتسأل عن الوالده واخواتي
هم هنا كل وحده فكت خشتها :32:من هول الصدمه حتى هي استغربت يوم شافت صديقاتي طايرة خششهم يطالعونها
طبعا انا ماقلت لها عن الموقف لاني استحي منها وهي اكبر مني بكثييييييييييير
طبعا هم استغربوا وشلون جت لان مافيه اي رابط يجيبها للكلية بعدين عرفت انو الكليه كانوا مسوين دورة ومستدعينها تلقيها على البنات
بس سبحان الله كيف اني كنت اسولف فيها الصبح وجت الظهر
-------------------------------------
الصدفة الثانيه كنت مرة اسولف انا وزوجي عن لبن وحليب اللي تبع القصور الملكيه ويقول لي انو اللبن عليه سيفين ونخله ولا عليه اي كتابه بس سيفين ونخله
قلت انا الله ليت من يذوق طعمه احس انه بيطلع حلو مرة
المهم العشاء مادريت الا يرن جرس الباب وطلع زوجي وجاء ومعه كيس فيه اللبن والحليب اللي عليه سيفين ونخله
انا هنا:o قلت وشلون جاء
قال ما ادري جارنا اللي فوقنا جايبه واعطاني اياه
انا ارتعت
وتوقعنا ان واحد من الامراء معطيه جارنا لان جارنا هذا راقي يقرأ على الناس فيمكن يعرفونه واعطوه اياه هديه
الحين لو تسألوني وش طعمه بقول لكم مدري من هول الصدمه ما اذكر الطعم :p
يالله عاد شاركونا بالصدف اللي مرت عليكم ولو ذكرت شي برجع اقول لكم
شاركي في النقاش
سجلي الدخول لإضافة تعليق.
التعليقات
57- اكيد تمر صدف كثيره بس الان ما تذكر
- 8
8
يالله تذكري وقولي لنا - up
- صراحة موضوعك روووووووووووووووووووووووووعة
ودايم تصير معي صدف كثيره بس الان ما تذكر - موضوعك حلووووو وهذا موقف صار معي من زمااان
أول ماتزوجت أختي مرررررة فقدتها وكنا يوم رايحين نتغدى عند أخوي وأختي والله مادرت أننا عنده
رن الجرس قالت مرة أخوي غريبة من الي جاي قلت أنا بدون تفكير يمكن فلانة (أختي الي تزوجت)والله مدري وشلون قلتها
فعلا يوم فتحوا الباب وإلا هي!! طلعنا كأننا مرتبينها على مرة أخوي يعني منادين أختي من وراها
لكن الحقيقة أن أختي دقوا العمل على زوجها يبونه ضروري (عسكري)جابها لبيتنا مالقوا أحد وما كان فيه جوالات
قالت ودني بيت أخوي عشان ماتتأخر الين أشوف وين أهلي
مواضيع مشابهة
تابعي تجارب أخرى من هذا القسم.
-
� ﬗ ★▇▆▅▃▂▁☀二【أوقاتنا حياتنا فلنغتنمها . التجمع الثالث لتطوير الذات 】二☀★▇▆▅▃▂▁
260 تعليق -
二 »】二☀★▇▆▅▃▂▁ اللبن الساخن وسره فى السعاده الزوجيه.....؟؟؟؟ ▁▂▃▅▆▇★☀二 »】
11 تعليق -
� ﬗ ★▇▆▅▃▂▁☀二【«ツ】ઇ需كل عام وانت بخير ((لمن تهاني العيد حياكم)) 需ઇ【ツ »】二☀★▇▆▅
3 تعليق -
★☀二【 قروب الانسات يقدموا ••● قبل أن تصبحي ضحية ●•• 】二☀★
130 تعليق -
ﬗ▁▂▃▅▆▇★☀二【«جلســـــऋँبن ـــآتऋ ँ»】二ـــــة☀★▇▆▅▃▂▁
40 تعليق