لفيف
مشاعل القطيف
ام علاوي
الله يارب يخليكم مشكورين على اعجابكم
ايه صح انا خذت محايد لاني بديت اشتري قبل لااعرف جنس الجنين
تجهيزات المولود..الام..المستشفى..موضوع متكامل..
متابعة النقاش، صفحة 223
شاركي في النقاش
سجلي الدخول لإضافة تعليق.
التعليقات
1,960- مرحبا
اللي يسألون عن اللهاية اللي حق الاكل هذي:
توني شريت مثلها بالضبط من تويز ار اص فرع الظهران ب 19 ريال
وموجود غطاء الرضاعة بس ماادري ماحسيته عملي لان قماشه شفاف بس بالوسط فيه قطعه مش شفافة - جزاك الله خيرااا
- بما اني تكلمت عن حلمات الرضاعة الصناعية حبيت ارفق لكم صورتها
والافضل تكون خالية من السيلكون والالوان وتكون مصنوعة من المطاط الطبيعي
ويكون لها شكل مضعوج لاجل لا يؤذي فك الطفل
وانصحكم تشترونها من البداية مع تجهزيزاتكم لانهم وان كانوا متوفرين لكن صعب توصين احد عليهم الا لو يعرفهم او بينتي له اش تبين بالضبط
ويسمونها Orthodontic nipple.
واليكم الصور
وهذه حلوة لان ميزتها انها ميزان حرارة ونفس الشي من نوعية ماتخرب فك الطفل
ومن ضمن التجهيزات للمولود ولك بعد خذي ميزان حرارة اذا ماعندك
احيانا بالذات للي تولد بالشتاء
تلبسين الطفل مليون قطعة ويدفأ جسمه وتتوجسين خيفة انه متسخن
بينما فعليا ماعليك الا تخففي ملابسه
واحيانا يكون متسخن فعليا ويحتاج الطبيب
ونفس الشي بالنسبة لك
مع تحجر الحليب احيانا ترتفع درجة حرارتك
فافضل حتى لو بتروحين للطبيب تروحين وانت عارفة كم درجة حرارتك
عندي مقياس حرارة الاذن من براون وخرب وكان سعره بحدود 250 من تقريبا 8 سنوات فاتوقع الحين اغلى غير ان القطع البلاستيكية للاذن ماكانت متوفرة
واخذت الي تحت الابط يطول مو عملي الطفل يطفش وانت بعد تطفشين
واحسن واحد لقيته من مذر كير عبارة عن شريط تضعيه على جبهة الطفل يبان عليه الحرارة
صحيح مو دقيق يبينها بالرقم لكن يعطيك فكرة فيه سخونة ولا يتهيا لك
وعيالي يحبونه طبعا الي يستخدمه مايشوف الحرارة لكن يشوفه الي يقراها
فيه نوعية اخرى من الحلمات الي هي خاصة لمنع الغازات بالطفل
لان اكثر الحلمات الموجودة للاسف تسبب امتصاص الطفل الرضيع للهواء فيزيد عليه المغص وانتفاخ البطن
وهالشي من المنغصات للام حتى بفترة الاربعين
عادة يبدأ مغص الاطفال من الاسبوع السادس يعني بعد الاربعين
لكن للاولاد بالذات يبدأ قبل
ففيه نوعية من الحلمات بالسوق مصنوعة بطريقة تقلل من امتصاص الهواء
موجودة من ماركة avent مثلا وما اسوي لها دعاية لكنها من الماركات الكويسة بالرضاعات الصناعية
فيه شي مهم حبيت اقوله لكم لاجل التجهيز
لانه اسمحوا لي كثير منكم شفت بتجهيزاته رضاعات تبان انها من ماركات رخيصة وصينية
هالرضاعات خطيرة على الاطفال وكثير منها يسحب من الاسواق وبها مواد صناعية بالتصنيع تعتبر مسرطنة او تؤثر بعقل الطفل
غير ان الرضاعة مثلها مثل كثير من السلع تحتاج الى تخزين جيد لاجل لا تتاقر بالحرارة لانها الا المفترض تكون مصنوعة من المطاط او من مواد معالجة ما تاثر على الطفل
لهذا افضل انواع الرضاعات فعليا هي الرضاعات الزجاجية
بعدها الرضاعات البلاستيكية
ومع هذا فيه قاعدة لتغيير الرضاعات
الاقي بعض الامهات تستخدم نفس الرضاعة وتتوارثها من طفل لاخر
او انهم يستخدمون الرضاعة فترة طويلة
فعليا الرضاعة الزجاجية ما تحتفظي بها اكثر من 6 شهور
والرضاعة البلاستيكية مو اكثر من 3 شهور
لهذا نصيحة لا تشترون رضاعات كثيرة
كل مرة 3 رضاعات وتكتبين متى شريتيهم وبعد هالمدة ترميهم وتاخذي غيرهم
مو بس هذا
اهم شي التعقيم ثم التعقيم ثم التعقيم
معدة الطفل وجهازه المناعي مايتحمل جراثيم بعمر اقل من سنة
هو حياخذ مناعة منك تكفيه تقريبا لمدة 3 الى 4 شهور
بعدها تنقص مناعته ويبدا يصنع مناعته بنفسه
لهذا ما تضغطي على جهاز المناعة الي فيه باعطائه اشياء غير معقمة او غير مناسبة لجهازه المناعي
ولهذا فيه كثير من الامراض الموجودة لم تكن موجودة بالسابق و معظمها امراض مناعية مثل السكر مثل البهاق ومثل امراض الحساسية وحتى الامراض السرطانية واروماتزمية اسبابها فعليا اضطراب جهاز المناعة للطفل فيبدا يهاجم نفسه
فالقصد وهذا من تجهيزاتك للاربعين
تعقمي الرضاعات بعد كل استعمال
اما بالتعقيم المنزلي وهو غسلها بفرشاة خاصة
بالماء والصابون وتشطفيها بالخل باخر شطفة ليزيل اي بقايا للصابون بعد كل استخدام
وتغليها بقدر مخصص للغلي
مو تستخدمين قدركم العادي الي تطبخين فيه
ثم غليها بالماء لمدة لا تقل عن ربع ساعة الى 25 دقيقة من وقت غلي الماء
طبعا هالشي يتعب الرضاعة على المدى الطويل لكن هذه الطريقة المعروفة الي تقتل البكتيريا وحتى الفطريات بالرضاعة ولتحمي طفلك
او انك تشتري الاقراص المعقمة هذه تلقينها بمذر كير ولها طريقة انا ماجربتها الا مرة بالسفر لاني اسافر بعيالي والظاهر تحطين القرص بالماء والرضاعات فيه لكن بصراحة ما استسغت الفكرة بالتعقيم الصناعي
او تشترين الاكياس الخاصة بالرضاعة وهذه تلاقيها برضه بمذر كير او بالصيدلية ولها رضاعة خاصة
وهذه تنفع الي بيسافرون او برحلة لانها اكياس دسدبوزبل للاستخدام مرة واحدة وماتحتاج تعقيم
وما اعتقد بتحتاجينها ضمن تجهزياتك الحالية للنفاس
عن نفسي شريتهم والظاهر لها 100 كيس بالعلبة ولا استخدمتهم كثير لان يبي لهم رضاعة خاصة والحلمة ماحبوها عيالي
او بالمعقم بالبخار وبالنسبة لي هذه افضل طريقة جربتها وسريعة وتناسبك كأم والدة وتعبانة حتى لو عندك الي ينفسك
ونفس الشي لو ناوية ترضعين صناعي من البداية والبعض يخلط بالرضاعة وهذا لا ينصح به لانه يتعب معدة الطفل
اشتري زمزمية خاصة لحفظ ماء الطفل المغلي
وفيه ناس للاسف يستخدمون قارورة ماء الصحة للرضاعة بدون غلي
اؤؤكذ لكم ان ماء الصحة الموجود هو ماء ينابيع بمعظم الاحيان غير معالج للرضاعات او معقم
واحيانا يشوفون به شوائب
لهذا تقدري تستخدمي ماء الصحة او اي ماء اخر خالي من الاملاح وتغليه
ومدة حفظه 24 ساعة
تغليه 10 الى 15 دقيقة بعد الغلي يعني ما تغلينه بالغلاية وتقولي تعقم
لازم من هالعشر دقايق تعيرينه فيها الوقت
بعدها تعبيه بالزمزمية او الثلاجة او البرادة على حسب الي تسمونها وتكون فقط خاصة للطفل
ومدة حفظه 24 ساعة للطفل
بعدها استخدموه انتوا لاي استخدام
ونفس الشي لما تحطينه بالزمزمية راعي انك ماتسكريها زين بالبداية لاجل يبرد
لانه بيصير يولع من الحرارة
خليه شوي لحد مايفتر لكن تكوني مسكرتها لاجل لا تخربين التعقيم
وبعدها تقريبا بساعة تغلقينه فتحافظين عليه حار
هالشي خلاني ما احتاج ابدا جهاز تسخين الرضاعة لاطفالي
لان الماء دافئ على طول
من كل الي قلته ارجع ااكد عليكم الرضاعة الطبيعية هي افضل شي
ومن ربنا تعالى معقمة وبحرارة مناسبة وارخص واسرع
لكن احيانا الظروف تحدك ترضعين صناعي
او تشفطين من صدرك لترضعيه طبيعي لاي ظرف ما
فلهذا الاحتياط واجب
وهذا اهم من شراء لبسات غالية او مظاهر للاتعراض او حلويات للتقديم
حنا نتكلم عن صحة طفلك الي هي مسؤوليتك المباشرة
والمعذرة للاطالة - فيه بعد معلومة تذكرتها وتحملوني من ام عندها خبرة
اظافر عيالك مدري لحد كم لكن اعتقد لعمر السنة لا تقصيهم بمقص اظافر
اما تاخذين المقص الدائري والطريقة الافضل تقصينهم باسنانك
ادري الطريقة مقرفة لكن اظافر الاطفال طرية
وا ن قهم بالمقص يخشنهم وبالتالي يؤذي الطفل لانه يشمخ نفسه
وجربتها لعيالي
فعلا من اقص اظافرهم بالمقص تخشن واتورط فيها
ولو اي احد منكم عنده معلومة مغايرة يعلمنا
لان قصهم بمقص الاظافر الاعتيادي اسهل من هذا المقص
مواضيع مشابهة
تابعي تجارب أخرى من هذا القسم.