صراحة ابداع
تسلمين حبيبتي
15 ليلة رومانسية وبالصور ..............
متابعة النقاش، صفحة 5
شاركي في النقاش
سجلي الدخول لإضافة تعليق.
التعليقات
88- الليلة الثلجية
تزودين برودة التكييف وتخلي ا لمكان بارد ولأقصى برودة ممكن تتحملوها
تجييبين رغوة الحفلات وترشينها على أطراف الممرات والغرف
-تجييبين ثلج صناعي إن أمكن أضيفي لها الماء وتتكاثر علبة صغيرة تسوي لك 3 جالون ثلج
رشيه بوسط الغرف وعلى بعض الشجيرات الصناعية بزاوية في الغرفة اللي راح تقعدون فيها
-خذي لك طاولة خشبية يكون لونها غامق أو خشب محروق مثل ما نقول
في وسط الطاولة حطي عدد كافي من الشموع بيضاء متساوية الحجم ومتلاصقة حتى تعطي شكل مثل النار اللي تتدفوا عليها على أطراف الطاولة ثبتي ريش أبيض >>>> ولا أروع ولاتنسين تحطين دبدوب ابيض كأنج صدق الثلج
-البسي قميص ابيض طويل بريش وتاج ملكه وخلي شعرك مستشور ومكياج سموكي وفضي وكثري اللمعه بالخدود وكأنج ساحرة الثلج
-وحضري عشاء مع كاتو فانيلا بالكريمه البيضه
-ادعي زوجك لهذي الليله البارده ببطاقه فيها كزينه بالريش قبلها بوقت حتى يتفرغ
- يوم رجعةالغالي من السفر
في الغالب يكون الزوج في يوم رجعته من السفر تعبان ولا ينتبه للتفاصيل وكل همه يشوف زوجته وعياله بخير
طيب شلون تستقبلين زوجك؟؟
على حسب وقت وصوله البسي لبس مريح وناعم بالنهار فستان بألوان زاهيه وبنوتيه وبالليل قميص قطن ناعم ومغري وشعر مستشور واكسسوار نعوم لازم تكوني ناعمة ومريحة لنظر عيونه مع طقم اندروير مناسب لملابسك ولازم بعد يكون ناعم والوان فاتحه
-حضري العشا او الغدا مع فازه ورد وردي او ابيض مع مفرش وطقم الضيوف وحضري طبق حلو يحبه من ايدك
-واذا دخل الغرفه فاجئيه بعلبه كاكاو كهديه حلوه وخليها على السرير مع الورد المنثور
-جهزي له بجامه جيديده ومناشف وزهبي الحمام بحيث يكون كل شي طقم مع شراء ادواته الخاصه جديده
-وبدون عتب ولوم ومشاكل سولفي احلا السوالف بس اذا طلب عشان ما يقول صدعتيني واهم شي الابتسامه
كذا بتكونين اهتميتي بكل التفاصيل اللي راح يلاحظها زوجك وتبقى بذاكرته دائماً
- ليلة الغابة
يمكن مرت عليكم بس انا بلخصها لكم واقولكم شلون تسوونها بطريقة بسيييييطة وحلوة وسهلة وراح تغير لكم الجو واي اضافة بتضيفينها من عندك ضيفيها على الموضوع عشان البنات يستفيدون
المقادير اقصد الطلبات
روحي ابو ريالين واشتري ورق الشجر وقصصيهم
اشتري وورود واحلى شي لوكانت قريبة للطبيعي مثل دوار الشمس
جهزي عصير وحطي فيه فواكه وزيني الكوب باليمون من برا وبقاعدة الكوب لزقي ورقة شجرة
وانا منزلة لكم رابط اصوات برنامج اصوات الغابات وبتلقين صوت البحر والعصافير
قميص نوم تايغر نمري وحطي مكياج برونزي وجعدي شعرك والبسي عدسات عسلية
هدية وورقة وقلم
لزق_تيب
شموع
الطريقة:
لزقي اوراق الشجر على الجدران والسرير وجدران الحمام وحوالين البانيو
شغلي اضاءة خفيفة او شموع ووزعي ورود دوار الشمس على السرير ولو طبيعي احسن
رشي الارض بورق الشجر
حطي الهدية باي مكان بالغرفة وارسمي خريطة على الماشي تدله وين الكنز(الهدية)
اكتبي له بطاقة دعوة على ورقة شجر وحطيها بالصالة وصيرى بالغرفة وكلميه بالتليفون وعلميه مكان البطاقة وقولي ماراح تتدخل الغرفة بدونها
حطي العصير على الكومدينو وقبل لا يدخل شغلي اصوات الغابة
واذا بغى يدخل الحمام قوليله انتظر شوي وشغلي صوت امواج البحر للحمام وطبعا تكونين مجهزته على ذوقك مالية البانيو ماء ورغوة وورود وورق نعناع وشموع
صدقووووني بتطلع ليلة روووووووووووعة
- عاد يالله يابنات والله تعبت ابي ردود تشجع مت من التعب عشان عيون بنات حواء ............
اجبرو بخاطري بكلمة حلوة
واللي عندها اضافة او شي جديد تقوله وتفيدنا
مواضيع مشابهة
تابعي تجارب أخرى من هذا القسم.