اصابات عيالي الغريبه بالصور فيه احد مثلي يابنات

انا عندي 3 اولاد وبنت

البنت الكبيره فيهم وعمرها الحين ما شاء الله 15 سنه لما كان عمرها 6 سنوات كنا في ابها وكان فيه مطر غزييييير وكانت في حوش البيت قامت تبكي وتصارخ بصوت عالي رحت لها بسرعه وشلتها بشكل سريع علشان ادخلها للبيت لأنها ياقلبي خافت من المطر متعوده على الرياض مطره خفيف المهم لما شلتها دخلت اصبعي في عينها وخدشت القرنيه
طبعا رحنا للمستشفى وفحصوا نظرها وغطوا العين لمدة 3 ايام مع قطره ومرهم للعين وكانت حرارتها على طول مرتفعه وحالتها حاله وكانت هذي بدايه المشوار

صارت كل سنه او سنتين تنخدش عينها ويصير نفس الموال وبعد فتره صارت بالتناوب هي واخوها اللي بعدها وعمره الحين 14 سنه صار حتى هو تنخدش عينه من اسباب كثيره مره الدفتر مره ولد خالته مره يده ........ وهو المشكله على نفس العين يصير الخدش
الحين البنت انخدشت عينها ( القرنيه ) 5 مرات
والولد انخدشت قرنيته 7 مرات حتى ان الدكتور قام يحذر زوجي انه العين ممكن تتلف ويصير لها مضاعفات
المشكله اللي فاقعه مرارتي الحين ولدي اللي عمره 8 سنوات ماشي في نفس الطريق انخدشت عينه
امس وهذي المره الثالثه تنخدش عينه واللي متعبني انه تجيهم حراره وصداع وزكام مع هالخدوش

والله ما تتخيلون كيف هالموضوع مضايقني لأني خايفه لايصير لواحد منهم في عينه شئ وتكون خاتمة شر عليهم
الحين صرت اخاف على الصغير اللي عمره 4 سنوات لايجيه شئ
وعلى فكره لاتفكرون عيونهم حلوين مررره ومحسودين عليه لاوالله يارب لك الحمد عاديه بالمره

وهذي صورة ولدي اللي امس انخدشت عينه

131 تعليق 17,878 مشاهدة

شاركي في النقاش

سجلي الدخول لإضافة تعليق.

التعليقات

128
  1. @akyd_bkrh_ghyr

    ياحياتي الله يشفيهم
    حافظي على الاذكار واذا صحيتي الصبح أستودعيهم رب العالمين
    وأكثري من الصدقه والاستغفار
    وثقي لن يصيبهم الا ماكتب الله لهم
    بس والله شيء غريب سبحان الله العظيم
  2. @am_mbark1

    الله يشفيه لك

    تصدقين ولدي وديته الطوارئ اليوم زكام وعينه منفوخه تروع وتدمع
    الله يعين بس ماقست حرارته

    انت خل حريصه عليهم وعلميهم يحافظون عليها
    ماعليهم باس
    وكلميهم على كلام الدكتور واقري عليهم كل يوم اذكارالصباح والمساء

    والف سلامه عليهم
  3. @hms_akhaaa

    اسال الله العظيم رب العرش العظيم ان تشفى اولاد اختي ام عمار

    شفاء عاجل لايغادر سقماا

    واختي لاتنسي الصدقه والرسول صلى الله عليه وسلم يقول داؤؤ مرضاكم بالصدقه

تابعي تجارب أخرى من هذا القسم.