شاركي في النقاش

سجلي الدخول لإضافة تعليق.

التعليقات

562
  1. @doremi

    ماشاء الله حلوة وناعمة
    الله يباركلج فيها ويرزقج السعادة والذرية الصالحة
  2. صاحبة الموضوع
    smr_rs
    حلو ومرتب ماشاء الله
    هلا حوائيات

    ما شاء الله ما تدرون شكثر فرحتني ردودكم وتعلقياتكم وما توقعت انها تعجبكم ومشكورين كلكم على الردود ومسامحة ما راح اقدر ارد على كل وحدة لكثرة الردود بس راح ارد على استفتاراتكم وحتى الرسائل الخاصة راح ارد عليها بس اصبروا علي شوي



    مشكورة على الرد واللون البنفسجي ورق جدران



    لا خيتو هذا كله ذوقي وحتى زوجي اعتمد علي اعتماد كلي في الاختيار بس ما قلتين لي شنهو اللمسات المختلفة اللي شفتينها ومشكورة على الرد



    ان شاء الله خيو ابشري راح انزل صور المطبخ في موضوع مستقل



    شكرا غاليتي على الرد والمدح وبالفعل انا تعمدت البساطة في كل شقتي لأنها صغيرة وما حبيت ازحمها بالاكسسورات واشياء مالها داعي وعلى قولة زوجي هي كلها شقة متر في متر :eek: كل شي تبغين تحطين فيها :p



    اسعدني ردك الجميل والجدار هو ورق حائط ام الألواح أخذتها من مركز الأنوار للتخفيضات في البحرين وعندها تشكيلات واسعة



    وردك من اجمل الردود التي اسعدتني وادخلت البهجة قلبي وإن شاء الله اتكلم على كل التفاصيل بعد ما ارد على التعليقات وراح انزل صور لباقي البيت قريبا :42:



    ان شاء الله غالي والطلب رخيص



    شكرا خيو وطلبك في محله



    بما ان الصالة صغيرة فتقيدت بموقع التلفزيون واذا قصدك على ارتفاعه بالعكس انا اشوفه مناسب للعين لأن الكنب مو رفيع واحسه الارتفاع المناسب



    تسلمين بس للحين ما خلصت منها وانا ابغي احط قفص طيور بس زوجي الله يهديه ما يحبهم يقول مزعجين ويوصخون :(



    لا حبيبتي ما كثرت من الأثاث كله طقم كنب مكون من 3 قطع مع طاولة وسط وطاولة تلفزيون صغيرة هذا كل أثاث الصالة أما الحديقة فهي في زاوية مستقلة من الصالة والحركة احسها سهلة



    شكرا على الرد والصباغة اول شي صبغناها عند محل اسمه العلم الأخضر للديكور والصباغة بس ما عجبني شغلهم على الرغم من ان الصباغة عادية بعدين جاب زوجي شخص عادي ما عنده محل وصبغها مرة ثانية



    ان شاء بس انتي جيبيه عندي وأثثه لك :p



    اللون الأصفر من الألوان الجميلة في الديكور خصوصا مع الديكور العصري وفي المساحات الصغيرة يعطي اشراقة جميلة للمكان بس للأسف الكثير منا يبتعد عنه ويعتمده فقط لغرف الأطفال :eek:

    ومشكورين مرة ثانية على الردود وراح انزل باقي الصور في موضوع مستقل
  3. صاحبة الموضوع
    @@ماء الكافور@@
    هلا حوائيات ما شاء الله ما تدرون شكثر فرحتني ردودكم وتعلقياتكم وما توقعت انها تعجبكم ومشكورين كلكم على الردود ومسامحة ما راح اقدر ارد على كل وحدة لكثرة الردود بس راح ارد على استفتاراتكم وحتى الرسائل الخاصة راح ارد عليها بس اصبروا علي شو…
    ردا على طلب الأخت رهوفة وام وسام في كتابة تفاصيل الصالة

    أول شي الصالة مثل ما قلت لكم صغيرة مساحتها 5.5 م * 2.5م يعني اصغر من الممرات نفسها وحتى نافذة ما فيها وزوجي في البداية ما حب نأثثها يقول هذي خسارة عليها التأثيث بس انا ضده خصوصا ان شقتي بس غرفتين ومطبخ فقلت له راح نأثثها بأشياء بسيطة واقتنع آخر شي :42:

    الصباغة كانت عادية واخترت اللون الأصفر علشان يعطيها مساحة اكبر خصوصا انه ما يدخلها النور وحبيت ادخل لون ثاني معاه واخترت اللون البنفسجي

    اللون البنفسجي عبارة عن ورق جدران أخذته من محل اسمه ستاليون وكلفني 100 دينار = 1000 ريال سعودي وكان السعر بالمتر المربع 9 دينار = 90 ريال

    الكنب اخذت لون اوف وايت وابتعدت عن الألوان الغامقة واخذته من محل هوم ستور في مجمع البحرين وكلفني 300 دينار = 3000 ريال

    طاولة الوسط اخذتها باللون الأسود علشان تتماشى مع بقية الألوان وخصوصا ان قوائم الكنب لونها اسود واخذته من هوم سنتر واعتقد كلفتني 70 دينار = 700 ريال

    طاولة التلفزيون هذي دخت عليها السبع دوخات :eek:لأن كنت ابغي وحدة صغيرة وآخر شي حصلتها من محل آي دي ديزاين وسعرها 45 دينار = 450 ريال وطبعا أخذتها في التخفيضات على الرغم ان السعر واجد عليها

    سجاد الوسط احترت اي لون آخذ وقلت ابغي لون شوي غامق علشان تبين الأرضية وفكرت في لون يتماشى مع الأصفر والبنفسجي وآخر شي رسيت على الرصاصي واخذتها من السوق الشعبية ب 20 دينار = 200 ريال

    الألواح المستطيلة اخذتهم من مركز الأنوار وسعر اللوح 18 دينار = 180 ريال اما الفازات اللي تحتهم اخذتهم من هوم ستور وسعرهم اعتقد 10 دينار للفازة = 100 ريال

    نجي للحديقة

    الجدار الخشبي مع النافورة بعد من مركز الأنوار وسعر الجدار 24 دينار = 240 ريالوهو عبارة عن فاصل والنافورة 45 ريال = 450 ريال وباقي الأشياء من نفس المحلات اللي ذكرتهم واسعارهم ما اتذكرهم اما الشتلات اخذتهم من مشتل فلورا عندنا بالبحرين

    هذي كل تفاصيل الصالة واي استفسار اني حاضرة

تابعي تجارب أخرى من هذا القسم.