تجهيزات المولود..الام..المستشفى..موضوع متكامل..
متابعة النقاش، صفحة 228
شاركي في النقاش
سجلي الدخول لإضافة تعليق.
التعليقات
1,960- للـــــــــــــــرفع
حنــ العالم ـــان يمامة نجد مشكوووووورة.. استفدت كثير من موضوعك.. وياليت لو عندك معلومات ثانية زي الاستحمام أو أي شي ثاني تفيدينا ,, لأني بكرية وأي شي راح يفيدني..
ان شاء الله انزل موضوع عن الاستحمام برابط منفصل لاجل لا نخرج عن الموضوع الاصلي$.MoONy.$ اما عاد اقصهم بأسناني !!!!! :eek: وش دعوة اختي انتي كذا ولاكذا بتقصينهم بالمقص واذا على تمخيش نفسه فيه قفازات البسه باليد ولا يقدر يمخش نفسه ولا شي مايجيه الا العافية :26:
هههههههههه
والله بكيفك
انا قلت لكم الي عندي
ومن تجربة
وقلت لكم ان بالمقص العادي اريح
لكن اظافر الاطفال طرية جدا بشكل ما تتخلينيه
هي نفس فكرة قص الشعر
اذا قصيت الشعر يقسى طرف الشعرة
وانت براحتك
هي اظافر طفلك مو طفلي
بالنسبة لي كنت اقص اظافر طفلي وبالذات الثاني من بعد تجربتي بالاول بالاسنان وماكان فيه مشكلة
بالعكس لانك تقصينهم باسنانك تكونين مرة حريصة لاجل لا يتعور
عكس المقص يمكن ينتف جزء من الاصبع بدون ماتحسي ويوجع الطفل- يمامة نجد انا معك بكلام انك ماتقصي اظافر البيبي بالمقص عشان ماتقسى حمولتي كدا يسوون بااطفالهم باسنانهم
- للصابون والشامبو ما فيه شي على شي
لكن لا تسترخصي وتاخذي ماركات مجهولة
بفترة طلع كلام على انواع تجارية من الشامبو للكبار والصغار وسحبوه من الاسواق
ما ودي اعمل دعاية لماركات الا لشي مميز
لكن فيه ماركات طبية مثل sebamed
هذول غالين شوي بالمقارنة مع غيرهم
لكن ممتازين للاطفال
لكن اشوف جونسون بعد كويسين رغم انه بفترة طلع كلام عليهم
لكن اسمهم ماركة معروفة ومن شركات كبيرة تهمها سمعتها ولها مرجعية
وفيه ماركات كثيرة بالسوق
الاهم من انواع المنظفات لانك بتنظفين الطفل بسرعة وبتغسلينه يعني ما فيه وقت طويل للامتصاص
هو الزيوت
زيت الاطفال مهم للطفل خصوصا بفصل الشتاء وبالاماكن الجافة مثل الرياض
واستخدامه لغرضين
اول غرض ترطيب الجلد وبالتالي التخفيف من الاكزيما
والثاني ينفع للمساج
ويوقي علاقة الطفل بامه
وفيه برضه زيوت كثيرة
لكن اختاري شي للاطفال
عن نفسي اختار زيت جونسون واستخدمه لهم ولي بعد
وهو اما تستخدميه وانت تحممي الطفل يعني بالشطفة الاخيرة بعد ما تغسلينه من الصابون تاخذي مسحة من الزيت وتمسحين به جسمه قبل لا تنشفيه
او بان تاخذيه لطاولة التغيير
وانا بصراحة كنت احط عيالي على سرير غرفتي لاني احممهم بحمام غرفتي واخرج الطفل بالفوطة وهو جسمه دافئ واكون مدفية الغرفة
السرير اريح لي لاني اكون بجنبه متمددة اريح لي من وانا واقفة
واسخن الزيت بيدي وابدا بدهن الطفل اول وهو نايم على ظهره والمساج تعمليه باتجاه القلب وبشكل دائري لكل جسمه
وبعدها اقلبه ينام على ظهره واعمل مساج للبطن ولليدين والساقين وطبعا تلاعبينه حتى لو هو مولود ورضيع ترا يفهم ويعرف امه ويعرف ريحتك ويميز صوتك
وطبعا بسرعة كل هالتكنيك ما بياخذ دقيقتين وحاولي تعمليه بسرعة لا يبرد الطفل بعدها غطيه بالمنشفة للتاكدي انها امتصت اي كمية زائدة من الزيت وتلبسينه ثيابه كالعادة
وتاثيره كبير على الطفل
اولا نفسيا تقارب بين الطفل وامه
وللام تعرفين جسم طفلك اول باول وتكشفين لو فيه اي تغير مثل الطفح الجلدي او اي التهاب جلدي او حتى مشكلة بالمفاصل مثل الخلع الولادي بالحوض
و يحسن حتى من وظيفة الامعاء
احيانا كثيرة يصير الام المغص بالطفل بسبب الامساك او الغازات والامساك بالذات للاطفال الي يرضعون صناعي
بالمساج بالزيت يخفف هالشي وبتشوفين انه بعد المساج اما الطفل يطلع غازات او انه يوسخ بعدها
وطبعا ينام افضل
لهذا افضل اعمل الحمام بالليل
وايضا تعملي رياضة للطفل
الطفل طول اليوم محبوس بالمهادات واللفافات
وكان قبلها برحمك محبوس لما كبر حجمه مايقدر يتحرك براحته
لما تعملين له مساج تحركي مفاصله وعضلاته وتمرنيها
مواضيع مشابهة
تابعي تجارب أخرى من هذا القسم.