هل تساعدوني؟

انا توني لي كم يوم اسقطت جنيني اجهاض منسي مثل مايسمونه
رحت من ثاني يوم عند اهلي عشان اريح سمعت ان التسقيط له مشاكله لو ماانتبهت لنفسي والظهر بالذات وهذا اول حمل ليا
زوجي صار بس يجي وقت العشا والنوم ينحرج من ابوي مع ان اختي مو مقصره وانا صراحه صرت انحرج من احراجه من اختي وابوي
مو هنا المشكله

اشوف اني انا وزوجي بعدنا عن بعض تقريبا انا احس وهو يقول شيلي هالتفكير من بالك
صار يروح عند اهله لكن ينحرج يطلب غدا عندهم فصار يطلع مع صاحبه او يجيه البيت ياكلون سوا ويشوفون دي في دي
انا ماارتحت صراحه لان زوجي تشتت وقلت له تعال غدا وعشا ابوي دوم يسأل عنك واختي تحسبك بالغدا لكن ينحرج يقول ماودي اثقل
ماتعودنا نبعد عن بعض لكن اضطرينا لظرف اجهاضي الاول احس ان زوجي حس بفراغ
وتعرفون الرجل وزوجته بعيده عنه
اخوه صغييير لكن احسه بدا يغير بطبع زوجي
صار يدخل نت يلعب وشات
حصلت الان فلاش ميموري حلف لي انها حق اخوه وشفتها من دون مايدري لقيت فيها شغلات سكسيه فيديو مقاطع
لقيت الان بجهازه انه مسجل بالفيس بوك
زوجي ماكان كذا كان مايحب شي اسمه نت ولا يعرف شي بالنت لما عرف عرف بس الالعاب لكن انا اقول شي يجر شي
انا صراحه ماتوقعت ان اخوه ابو 18 سنه يأثر عليه
اخوه فاهم بشغلات مغازله اكثر من زوجي
زوجي عليمي بالحياه تزوجنا انا واياه وعلمنا بعض اللي نعرفه ومازلنا نمشي ونتعلم بامور الحياه الزوجيه من منتدى حوا او الايميلات اللي انا واياه نتبادلها او الرسايل اللي تجينا بالجوال مشتركين فيها بالحياه الزوجيه
صدمني زوجي بهالامور
واخاف شي يجر شي
وانا من امس قلبي مو مرتاح كل مااكلمه احصله يدور بالسياره او مع اصحابه مع انه مايعرف غير شغله وافلام الدي في دي وام بي سي تو واكشن والبيت وبس ولا هو متداخل حيل اجتماعي مع اصحابه او اللي حوله بيتوتي يحب بيته وعيلته
اهله صراحه هالمره اهملوه بالغدا وانا ماودي ينخرب بيتي بنفسي
قلت له اليوم اني برجع انتبهه لبيتي واجيب شغاله لمده اسبوع والاسبوع الجاي كنت ناويه امدد اجازتي المرضيه بالعمل لكن مضطره اني اداوم عشان زوجي قال تتعبين قلت له ولا اني اخليك متشتت كذا انت خربت اتفاقنا وما صرت معي في بيت اهلي بالغدا

انا محتاره اكلمه باللي شفته
فيس بوك
الفلاش ميموري
الشات

او اسكت؟
لو سكت احس انه بتمادى ويظن اني ما ادري

ابقعد عند اهلي لاني بجد ارتحت وبنفس الوقت ابرجع بيتي احسن ينخرب

افيدوووني ساعدوني لاني بجد متضاايقه وحاسه ان زوجي تغلب عليه البشيطان وصار كل واحد فينا عنده اسرار


اسفه ازعجتكم وشكرا بلا مد حبيباتي

ورد

اعتبرينا خواتك وش دعوى

ما عليك إلا العافيه إن شاء الله ولا يلقى الشيطان باب يدخل عليك الوساوس منه وتوكلي على الله وعليك بالدعاء انو ربي يحفظه لك وأنتي أول ما تحسين بالعافيه روحي لبيتك
والله يوفقك

على حسب طبيعة زوجك
اذا هو يتقبل ووسيع صدر الفتي انتباهه باسلوب
اذا يعصب ويزعل لأ
والأفضل انك تغفلين شوي عن زوجك احسك متابعته بزيادة ترى والله انتي تتعبين
وهو اللي براسه بيسويه
الغفلة سر سعادة الزوجة