وشلون الحلوين بنات حواء السنعات
الحمدلله باقي يومين وتسافر هالعلة الي جبتها لبيتي شغالة الهنا جايبتها تريحني واكتشفت بعد مدة اني ما استفدت ابدا بالعكس
قررت استغني للابد عن الخدم اذا قدرني ربي
طبعا ضروفي صعبه بيتي كبير دورين عبارة عن 4 مجالس -و8 حمامات - وصالتين تحت وصالة فوق-5غرف نوم -و3 مستودعات
وعندي 4 اطفال
بس بالتنظيم ان شاء الله كل شي راح يمشي تمام
الكل تحداني حتى زوجي بس انا مصرة اثبت العكس:angry2:
زبطت لي جدول مايخرش الميه
اولا : الاعمال
اول شي راح اقسم البيت الدور السفلي لازم يتنظف يوميا مرة او مرتين اذا اضطريت
الدور العلوي راح انظف الحمامات يوميا بس والباقي ترتيب وانظفه مرتين بالاسبوع ترتيب شامل وغرفة نومي يوميا
الطبخ طبعا الفطور الصباح بدري والغدا والعشاء وشاي وقهوة
وتنظيف المطبخ اصعب شغل
جدولي المنظم ان شاءالله واللي عندها ملاحظة الله يخليها يارب لاتقصر
تنظيف الدور السفلي انظفه بعد العشاء انوم الاولاد بدري وانظف الدور السفلي وابخره عشان لماننزل الصبح يكون يفتح النفس
طبعا الفطور بدري بعد الفطور انظف المطبخ
واشغل الغسالة الصبح بدري عشان الحق اكوي وارتب الملابس بالخزاين بنفس اليوم والغسيل ثلاث مرات بالاسبوع
وانظف الحمامات اللي فوق والغساله شغاله وارتب الاسره وانظف غرفتي
على الساعه 10 ونص اعد الغدا مع العشاء سوا الغدا كبسه كالعاده مع السلطة واي شي للعشاء مكرونه - صينية بطاط
جريش- مرقوق - ورق عنب اي شي مفكرة اسويه والاكل على النار لازم اشيك على الدور السفلي
واغسل المواعين وانظف مرررة وحدة
طبعا الراحة من الساعه 2الى 4
من 4 الى العشاء اذاكر لاولادي
بعدين العشاء واغسل المواعين والمطبخ
والحوش ليلة الجمعه اغسله
والابواب يمسحو يوم الجمعه الصبح
المداخل الخارجيه باليل بعد مسح السراميك
تنظيف الدور العلوي تنظيف شامل الايام اللي مافيها غسيل ملابس
اذا نسيت شي ذكروني واذا عندي اغلاط صلحولي الله يديمكم ويبارك فيكم
ما ابغى اقصر واطيح من عين زوجي
دمتم سالمين بحفظهِ
شاركي في النقاش
سجلي الدخول لإضافة تعليق.
التعليقات
61- بلعكس ترتيب موفق
- غلاتي اذا ماعندك دوام ان شاء الله بتتسهل
بتتعبين في البداية بس اهم شي الراحه النفسية
الله يوفقك - الله يعينك
ونصيحه حطي غسالة صحون تشيل عنك هم الغسيل
وتساعدك كثير كثير
من تجربه
وغسالة ملابس إتوماتيك
وبالتوفيق الاماني والمنون بلعكس ترتيب موفق
شي طيب الله يعينك بس حابه اضيف شي بعد اذنك عندك ثمان حمامات ماشاء الله وتنظيفها بيكون صعب اكيد لكن نظفي مثلا خمسه او سته وقفليها ونظفيها مرة او مرتين بالاسبوع وقفلي اثنين من المستودعات الملابس غسلي مرره في الاسبوع جمعيها كلها في يوم وغسلي احسنلك ومجالس الضيوف مثلا نظفيها وقفليها ومرة في الاسبوع نظفيها خصوصا اذا ضيوفك قليلين يعني من اسبوع لاسبوع يجون او اكثر ..
هذا رايي لان ماشاء تبارك الله بيتك كبير وشغله اكبر منه والشغل مايخلص
والله يعينك ويقويك يارب- انا مثلك تحديت الكل وقلت مابي شغاله لمدة سنتين
بس والله طفشت من الشغل وكملت سنه وانا ماعندي شغاله:angry:
وشوي وابكي مايجي الليل الا ورجليني وارمه من الكررررررف:09:
وزوجي يقول مال الشغاله داعي البيت نظيف<<<<<<<يحسب البيت ينظف نفسه:mad:
مع اني مااحب الشغالات بس والله تعبت:(
اتمنى اروح للناس وانا رايقه موهلكانه وطفشانه
الله يفرجها
مواضيع مشابهة
تابعي تجارب أخرى من هذا القسم.