زوجي ذبحني بالمراقبة

بنات انا مشكلتي ان زوجي مايحب اني اخرج عند احد والله يابنات انعزم على زواجات مايرضى اطلبه اروح مع اخوي مثلا السوق مايرضى يقول انا اوديكي اي طلعة مثلا اكون عند اهلي ويعزموننا جيرانهم يقول لا ويوم اناقشة مايعطيني سبب مقنع وانا ما اشوف احد تقريبا الا حريم اصحابه واهلي واهله والله اني زهقت من الوحدة تصدقون يابنات حتى يوم بغينا نخطب لاخويا يقول ماله داعي تروحين امك واختك كفاية ولولا اصراري واصرار اهلي عليه ماوافق غير انه كل ماصارت مشكله حتى لو هو الغلطان مايعترف بخطأه ويقاطعني فترة طويلة الين انا ابدا بالكلام ودايم يراقبني في اشياء تافهه وكل مادق جوالي جري قبلي يبي يشوف مين مع اني يابنات ماارد على اي رقم غريب ودايم يقوللي تراني حاط تسجيل بجوالك وتلفون البيت وادري مين يدخل بيتي اي وقت وتهاوشت معاه قلت اش قصدك قال انا مااشك فيكي ابدا ولو عندي ذرة شك ماقعدتي عندي وانايابنات محط ثقة من اهلي وما عرفت عدم الثقة الا يوم عرفته لدرجة يوم رحت مع اخويايوم اشتري هدية لاختي في زواجها كان بنفس الشارع وراقبني بالتفصيل والحين يابنات صارت مشكلة بيني وبينه واول ماسوا شال عني تلفون البيت والجوال وقعدت فترة اسبوع ما كلمت اهلي لين امي كلمته وهاوشته بعدها حط تلفون البيت اما الجوال موبراضي يرجعه وهذي مو اول مره ثاني مره وانا انحطيت بموقف محرج اخواته وامه يسألو اهلي وين جوالها وانا اقول خربان وهم بالاصل عارفين انه شاله مني واللي يسمع بيقول اكيد شايف عليها شي احس انه قلل من قيمتي وانا الحين ماتتصورون قد ايش انا متضايقة وافكر اروح لاهلي اسبوع لاني مكتومه شوي اعامله زين علشان اتفادى المشاكل وشوي اتذكر اي شي سواه بيا واحقد عليه وودي انه يقعد شوي لوحدة يراجع نفسة والجوال خلاص شلته من بالي وقلت ماعاد بطلبه لاني كرهت المذلة وشرايكم بنات هل اتخذ هالاسلوب تدرون انا كني مخنوقة وابي اتنفس انا الحين لا انام زين ولا اكل الا وجبة وخفيفة بعد نفسيتي زفت احيان احس اني بكسر كل شي غصب عني تدرون يابنات انه يقول ودي ان ماعندك تلفون ماتحتاجينه اذا تبين اهلك كلمي من جوالي اعطوني حل يابنات وش اسوي معاه تعبت من الكلام معاه مافي فايدة ............

14 تعليق 2,931 مشاهدة

شاركي في النقاش

سجلي الدخول لإضافة تعليق.

التعليقات

14
  1. @rmzalofa_1

    هلااختي والله قصتك تعور القلب
    وواضح من زوجك انه شكاك
    وازوج يشك بزوجته اذاكان عنده علاقات قبل الزواج وخايف انه ينصدم فيك وتكونين مثلهم
    اوانه يجلس ويسمع كلام عندربعه ويخاف انك مثلهم
    وزجك باين انه يحبك ويغار عليك من كل الشي وغيرته وصلته لشك حتى انه يشك بحبك له
    ماقدراقول لك الاانك تعاملينه اوكي وتحسسينه انه يوم اخذمنك الجوال مو ماثرفيك شي لانك
    اذاقلتي ابيه ووووراح يمنعك تاخذينه لانه بيشك وبيني له انك صفحه واضحه
    ماعليهاغبار
    وادعي له بالهدايه وصدقيني انه راح يكره نفسه على هالمعامله انا والله يوم صرت اشك بزوجي
    كرهت نفسي ولكن الحين الحمدلله
    الله يصلح لك زوجك
  2. @mryomh_2

    بصراحه حبيبتي

    كل شي يهوووووووون

    الا الشك والبخل ..

    بصراحه مافيه شي يحمس تجلسين عنده ..

    سوري حبيبتي .. بس تنرفزت ماحب الرجال اللي ينطبق عليه

    كلن يرى الناس بعين طبعه ..

    وفوق ذا كله مقلل من قيمتك ولا يحسب لك حساب ..

    الله يهديه ويعينك ..
  3. @shoklath_thaybh

    صاحبة الموضوع
    يابنات انا مشكورة على مروركم بس انا احتاج حل يريحني ويا اخت رمز الوفا فعلا زوجي اكثر كلامه عن القصص اللي يسمعها في الدوام وكلها عن الخيانة الزوجية وان احد من اصحابه يخون صاحبه الثاني مع زوجته ....................الله لايبلانا.........
  4. اعطى زوجك الامان خليه دايم هو الى يشوف مين على الجوال بطريقه غير مباشره مثلن تكونى مشغوله ناديه يشوف مين المتصل بكذا راح يحس ان الورق مكشوف ويرتاح لكى اكثر انا مجربها مع زوجى كان دايم الشك حتى لما يجى من الدوام يسئلنى مين متصل اليوم اقوله اصلن ما فتحت الجوال والتلفون اخلى اطفالى هم الى يردون
    كمان اختى يبغالك تفهمى نفسيته وتحاولى تحسسيه انه الوحيد فى حياتك وا الاخير
  5. @mryomh_2

    اوكي سمع خيانات ..

    انتي وش ذنبك تتحملين تصرفات العالم؟؟؟

    اجل حتى حنا بنشك كل شي حوالينا

    هذا بدل مايقول الحمدلله ماعندنا ذي السوالف يقوم يشك..

    الله يعينك حبيبتي ...

تابعي تجارب أخرى من هذا القسم.