ارجو المسساعده مرض الروماتايد

الله يعافيك ياقلبي انا باقي على موعدي اسبوعين وشكلي تهزأ الدكتور قالي بعدي عن المزكمين والمفلوزين وكاني زكمت صار لي يومين وبس كوابيس انه يقولي فيك فلونزا خنازير:22: سم الله علي ههههههههه:42:

مرحبا صبايا
حبيبات ألبي شتأتلكن:26: قد ما كنت مشغولة كنت معصبة:angry2: بدي اطلع عالنت طلً عليكن:kiss2:
صراحة انا نازلة قراءة بالصفحات يللي راحت عليي وما عم لحء وقال شو شي بضحك بجاوب عالسريع بألبي هه هه
المهم اول شي بدي اوول ل زهرة النور: دخيلك ما تهملي وجع وركك ابداً والمتل شو بقول: سأل مجرب وما تسأل حكيم. أنا دكتوري ما نبهني انو اذا تركت العلاج ما بيسوى و بلش وجع وركي و اخر شي بدلت وركي. please ساوي صورة x-ray وطمنينا عليك بالخير.

تاني شي بدي إللا ل abeer k انو بعد عملية الورك راح الوجع طبعاً وصرت امشي عادي بس في اشيا كتير صرت ما فيني ساويها متل شو؟ ما فيني صلي واسجد عل الارض بصلي عل الكرسي، ما فيني اعد عل الارض، ما فيني حط اجر فوق إجر، ما فيني ارفص، ولازم انتبه من الوئعات ميشان الورك سيراميك ما ينكسر و الحمدلله.

تالت شي بدي اسأل بنات، يا البي الحجامة اذا هيك منيحة منعملا بس بتوجع شي؟؟؟ (انا خايفة اعملا ) please ايلولي؟؟؟

يا الله من وين بدي بلش؟؟؟؟؟؟ اي بدي كمل القصة تبعيتي مع المرض من النص. (المرة الجاي بخبركن قبل وبعد النص
*****الله)
بنص سنين المرض، لما الوجع صار قوي كتير, صرت اخد ال remicade بمستشفى ال AUH ب بيروت وبعد شي سنة ونص صرللي تحسس قوي كتير يا لطيف الله ناجيني من الموت... كنت متت...وجي نفخ كتيير كتيير وداء نفسي، بطلت قادرة اتنفس و كنت عم غيب عن الوعي مع زغللة بالنظر و وجع بألبي فظيع..صرت اوول: اشهد ان لا إله إلا الله وان محمداً رسول الله. بس يا ربي:: ولادي بعدن زغار دخيللك يا الله ما تموتني هلء وما بعرف كيف انقذوني. ايدي عل الجرس وكل الطابق بالمستشفى صار عندي بالغرفة. شي ما طبيعي و قال الحكيم كان العارض الاول من نوعو وقوي كتير هيك ما مرء على راسنا. (ما بدي كئبكن ما تزعلو خلص هلء انا منيحة بفضل الله: يا حبيبي يا الله).

هلء المشكلة وين: انو انا كتييير تعبانة لدرجة انو اليوم زدت الكورتيزون 10 mg و حسيت اني احسن
(ستغلت انو الوجع حل عني شوي ورحت انا وزوجي مع ناس اصحابنا ع الdown town) طبعاً بدنا نعرف نعيش مع هالشي يلليي اسمو روماتويد وما ننسى انو عنا رجال بدنا نسايرن كمان حتى كمان يسايرونا..
حابي احكي بعد please تحملوني شوي صبايا الافكار براسي طاوشتني بدا تتطلع لا برا (متل اخواتنا المصرييين : كانت في جرة وطلعت لبرا هه هههه)
يا الله وين صرت: اي انا هلء كتير تعبانة و الدكتور نصحني ارجع لل biological treatment وانا خايفة كتير والله خايفة كتير يسرلي شي ما منيح وانا مؤمنة بمشية الله بس خايفة كتير يسير شي متل المرة الماضية.
(ما تقولو بنات علي معقدة بضحك شوي و بزعل شوي بس هيك عم ضل لما كون موجوعة كتير....
ما خليت شي ما عملتو شو بدي ساوي بعد....
ما بدنا نقلبا دراما خليني ارجع بعدين حتى ما احكي كتير واطوشكن
منكفي بعدين *****االه
على امل مرة الجاي يا بنات نخترع نحنا او نكتشف شي جديد
قولو يا رب
يا حي يا قيوم، برحمتك استغيث
bye حبيبات البي

انا مرضت قبل الزواج بس الاعراض كانت مره حفيفه وماتم اكتشاف المرض كان هذا قبل زواجي ب9 اشهر


وماكنت اخذ علاج يادوب بنادول اذا حسيت بالم
..وبعد فتره من زواجي ارتفعت حدة المرض عندي وشخصت على انه روماتويد وبدأت بالاعلاج البيلوجي والحمد لله


وزوجي مره متفهم طبيعة المرض عندي ويساعدني والحمد لله رب العالمين هذا ابتلاء ممكن يصيبني ويصيبه الله يحفظه لي يارب...

نانا ..حبيبتي سوالفك تجنن ..

كلمينا عن تجربتك مع الحمل والروماتويد ...