امهات الأطفال الخدج هنا التجمع حياكم معانا/ الجزء الخامس

هلا حبوبه

انا لاني حامل بتوام بنات .. وتعرفين شلون البنات ينفخوووووون بطن الام ويسببون ثقل مو طبيعي :(

من جذي يجيني طلق وبالمهدئات تروح .. الحمدلله والشكر لك يارب

وانتي متى ولدتي وشنو عندج بنوته ولا ولد

وكم قعدت في الحضانه

ربي يتمم لج على خير

واهم شي النفسية ولا تتعبين واكلي زين

ويا رب تكملين للتاسع وتولدين طبيعي

هلا ام دودي

تسلمين يا عمري على الدعوة الطيبة

ولا تخافين يا ام دودي ربي وربج ارحم من عبيده واذا اليه نصيب في هالدنيا بيعشه وبياخذه واذا لا الموت ارحم اليه ولج صج هالشي يألم بس الواقع جدي يروح عند رب كريم اكرم مني ومنج

بس والله يا ام دودي ادعي اليه ربي يفرج له ويريح قلبش وتشوفينه مع اخوه يشاغبون

وحدنا من اهلنا ولدت وقالوا اليها ما راح يعيش اكثر من 5 شهور لان حالته غريبة ونادرة عنده اذنه مو في مستوى عيونه
واللي في مثل حالته يعيشون 5 شهور بس وعقبها يتوفون بس محد يعلم الغيب نوالله تقطع قلبي كل ما تتشرى وتتعب فيه وتربيه وتلبسه وهي تعرف ان عقب 5 شهور بيروح منها والله انها تتمنى العمر يوقف ولا يكمل 5 شهور حتى لو ما صاده شي بس لان الدكاترة خوفوها

من جدي يا ام دودي احمدي ربج انه مو عندش بالحضانة وتوقعي دائما اسوأ الاحتمالات والله يعينه الام اللي طفلها عندها وهي الاطباء مخبرينها انه بيموت وكل شي بيده سبحانه وتعالى يحي العظام وهي رميم وامره بين الكاف والنون اذا اراد شيئا يقول له كن فيكون

ويا عمري فهمت عليج وان شاء الله اسال الدكتور بس يا ريت تعطيني طريقتهم شلون اعطيها اياه

والحمد لله على كل حال موعدها يوم الثلاثاء وان شاء الله خير املنا فيه سبحانه كبير كبير