وش رايكم بالجمعيات الشهرية

السلام عليكم ورحمة الله وبركاته

بدون مقدمات اليوم عندي موضوع عن الجمعيات الشهرية طبعاً تعرفونها وفيه ناس

كثير يدخلونها وانا وحدة منهم عندي جمعية وأذا انتهت بدخل وحدة ثانية أن شاء الله لأني

ناوية أن شاء الله أشتري فرن وثلاجة جديدة وهاذي لحالها ميزانية تبي لها أقل شي

4000 ريال وانا ماني موظفة وراتب زوجي يادوب يفوي بألتزاماتنا الشهرية فمالي غير

أدخل جمعية وأسددها على أقساط مريحة ما ترهق ميزانيتي ما شاء الله أختي ماسكة

جمعيات بمبالغ كبيرة أحياناً تسلم جمعيات بـ 40000 ألف وتمشي 3 - 4 جمعيات في

السنة وأعرف مدرسات ومديرات مدارس كثير داخلين جمعيات لأن أكثرهم مسيكينات

رواتبهم رايحه على القروض ويدخلون جمعيات يفكون زنقاتهم خصوصاًعلى وجه

العطل والزواجات أنتم وش رايكم بالموضوع أنا صراحة أيد الجمعيات أشوف أنها تفك

زنقات خصوصاً في هالزمن اللي عايشين فيه كل شي غالي ويزيد الغلا يوم عن يوم

الواحد مايقدر يجيب كل اللي نفسه فيه مع محدودية الرواتب يلا أسدحولي آرائكم هنا

وخلونا نتناقش في الموضوع

41 تعليق 50,727 مشاهدة

شاركي في النقاش

سجلي الدخول لإضافة تعليق.

التعليقات

38
  1. @matokaat_ktha

    حلوه ومو حلوه
    صدق تفك زنقااااات
    وتضيق عليك بالاعياد والمناسبات
    من تجربتي أنتي أجمعي المبلغ كأنك في جمعيه ولا تصرفيه أبد لحد ماتوصلين للمبلغ المطلووووب
    جربت الجمعياااات وفكت لي زنقااااات في الصيف بس في العيد تورطت
    والله يوفق الجميع
  2. @aaalmy_althany

    أنا مو موظفه ولكن زوجي يدخل أحيااااااااااااانا لكن أغلب قرايبي داخلينها حتى تفك لهم أزمات
    لكن ماأحبذ تكثيرها يعني بعضهم يدخل جمعيتين ثلاث بشهر واحد يعني بصراحه كثرتها هم لأنك تتعامل مع أكثر من عقل ويمكن سمعنا عن مشاكل صارت فيها إلي تأخر بالدفع أو يبغى هو الأول طبعا ماراح أتكلم كثير لأني قليلة خبره فيها
    لكن أيضا فيها فوائد وفك زنقات وبالله التوفيق
  3. @am_amer2009

    الجمعيه تفك علينا زنقات كثيره وبنفس الوقت تضيق بس احس انها افضل من انى اجمع كل شهر لانى مستحيل اجمع اكيد لازم العب فيها
    وانا الحمدلله استفدت من الجمعيات كثير
  4. انا بدخل جمعيه هذا الشهر من المصروف إلا يعطيني اياه زوجي لان زوجي مايهضم الجمعيات يقول كنها اقساط سياره ولا قرض

    وانا اشوف انها تحفظ فلوسك من الصرف إلا ماله داعي ويجيك مبلغ تستفيدين منه في شي ضروري او تشتريبه ذهب لك ولازمن

تابعي تجارب أخرى من هذا القسم.