شاركي في النقاش

سجلي الدخول لإضافة تعليق.

التعليقات

13
  1. @ftaft

    انا غسالتي ال جي فل اتوماتيك غسيل تنشيف بدون بخار طبعا ..
    سهله كثير حبيبتي ..

    بالكتالوج كل شي واضح لو ترجعيله وانتبهي لا يضيع لأنه حترجعيله كثير وتتعلمي منه .. انا غسالتي لها نص سنة معاية ومرتاحه كثير معاها ..
    بالنسبة لوقت الغسيل حبيبتي تشوفيه كثير بس لو قارنتيه بالغسيل الثاني تقريبا نفس الوقت اقلك ليه لأنها تغسل بالصابون بعدين تشطفيها ثم تنشفها تنشيف عادي مثل الغسالات العادية طبعا ماراح تنشف كامل الا لو اخترتي زر التنشيف عرفتي ..

    بالنسبة للي عندي درج الغسيل ثلاث اقسام بالنص للداوني او الكامفورت اي نوع ملطف حبيبتي تستخدميه والدرج الي ع اليسار للصابون ولازم يكون للغسالات الي من الامام واي نوع والي باليمين على حسب كتلوجي كمان للصابون بس في حالة اخترتي غسيل الملابس بصابون مرتين للملابس الي تكون شديدة الوسخ بس ماقد جربت هالنوع من الغسيل ماحتاجه ..
    بالنسبة للكلوركس ماحتاجه معاها لأن نضافتها ممتازه صراحه لدرجة اخوي جاني برمضان وطلب اغسل له ثوبه ولمن كويته اندهش قلي كان فيه بقعه بالثوب مارضيت تروح وراح ثلاث ارباعها وهي قديمه على قولته حتى تحمس يشتري مثلها ..

    بالنسبة لي انا دايم استخدم برنامج الملابس القطنية او السريع على حسب كمية الملابس ووسخها ..

    بالنسبة للتنشيف ياعسل في زر خاص للتنشيف تختاري المدة من نص ساعة لثلاث ساعات على حسب كمية الملابس ونوعها .. وبالنسبة ماتنشف زين اقلك انا غسالتي تتحمل سبع كيلو اوكي بس بالتنشيف تتحمل ثلاث كيلو ونص عشان تنشف تمام لو اكثر ماراح تنشفها مره بس لمن اطلعها على طول افردها ولا تاخذ دقايق الا وهي ناشفة تمام ومنها كمان عشان الملابس الطعجات الي فيها تنفرد لانه لو بردت مره وهي مكسرة صعب كويها ..
    وعلى فكرة بعد التنشيف اقل شيء نص ساعة لساعة الين تقدري تفتحي الغسالة لأنها حتكون ناااااااااااااااااااار فمستحيل تفتح بدري يعني استخدمي التنشيف وانتي منتي مستعجله ع الملابس والغسالة بنفسها تقوم بتبريدها تقعد تدور بشويش الين تبرد وتفتحيها بعدين ..

    وان شاء الله اكون افدتك ..
  2. @aatr_2000_1

    مشكورة يااخت فتافيت افدتينا بتجربتك بس كم كيلوا الغسالة تنشيف 100بالمية او 75 بالمية

تابعي تجارب أخرى من هذا القسم.