شاركي في النقاش

سجلي الدخول لإضافة تعليق.

التعليقات

90
  1. @agml_ansanh_12

    عاااادي اختي طنشيها بس اكيد اذا اختها شافت اللي سوته ماتوقع راح تسكت لها
    اكيد نبهتا انتي وسعي صدرك وماعليك منها
  2. @copyamppaste

    المشاركة المقتبسة غير متاحة.

    صح لسانك .. قلتي الكلام اللي بقلبي ,,
    بس بزيد عليك كم كلمه ,,

    شوفي يااختي يوم انك شايفه زوجه اخوك واهلها محتاجينكم ومو قد مقامكم واختها طمعانه بتجهيز النفاس ليش يومكم خطبتوها من الاول ونزلتوا من قدركم على قولتك ؟!!

    زي ما اخوك عنده خير زوج اختها عنده خير وبيجيب لزوجته اذا ولدت .. مو محتاجه تاخذ فضله اختها ..

    بعدين اسمحيلي ,,

    انت بلسانك قلتي هذي ثاني زيارة لك ..

    يعني قد رحتي قبل وقمتي بالواجب ..خلاص ماله داعي تروحي مرة ثانيه دام ماعندك مكان تحطي فيه ولدك .. انتظري لحد ماترجع زوجه اخوك لبيتها وروحي لها ..
    انا عني اتضايق من اللي يجيبون اطفال معاهم بالزيارات خاصه لما اكون في بيت اهلي مستقبلتهم مو بيتي ..

    بعدين اظن اخوك متزوجها من ثلاث سنين ونص معقوله للان ماعرفتي طبعها ؟!!
  3. @highquality

    سبحان الله

    فيه أمهات باردااااااااااااااااااات وكمان وماينقال لهم الشي

    بصراحة أنا أكثر شي يضايقني في هالدنيا الأم اللي تروح للناس وتاخذ عيالها معها وإذا سوى ولدها شي يضايق أهل البيت مو بشرط يضايقها هي ماتبي أحد يقول له شي وكأنه ملك

    أختي

    ياقلبي الطفل دايما طفل ماينلام ولا ينشره عليه ولا يعرف الصح من الغلط

    بس لا تزعلين مني طفل يأكل حلاوة وبعدين بقلاوة ولاحظي كلها أشياء بصراحة تحوس اليدين والفم وسالفة إذا الكبير أكلها حاسته فمابالك بطفل

    ويوقف جنب سرير البيبي أو مفرش الأم وأنت على كلامك إنه غااااااااااااااالي وفخم وأنت واقفة جنبه مانبهتيه ولا مسكتيه ولا شلتيه وبعدتيه عنهم

    وفوق هذا كله ماتبين أحد ينبهه

    اختي اعرفي إنه فيه ناس ماتحب الطفل أيا كان يحوس ويلعب بكل شي وعند أي شي وفي كل مكان

    غرفة الضيوف مثلاَ من الأماكن اللي غير مناسبة لتواجد طفل والكل عاف ليش وإن تواجد لظروف لمثل ظرفك أو غيره

    تبقى مسؤولية الأم السيطرة على طفلها وخصوصا إذا لاكان طفل صغير لا يعي مثل طفلك وهذا بالطبع ليست بالمهمة السهلة

    تضطر الأم أحيانا ؟إلى عدم الجلوس أو الانبساط مع الضيوف وطول ماهي جالسة معهم وعينها على ولدها لا يوسخ أو يمسك شي

    هي اللي تأكله وهي اللي تشربه وإن أصر على إنه هو اللي يأكل ويشرب بنفسه تمسكه الأم جنبها وتمسك يده وهو ياكل ويشرب وتمسح بعدها بمناديل مبللة ومعطرة خاصة بالأطفال تكون جايبتها معها . هذا الصح اللي المفروض يتسوى ولو بعد كذا أحد غلط عليك أو على ولدك يحق لك تاخذي على خاطرك وتفهميهم هالشئ

    لكن كونك واقفة أو جالسة عند سرير البيبي أو الأم وولدك معك وياكل شوكلاتة ووووو ووأنت عااااااااااااااااااااادي وماتبين أحد
    من أهل البيت اللي ضايقهم الموقف يقول له شي . وفوق هذا كله تزعلين .. اسمحيلي أختي إني أقول لك إنهم ماينلامون.

    وإذا أخت زوجة أخوك أخطأت فهي أخطأت بشيئين

    أسلوب تنبيهها لطفل غلط لأن كان بإمكانه تنبهه بود وحب بشكل يخليه يسمع كلامها من غير مايجرح مشاعرك

    وكلامها بأنك ماتعرفين تشيلين طفل صراحة ماله داعي وغلطتي أنت بسكوتك لها ذاك الوقت وكان المفروض تردي عليها بأسلوب ضحك إن هذالا الشي مو بجديد عليك أفضل من إنك تشيلين بقلبك ويحز في خاطرك

    وكلامك على أهل مرت أخوك مو حلو أبداً ومايصير هالشي أختي لأنكم في النهاية أهل

    تضايقت كثير من الأخوات اللي يشيشونك هنا وبعضهم ينصحونك بالقطاعة

    لأن الأخوات هنا ماقصروا عطوك كلام ونصايح في القطاعة مايحتاج وكل ذا علشان كلام سخيف من وحدة ماعندها أسلوب للتعامل مع طفل لا و موجه لطفل

    وهذا إن دل على شي يدل على صغر عقل الحريم وتدقيقهم في أشياء سخيفة المفروض لا يدار لها بال

    أختي أدري بتزعلين مني

    بس والله أتمنى من كل قلبي تتقبلين كلامي بصدر رحب وتشوفينهمن منظور الآخرين

    وتذكري آراء الناس مختلفة وأن اختلاف الرأي لا يفسد للود قضية

    ومرة ثانية لا تزعلين مني
  4. عادي يابنت الحلال وسعي صدرك

    فيه ناس حريصه شوي وماتقدر تمسك نفسها

    عاد لو اني منك كان قلتلها ترى لنا فيها مثل مالكم وليش اول مره امسك طفل كان نقدتيها على نفسها
  5. @aldym_9

    والله انا اشوف تصرفها طبيعي جدا وعااااااااااااااااااااااادي
    بس انتي تحسستي بزيادة

    يعني ولدك ياكل شوكولاته اكيد انه بيعدم أي شيء يمسكه فيفترض انت تكوني حريصة انه ما يوسخ اشياء غيرك يعني ما اظن انك ترضين انه يحط ايده على ملابسك ويبقعها
    يعني كان اكلتي ولدك وقمتي وغسلتي ايده هذا الشيء الي اشوف كل العالم تصلحه فما ادري ليش انتي زعلانة من انها تقول لك انتبهي لا يوسخ المفرش يحق لها بصراحة اذا يده مهي نظيفة

    اما سالفة لا يطيح الطفل كمان عادية لأنه فيه ناس فعلا دفشين في شيل الطفل كأنهم شايلين واحد عمره سنة فما قالتها لك إلا من خوف وترى قلوب الناس ماهي سوى يمكن انتي قلبك بارد إذا أحد شال ولدك ما تفرق معاك بأي طريقة لكن فيه ناس ما تتحمل تجلس توسوس فاحسن لهم يقولوا انتبهي

تابعي تجارب أخرى من هذا القسم.