شاركي في النقاش

سجلي الدخول لإضافة تعليق.

التعليقات

147
  1. بنات هذا الموضوع منقول من منتدى كويتيااااااااااات وسمها ام .....نسيت بس فيه حرف الجيم


    وترا البنت تعذبت ووجها انحررق وصار كل البنات يدعو عليه وهي تفكر ترفع عليه قضيه

    انتبهوووو

    شكلك ياصاحبه الموضوع ماقريتي الصفحات كلهاا وانا مشتركه هناك والله حالة البنت تبكي

    خسارة فلوس وجهها راح فيها
  2. @sam_8

    السلام عليكم ورحمة الله

    أعرف عن نفسي أنا

    SAM

    عمري 26 عام ... كنت أعاني من مشاكل حساسية في البشرة وأنا صغيرة وتركت آثار على جسمي

    عالجت قبل 8 سنوات لكن ما استمريت بالعلاج لأن نفسيتي تعبت بسبب الآثار الجانبية للعلاجات ومن يومها تركت كل شئ

    بشرتي بدأت تتحسن سنة بعد سنة لكن ما رجعت صافية مثل قبل

    بعد ما سمعت عن تقنية الفراكسل وعملت بحث عنها في الانترنت

    قررت إني أعالج بالفراكسل وهنا بدأت أدور بالمنتديات عن الناس اللي جربت ووصلت لهذا الموضوع واللي أفادني كثير

    وهذه أول مشاركة لي :)

    في البداية أحب أشكر اللي طرحت الموضوع وكل اللي شاركوا في تقدمه

    صار لي كم شهر متابعة للموضوع ... وبالفعل كنت مترددة إني أعالج بالفراكسل

    فيه تجربتين مروا على الموضوع هم اللي بجد شجعوني لأنهم حددوا بالضبط وين عالجوا

    وكتبوا بعض النتائج وحده تكلمت عن د. ديما وهي كانت المفتاح الأول

    والثانية اللي هي الأخت louis vuitton ... و كمان ذكرت د. غسانة ( ما أدري إذا هي كانت تقصد عيادة د. غسانة أو

    د. غسانة بنفسها )

    عموما قبل يومين أنا رحت لعيادات الدكتورة غسانة وتحديدا عن د. ديما ... وشافت بشرتي وخصصت لي العلاج بالفراكسل

    طبعا الحمدلله وجهي مافيه شئ وجسمي فيه آثار حبوب خفيفة من غير أي ندوب

    الدكتورة شرحت لي الخطوات ( راح اقولها لكم آخر الموضوع)

    بعدها قالت لي بعد الجلسة بيصير احمرار وانتفاخ بسيط بالجلد راح يختفي خلال الأربع أيام الأولى

    وتصير البشرة لونها برونزي فترة أقل من أسبوعين

    تحسن البشرة راح يوضح بعد شهر تقريبا ... وراح تستمر البشرة في التحسن لأشهر طويلة بعد آخر جلسة

    طبعا الجلسات قالت من 3 إلى 5 جلسات

    ...... تابع

  3. @sam_8




    علاجي كان عند عيادات الدكتورة غسانة في الدمام
    رقم تلفونهم 8260672
    د. ديما




    قبل ما أتكلم عن الجلسة باقولكم ملاحظة صغيرة .. أن د.ديمــا رائعة جدا جدا في معاملتها


    اليوم الصباح كان موعدي لجلسة الفراكسل ... أول ما دخلت العيادة أخذتني الممرضة أو نسميها المعالجة

    إلى الغرفة الخاصة و حطت على المكان المتأثر مادة جل (مخدر موضعي) وقالت لي نص ساعة وراح نبدأ بعدها الجلسة ..

    وفعلا بعد نص ساعة رجعت الممرضة و نظفت كل الجل وبعدها مسحت على جسمي بجل ثاني لكن طبقة خفيفة جدا

    (أذكر وقت بحثي على الانترنت عن تقنية الفراكسل ذكروا أن الجل هذا ماله أي تأثير على الجلسة
    لكنه يستخدم كدليل على الأماكن المتأثرة ويساعد الدكتورة فقط على معرفتها)

    بعدها دخلت عندي الدكتورة .. غطت عيوني وبدأت بالعلاج .. شوية آوتش و أوه :( :( و خلصنا.. مدة الجلسة ما أخذت ربع ساعة

    بعدها حطت الممرضة على جسمي علاج و لبست ورجعنا للعيادة ...

    في العيادة د.ديما عادت كلامها عن الاحمرار ..وكمان قالت أنه بعد فترة بألاحظ قشور تطلع من جسمي وأن البشرة تصير كأنها منقطة وهذا شئ طبيعي ما أقلق منه

    بعدها كتبت لي علاج مركب أخذته من صيدلية مستوصف الروضة... قالت لي أستخدمه مره وحده قبل النوم ...

    (تكلفة العلاج 80 ريال)

    وخليتها تكتب لي لوشن للجسم عشان أستخدمه بعد الاستحمام ووقت ما تبدأ القشور تطلع..

    كمان قالت لي أتوقع أحس بحرارة في الأيام الأولى ... وأحس بمثل الدبابيس الصغيرة وقت الاستحمام

    عشان كذا يفضل الموية تكون فاترة مو دافية كثير....



    تركت لي الاختيار في تحديد الجلسه اللي بعدها من أسبوعين إلى شهر

    حسب كلامها .. أن الشهر أفضل لأني راح أحس بالفرق بشكل دوري قبل كل جلسة جديدة

    بالنسبه لأسبوعين ما راح يمديني أشوف الفرق لكن بس تنتهي الجلسات راح أشوف الفرق يظهر كله في نفس الوقت

    أنا اخترت فترة 3 أسابيع إلى الجلسة الثانية و باحدد بعدها إذا أقرب الموعد أو أخليه شهر


    المبلغ قالت بيكلفك تقريبا 2000 لكل منطقة لكن إذا سويتي لكل المناطق في نفس الوقت راح يتخفض المبلغ الاجمالي

    وأنا اخترت اني أسوي كل المناطق في نفس الوقت لأني أبي أفتك :angry:

    بعد ما خلصت الجلسة ظليت أحس بحرارة بجسمي تقريبا أول ساعة إلى ساعتين بس مافي ألم نهائيا

    وحتى الان ما أحس بأي شعور غريب والاحمرار قليل جدا مو واضح ... بانتظر بكرة أيش راح يصير



    عن الجهاز:

    الجهاز طبعا كبير ويطلع منه سلك طويل نهايته قطعة بحجم اليد اللي هي عبارة عن مرسل الأشعة

    هذه القطعة راسها مدبب ويطلع منه ضوء أحمر

    تمسح فيها على الجسم مباشرة على المناطق المتأثرة

    وبنفس الوقت الممرضة عندها جهاز ثاني ينفخ هواء بارد حتى يخفف حرارة الليزر

    بصراحة الشعور مؤلم شوي لكن اللي تخضع للتجربة أعتقد ما راح تفهم حقيقة الشعور هل هو حرارة شديدة أو برودة شديدة!!!


    ملاحظة: لما خفضت الممرضة على قوة الهواء حسيت بارتياح أكثر..

    طبعا الدكتورة كانت تمسح بسرعة على الجسم وتعيد المسح على المناطق المتأثرة أكثر

    ملاحظة: المناطق اللي ما غطتها الممرضة بالجل المخدر مؤلمة جدا لا تحتمل .. فانتبهوا وقت اللي تغطي الجسم بالجل و تأكدوا أنها مسحت على كل المناطق اللي تبون تعالجونها


    وسلامتكم...

    أتمنى أكون أفدتكم

    وأي سؤال أنا في الخدمة

    أنتظروني بعد الجلسة الجاية

تابعي تجارب أخرى من هذا القسم.