احتاج استشاره زوجيه .. عاجله

السلام عليكم ورحمه الله

ماراح اطول عليكم ... ابي شوروكم

ماابي هجوم العضوات اللى ماتعرف شيء وتهاجم بالكلام الجارح من كثر قريت


المهم نبدأ بالموضوع


انا متزوجه لي 4 سنوات وعندي طفلين ... زوجي حالته الماديه بالسنتين الاولى كانت تعبانه بعض الشيء بسبب الاقساط

اما السنتين الاخيره ماشاء الله تحسنت لان راتبه صار ينزل صافي وهو بحدود 7000 ويوصل 7500 ريال

اول ماتزوجنا حملت من اول شهر ومن تزوجنا عمري ماقلت له عطني مصروف لي خاص بسبب

الديون كانت تاخذ نص راتبه ولا يصفى لنا الا 3000 فيها الاجار والاكل وماكان يقصر معاي اصلا

كان يعطيني 100 او 50 ريال بالشهر ...

ولما صرت بالشهوري الاخيره ... طبعا احتاج اتقضى لبيبي من

(مهد للنفاس + سرير كبير لشقتي + ملابس ورضاعات + حليب + وبامبرز )


طبعا انا بعيني اشوف انو ماعنده .. بس طلبيت منه مره وحده .. قال ماعندي دبري نفسك


المهم انو ابوي شاف وضعي وسألني وقلت له الصراحه خاصه ان وضع عائلتي راقي والناس اللى بيجونا اغلبهم ناس هاي

وهو عارف الشيء هذا .. حتى ابوي يوم قلت له .. قال لاتعسرين الرجال انا بعطيك بس لايدري لعده اهداف

واولها علشان مايعتمد ان عندي ابوي فيصير حتى لو جاه خير مايعطينا

وفعلا رحت اقضى لنونو من فلوس اهلي ... عمري ماعايرته بس ... طاح من عيني حتى بربتوز بـ 30 ريال ماجاب له

بعد سنتين صار راتبه صافي ماشاء الله وصار يقدر يعطينا مصروف وتكلمت معاه على المصروف الشهري

وبالمووووت رضى .... <<< طيب يااخي جاك خير ليه تشح علينا ولا احد يطلبه والراتب له

حتى اهله عندهم ابوهم وعيالهم كلهم يشتغلون مو تقولين محتاجين وانه يساعدهم

المهم رضى يعطينا انا والطفل مصروف شهري بعد صياااح ومشاكل

(وترا بالبدايه جيته بالطيب وبكسر الخاطر انو نحتاج وان البيبي يكبر وكل كم شهر لازم تتغير ملابسه )

....

ولما صار عمر طفلي سنتين وشوي قام يحت علي احملي اتركي الحبوب .. وهاتي لولدنا اخو حرام مسكين ومن هالكلام

(على فكره طفلي حركي ماشاء الله بشكل مو طبيعي ولا تعود ع الحمام لانه حركي ويحب اللعب )

يعني يبيبله اكون معه دايم ومتابعته ... ففكرت

* اذا بجيب بيبي ثاني احتاج شغاله تعاوني على شقتي + وعلى ولدي الحركي + وعلى البيبي الجديد

وعلى فكره ولادتي كلها قيصري واتعب فيها تعب مو طبيعي


فقلت له اذا تبيني احمل هات لي شغاله (( قال ابشررري والله العظيم لااجيب لك اياها ))
قلت لها تراهم رفعوا اسعار المكاتب وصارت بـ 10 و11 الف

قال عادي براتبي اجمع منه والا حتى اتسلف ماعليك ... لك اللى يجيب لك شغاله وانتي حامل

ارتحت من كلامه وفعلا تركت الحبوب وكم شهر وحملت


يافلان وين ماقدمت على الشغاله ... يقولي تونا بدري قلت ترا تاخذ 5 الى 7 شهور يالله تجي

قال لالا انا اعرف ناس ممكن تجيبها بشهرين


سكت ومضت الايام لين وصلت الثامن ..... يافلان وين الشغاله << قالي والله بصراحه ماعندي استقدم

وهو عنده انا اعرف راتبه بس مااعرف وين يصرفه .. هل يصرفه والا يجمع منه ماادري __

قلت له والحلف والكلام وين راح ... قال عاد انا ماعندي وبعدين خلاص انا كذاب ...


وتوهقت وهقه موب طبيعيه .... وش السوات طفلين صغار وانا مااقدر اعرف امكانياتي مااقدر على 2 واحد ومتعبني

يوم شفت الموضوع مافيه امل قلت له طيب هات لي مؤقته قال ابشري <<<<< ثاني مره

قلت له تراها غاليه قال ابد قلت لا تكذب علي .. قال عمري كذبت عليك .. <<< يقهررررررر

المهمم ... قلت له طيب بتقضى لنونو الجديد

يحتاج ملابس وسرير خاص فيه <<< قال نوميه مع اخوه


ياناس تخيلووو طفلين بسرير الكبير بيرجف الصغير .... ماينفع ابد

والملابس غير الجنس مااقدر البسه وردي حق اخته الاولى وحببو من كثر الغسل

تخيلو ولد ولابس وردي ومحبب << القهر ان عنده خييييييييير 7000 ماتقدر تعطينا منها 500 والا 1000 ؟؟؟؟؟؟




خلوو الملابس دبرتها من المصروف وشريت له كم غيار


طيب الشغاله وش اسوي وولدت ولاجابها لي وتوهقت بالطفلين وانا الحين نفاس



رأيي الشخصي اني ماارجع معه لين يجيب لي شغاله ... ولا ودي اتحداه واحطه بالامر الواقع بس مافيه حل الا كذاا


جزاء صبري وجزاء كرم اهلي معه ومعاي ... يوم جاه خير شح علينا


وش السوات ؟؟؟؟

85 تعليق 7,877 مشاهدة

شاركي في النقاش

سجلي الدخول لإضافة تعليق.

التعليقات

84
  1. @moon_lait

    أحمدي ربك أن الله رزقكي بأطفال غيرك يتمناهم(يارب ارزقني :( )
    حافظي على بيتك وزوجك عشان عيالك حرام يتشتتون ويتعقدون عشان حضرة جنابك تبغين شغاله !!!
    تقدرين تحلين الموضوع بس بدون عقد ومشاكل
    فكري بطريقه تخليه يحس أنه مقصر ومخلف وعده
    انا ما أقدر أنصحكي بطريقه أو فكره
    هذا زوجك وأنتي أدرى فيه وبطبعه
    ممكن أطرح فكره حلوه ومناسبه حسب وضعي انا وزوجي بس ممكن تكون الفكره كارثيه لو طبقتيها على زوجك
    الله يوفقك مع زوجك ويحفظ لك أطفالك ويزيل عنكم الهم والمشاكل
  2. @nthralord

    ياختي توجعي قدامه وتأوهي واربطي راسك لاجاء لمك وقولي مانمت
    بالليل للصغير وبالنهار للكبير واعفسي روحك عفس لاجاء وخلي مرضك مرضين
    هذولا هم بعض الرجال مايهمه الا نفسه ومايرحم الا لمنه شاف امرته تبي تموت.. اسم الله عليك
  3. حبيتي هونيها وتهون اذا هو كويس معاملته لك ويصلي

    اصبري البخل شوي شوي وبيتعود حاولي كل شهر تاخذين 300 دبري نفسك وكل شهر اطلبي شيء ناقص للبيت مثل سرير النونو
    وملابس لهم لين يتعود هذا عشانك ماعودتيه من بدري الرجل على ماتعوديه والطفل على ماتربيه ومااظن العناد بيجيب فيه فائده
    اصبري واذا ماتقدرين جيبي من الي يروحن ويجن كم شهر حتى ترتاحي من النفاس
    انا مثلك كم نفاس اترجاة يجيب شغالة لكن للاسف كلها اقضيها لوحدي بالبيت لااهل ولا شغاله بس ربنا مايضيع اجرنا ان شاالله

    ومادام ولادتك عند اهلك فانا اشوف ان الشغاله مالها داعي حاو تتنازلي عن بعض الامور
  4. @hnon_15

    الله يعينك بس احب اقولك اذا زوجك راسه يابس ويعاند لا تعاندينه ولا تتحدينه

    تراك انتي الخسرانة

    حاولي تعرفين طبعه اذا من النوع اللي يجي بالدحلسة او من النوع اللي يجي بالدموع

    وانتي ادرى بشخصية زوجك

    والله يسخرلك زوجك ويهديه لك

تابعي تجارب أخرى من هذا القسم.