أكيد اليوم هذا بايكون يوم معفس ومخربط، بس أول نصيحة أبدابها موضوعي هذا نامي بدري علشان اتقومين بدري ومارسي يومج بشكل طبيعي،،،،على الأقل حاولي...
ثانياً:اتسبحي عدل، يعني الأماكن اللي عمرج ما وصلتيلها أوصليها، كل نقطة في جسمج إدعكيه، حتى في المناطق عزكم الله، لأن أنا عرفت إنه في بنات مو ملاحظين تجمعات الأوساخ في هذيك المنطقة اللي ما تخوز إلا بالأظفور، وهي مادة بيضاء، كثير من الرياييل يشتكون منها لجهل البنات...
ثالثاً:اتريقي عدل، لأنه ممكن تقعدين ساعات بدون أكل، وخليج ريلاكس...وعادي لأنج مو الوحيدة اللي عرست ومو الأخيرة، وبالعكس خليج بشوشة وفرحانة بس مو بهبل...لأنه هالليلة بالذات لا إنت ولا هو بينساها...
رابعاً: لا اترووووحين الصالون بفستان العرس، لأنج بتتأخرين في الصالون وكل اللي سويتيه في نفسج من كريمات وبخور بيطير،،،،روحي ببجامة، وخبري اللي باتسويلج الماكياج شو لون فستانج...وفي البيت خليهم يجهزون فستانج، يبخرونه ويعطرونه ويجهزون الغرفة اللي باتبدلين ثيابج فيها بحيث إن يكون فيها كل شي باتحطينه على جسمج...وفوطة دافية عليها ماي دافي، لأنج باتيين من الصالون متأخرة وأكيد باتعرقين شوي,,,وما بترومين تتسبحين عن يخترب الميك أب
خامساً:روحي الصالون بدري عن الموعد المطلوب، يعني إذا موعدج الساعة واحدة الظهر روحي 12الظهر، ممكن تتخلف واحدة من العرايس الثانيات عن الحضور ويمسكونج إنت بدالها...
سادساً:لا تخافين إن الوقت يمر بسرعة، ترا في النهاية إنت مطلوب حضورج في وقت متأخر، لأنج عرووووووووس...لا تنسين...
سابعاً: لما ترجعين البيت، تمسحي بالفوطة، تدهني بالكريمات والدهونات العطرية، إلبسي ملابسج الداخلية بهدوء، خليهم يجهزولج دخون وأجلسي عليه بس من بعيد علشان المنطقة تكتسب ريحة الدخون، إلبسي فستانج بهدوء، وتدخني مرة ثانية بالفستان...
ثامناً: إذا كنتي جوعانة، خليهم يجهزولج شي خفيف تاكلينه بدون ما يخترب ماكياجج لأنه قدامج ليلة طويلة...ويمكن من الحيا ما تاكلين...
تاسعاً: لما اتروحين الصالة أو الفندق، خليهم ينادونه تتصورين وياه وإنت باللوك الفريش لأن ما تعرفين في القاعة ممكن يكون هناك حريم غلسات يسلمون عليج بالويه ويخترب ماكياجج...
عاشراً: قبل لا تدخلين تحصني من كل عين ما تصلي على النبي، وأقري المعوذات الثلاث، وسمي بالرحمن وادخلي القاعة بالرجل اليمني...
ومبروووووووووووك لكل حبايبنا العراااااااايس...وادعولي
شاركي في النقاش
سجلي الدخول لإضافة تعليق.
التعليقات
51- يسلموووو على نصايح
- العاشقة85، يعطيج العافية
- يزاج الله خير الغاليه ..
ربي يعطيج العافيه .. - عزيزاتي من الملاحظ على الكثير الذهاب للصالونات للتجهز للزواج من الظهر وبعضهم من
العصر ويحطون الميك اب من العصر ؟!!!!!! يأخوات نسيتوا حاجه مهمه اهم من المكياج
والشعر الصلاااااااة كيف تؤدى اذا بدأت بوضع الميك اب من الساعة الواحدة ظهرا او بعد
العصر الن تحتاجين لدخول دورة المياه اعزكم الله ليه مايكون التجهيز من بعد المغرب الى
وقت العشاء لكي تؤدي الصلاة براحة لكي تكوني اديت ماهو اهم لماذا لا احضر المزينه الى
الفندق او الصاله وتجهزك وانت مرتاحه ومعليش تاخذ زياده بس تكوني مرتاحه والله يوفق
جميع العرايس معليش خشيت عرض بس هذي معلومه تطوف على الكثير وهي الصلاة - آنسة كابتشينو يا مرحبا بج
السنافية تسلمين عالإضافة
مواضيع مشابهة
تابعي تجارب أخرى من هذا القسم.
-
دليل الفساتين في السعودية وجدة لكل الاذواق والمناسبات
0 تعليق -
روابي اكستنشنز سر الجمال الطبيعي لكل بنت سعودية
0 تعليق -
تجربتي مع اختيار العباية المناسبة وأهم النصائح لكل سيدة
0 تعليق -
هدايا مثالية للمرأة: إكسسوارات أنيقة لكل مناسبة
0 تعليق -
أبرز أنواع التنانير وكيفية اختيار التنورة المثالية لكل مناسبة
0 تعليق