امهات الأطفال الخدج هنا التجمع حياكم معانا/ الجزء الخامس

هلا خيوووو ووحشتينا وحشتنا اخباركم

والله يعين على هالامراض اشكال والوان اني امونتي صدرها للحين فيه بلغم ولا شي فاد معاها

وان شاء الله يتعافون اهم شي دفيهم زين لان الجو هذا يمرض وخصوصا اذا نايمين ومتلحفين لا تفتحينهم مباشرة خليهم يفتحون بروحهم وعن الورمة ان شاء الله خير وطمنينا اول باول

اني اليوم حنا موعد حق امونة ووزنها ما شاء الله وصل 4و700 غرام وقال عقب اسبوع غيريه لها حاليا استخدم لها بتاميل للخدج وما احصله بسهولة اتعب وانا ادوره من محل لمحل وقال على لاسبوع الجاي ان شاء الله تكون صارت 5 كيلو ابتدي اعطيها ابتاميل 1 والحمد لله مرتاحة منه ما سبب لها اي شي وكان يمشي بطنها باليوم اكثر من مرة وقال الدكتور عادي ما منه ضرر بس صار لها اسبوعين مو راضي يمشيها بطنها بالغصب تطلع شوي

هلا اختي نسيم احنا تمام وانتي اخبارج واخبار الكتكوت

عن الامساك ما اعرف اذا عندش حل عطيني بس الغازات استخدمي لها رضعة ماي وحطي فيها شوي ماء الحلوة او ماء المرقدوش للاطفال وحطي فيه شوي نبات او ماي غريب بنتي الحمد لله ترتاح منه يهدي وانسداد الانف اخذي من الصيدليه ماي البحر مقطر وواجد نفعني لبنتي

وعن الترجيع شوفي يمكن الحليب مو مناسبه من اصل بنتي اعطيها ابتاميل للخدج بس الحمد لله ترجع شي بسيط الزايد تطلعه وهالشي عادي لان الترجيع يقولون يسوي االطفل يعني يكبره وحاولي تشترين له لعبة اللي في العاب نازلة منها وبطحيه تحتها وشغلي له الموسيقى يمكن تلفت انتباهه اشتريت لبنتي وحدة طبعا صياحة بس لما اخليها تحتها تسهي فيها وصارت تحبها الحين وعن النوم ابد ما تقدرين تتحكمين فيه خليه لما يكبر بيتعدل نومه بروحه

بس ما قلتي اختي جم وزنه الحين؟؟

ومشكورة على النصيحة وخبريني اي زيت زيتون مال الطبخ والا مال الجسم

مراحب امهات

اليوم رحنا موعد حق امونه على الدكتور والحمد لله الحمد لله تمام التمام بس الدم قال بنجيكه لها عقب شهرين

بس تطوراتها ووزنها ما شاء الله حلوة

وطلب مني اواصل لها اسبوع على الفتامين وعقبه اعطيها حديد نقط لموعدها الجاي

وعقب اسبوع اغير حليبهاا لابتاميل 1 واخيرااااااااااااااااااااااااااا

وقال عمرها كأنه توها 5 اسابيع يعني شهر ونص بس

ولكن تطوراتها الحمد لله ماشية اوكي وقال ان السر عندها بدا يخف وبيروح بروحه النفخ

وشالها وحطها وهي تتبسم اليه وهو مستانس عقب عصبت وصاحت وهو يطيرها ويشيل ويحط فيها

الحمد لله يا ربي الحمد لله

اليوم طعمتها حق شهرين ويا عيني عليها اربع ابر والممرضه وايد دفشه ما عندها رحمه لزقت لزقه من البلاستك المتين دبحت رجولها الله يعينها بس الحمد الله السخونه راحت والوزن تمام بس المشكله انا عندي برد وانا الوحيده الي بتعامل معها الله الحافظ وبالنسبه للحليب نيو شور وغازات مره كتيره
المحتاره بالاسم بالنسبه للورمه ابني الكبير عنده في رقبته من الجانب الايمن كانها تحت الجلد مثل الفوله وبعد الكشف قالو انها غدد موجوده وهو طبيعي في بعض الاطفال طمنيني وربي يطمنك ويصير خير