كيكة الاسفنجية المحشوة بالايسكريم "طريقتي الجديمة اللي دوم اسويها" + صور

الطريقة سهلة ومنزمان اسويها لانها الكل يتخبل عليها!

الطريقة هي عبارة عن كيكة اسفنجية! انتي تسوينها

انا عندي طريقة اعتمدها من كتاب الطبخ اسمه الخفايف

6 بيضات
1كوب سكر
ملعقة شاي فانيليا
1 كوب طحين رقم 1
6 ملاعق كبيرة زيت
1 ملعقة شاي بيكنج باودر

تخلطين البيض لين ما يصير رغوة بعدين تحطين السكر وتخلطين لين مايصير مثل الكريمة
وتحطين الفانيليا وتخلطين لين ما يرتفع عندج!
وتحطين البيكنج باودر والطحين!
بعدين الزيت!

وتصبينه بالصينية! لمده 45 دقيقة! ولا تفتحين الفرن حتى ما تنفش!
للتاكد ان الكيكه اصبحت ناضجة!
اضغطي بطرف اصبعك على الكيكة!
اذا اصبح مكانه علامة بعني بعده ما خلصت!
واذا لاحظت زوالها كانها اسفنجة! يعني خلصت!

وهذي صورته الكيكة الاسفنجية! ترا قالبتنها بالعكس عسب يوم اغطيها تطلع اللي تحت يكون تحت!!



وتخلينها تبرد شوي! عاد انا دخلتها الفريزر عسب بسرعه تبرد لمده 5 دقايق!

وطلعتها وقطعتها من النص!

تيبين صحن عميق وايس كريم 1 لتر



تيبين الجزء الاول وتحطينه بالصحن العميق! وتحشينها ايس كريم! وبعدين تيبين الجزء الثاني وتسكرينها وتضغطين عليها شوي! وتدخلينها بالفريزر



وبعدين! تطلعينها ! هذا اذا حبيتي تحطيينها بالفريزر ! انا حبيت احطها عسب يتماسك الايسكريم!

المهم غطيتها بالبودنج!



وطريقته هي زلال 4 بيضات تخفقينها لين ما تصير مثل الكريمة! تحطين 4 ملاعق سكر بوردة وتخفقينه وتحطينه شوي بالثلاجة وبعدين تغطينها!

وبعد ما تغطينها! تحطين سكر بورده فوقها!

وتدخلينها الفرن من الاعللى شوي! بس انا مادخلتها لانه عندي مسدس الغاز تميت احرق السكر لين ما صار شكله جي!



وبعدين زينتها بالكرز الطازج!



والحين يا وقت الهجوم عليها!

اول وحده كانت اختي الصغيرة!



وبعدين يا دور اهلي كلهم!




شورايكم؟

عطوني رايكم؟

لانها لذيذة! وايد!

انتظر لحد يطنشني :(

79 تعليق 11,291 مشاهدة

شاركي في النقاش

سجلي الدخول لإضافة تعليق.

التعليقات

78
  1. @fdyt_aalaoy

    صاحبة الموضوع
    اعرف ان طريقة الشيف اسامة نفس طريقتي بس هو طريقته غير ياب كيكة مستطيلة وقطعها وطلع الحشوة! اما انا اخذت شكل معين! عسب تاخذه الكيكه!

    وكنت بسويها قبل لا يطلع البرنامج لاني كنت شارية ايسكريم واختي الصغيرة دوم تحشرني تريدها بس عسب ظروف قاهرة اجلت اسويها وعاد انا سويتها وحطيتها لكم!


    على فكرة هذي الكيكة وانا بالمدرسة شفتها ببرنامج جدييييم مال الطبخ ولين الحين ببالي اسويها ولين الحين اسويها يعني الحين بالنسبة لي جديمة!

    وبالنسبة للبودنج نفس الطريقة بس انا زودت سكر عسب يطلع طعمها حلو!