.•:*¨`*:•. أكــــاديـــــمـــــيـــــة الإيــــــجــــابـــيـــات .•:*¨`*:•. التكملة

متابعة النقاش، صفحة 44

شاركي في النقاش

سجلي الدخول لإضافة تعليق.

التعليقات

1,389
  1. @am_albnat_al3

    صباح الخير
    مشالله تبارك الله والله من اول مافتحت اللاب توب وشفت عدد الصفحات استبشرت خير بعودة
    سندريلا وبسمه الحمدلله على سلامتكم والله لا يحرمنا من طلتكم
    بركه ياسندريلا بلاب توب ولا فيك بصراحه كنت قلقانا عليك
    والحمد لله على سلامتك يابسمه وانتبهي على نفسك واسمعي الكلام لا تعاندي الزم معليك صحتك
    ومبروك مبروك ياشراق تستاهلين والله على جهودك مشالله عليك
    وفعلا انت اميره بالأجابيه ومن كذا وازود يارب
  2. @am_albnat_al3

    اختي الجبل والشمس
    اذكري الله وهذي مشكله حاصله في معضم البيوت واكيد لها حل والأكيد الأكيد
    انه حلها مو بالعصبيه والغضب ومواجهته اول شي تسويه تحذري الثلاثه هذي
    عالجي العصبيه بالستغفار وان الخدامه ماتستاهل تهدمي بيتك عشانها وانه الحريم الي حلو مشكلتهم
    حلوها بالهداوه وهم مو احسن منك
    وعالجي غضبك من جوزك انه بني ادام وكل ادم خطاء وان الرسول صلى الله عليه وسلم قال فيما معناه
    ماتركت في امتي فتنه اشد من المرءه وعمر قال واللذي نفسي بيده لو تركت مع مرءه في خلوه ماضمنت نفسي
    والشيطان شاطر ومتوعد العباد انه يكون لهم على صراط المستقيم يعني الدين ولي ربي هاديه زي جوزك
    الشيطان يتربص له اكثر من العبد العادي انا اقولك الأشياء هذي عشان يخف غضبك وبعدين لاتتيقنين الغلط يمكن كله من الشيطان
    اما بالنسبه للمواجها عليكي بالكيد فينك من كيد الحريم خليه هو الي يقلق حيريه لا تخليه يرسي على بر خليه يشغل تفكيره
    بكيف يداري عملته
    اصحك تديله اياها على بلاطه وتريحيه
    واخيرا ادعيله ربي يهدي ويستر عليه بالذات امامك ويمتعه بالحلال دونا الحرام وكل ماتجي تخرجي من بيتك حصنيه واستودعيه
    الله هوا والخدامه
    وحاولي الأن انك ما تتغيري عليه لا بالأحسن ولا بالأسوء لأنه الأسوء يخليه يلجء لغيرك والأحسن
    يمكن الشيطان يزينله انه استفاد من غلطه وما خسر فيحلاله الغلط
    بعد مايبرد الموضوع وتنسيه اياه حاولي بشتى الطرق وبتدريج انك تسدي حاجته وما تخليه يحتاج غيرك ابد
  3. @bysan_7

    صباح الخير حبيباتي اليوم قمت وسويت تمرين المرايه واهتميت بنفسي بالنسبه للتصرف كاميره بصراحه احيانا انسى مع ان تقريبا صار من طبعي واليوم ارح اكتب عن شخصيه احبها ومقربه لي واحب كفاحها بالحياة وهي عمتي اخت ابوي ...........
    تزوجت في سن صغيره وانجبت بنت وولد وتطلقت ظلم وعاشت تربي الاثنين باعتمادها على نفسها وقدر الله ان تتزوج مره ثانيه وانجبت اربع 3 اولاد وبنت فاصبح العدد 6 ومات زوجها الثاني وهي عندها بنت كبري يعني انا طلعت على الدنيا وهي ماعنده زوج الخلاصه مات زوجها وعيالها صغار فكافحت كفاح الابطال وتحملت الصعاب كانت تسعى بنفسها لتهتم بعيالها من ناحية الدراسه وعلمت عيالها على حب الحياة ووعلمتهم ان الدنيا حلوه ورغم الشقا اللي شافته كان بيتها ملفى لكل العالئله من الانس الموجود فيه من بنت وولد كلنا نحب نروح لها ولما كبرو عيالها طبعا كبرت المسؤليه عليه وخصوصا الاولاد لكنها ربتهم احسن تربيه وما ان نشأ وكبر ولدها الكبير وصار يشتغل ويساعدها بالبيت الا وأخذته المنيه بعز شبابه حتى بدأت بالانهيار لكن والدتي الله يرحمهما جميعا قالت لها كلمات معدوده افا والله محد علمني الصبر والكفاح الاانت ومحد علمني ان الحياة حزن وفرح الا انت اللحين انت تسوين بنفسج جذيه ترى احنا مانستغني عنج والله اخذ واحد والباقي محتاجين لج وشذنبهم يالله بس قومي وتعوذي من الشيطان وشدي حيلج والله انها من بعد هالكلام وهي وقفت وقفة الام المكافحه الصابره والله اذا قالت لي امي سوي بيض اقولها مااعرف كانت ترد عمتي وتقول عيب الانسان الفاشل هو اللي يقول مااعرف ماعليه تعلمي وحاولي وربت عيالها احسن تربيه الكبير تخرج والباقي بعد وتزوجو وجابو عيال وكله من عرق جبينها مابقى شغله بالحياة الا تعلمتها تجيب بضاعه وتبيعها وتسوي بهارات حتى شيدت بيت من طابقين ونص وخلت عيالها حواليها ولم تفارق الحياة الا بعد ان الكل عرف طريقه اللهم ارحمها رحمة واسعه
  4. شخصية اليوم الايجابية بالنسبة لي هي (( اوبرا)) بصراحة من زمان وانا اتابعها وكل حلقة تعطي للناس امل وايجابية في حياتهم مع انها في البداية كافحت وتعبت لحد ما توصل الى ما وصلت اليه كونها من اصول افريقية ولا احد كان يعطيهم الاهتمام او الفرصة لرؤية مواهبهم ولكن الاستمرار في الكفاح وصلت مع انها في طفولتها تعرضت لابشع انواع الاعتداء وهي الاغتصاب على يد احد اقاربها وهذا الشيء بحد ذاته المفروض يدمرها ويجعلها مختبئة من انظار الناس والمجتمع لكنها رفضت الاستسلام حتى وصلت الى شاشة التلفاز وبعد فترة من الزمن اسست شركتها الخاصة فيها وبتقديم برنامجها الحالي والذي تبث من خلاله التفاؤل والامل لكل الناس عبر عرض قصتها باستمرار بان اغتصابها وهي بعمر الزهور هو الذي جعلها قوية وذلك بتحويل مأساة حقيقية الى قوة لا يستهان بها في مواجهة صعاب الحياة والجميل في اوبرا لما اصبحت من اغنى اغياء العالم لم تتمتع باموالها لوحدها بل شاركت الناس ماساتهم واعطتهم الكثير من الامور التي ساعدتهم في تطوير حياتهم كمنح دراسية لطلاب متفوقين مغلوب على امرهم وفتحت المدارس في افريقيا للمساعدة على تحسين حياتهم لايجاد فرص عمل بالمستقبل والكثير الكثير من مساعداتها العجيبة وهي مثال كبير للانسان الناجح الذي بدا من الصفر ووصل الى القمة وما زال بالقمة ويكفي انها تعطي الامل لجميع من يشاهدها بتغيير حياته للافضل