السلام عليكم ورحمة الله وبركاته
اكيد في خوات يذكروني، في اخر اسبوع من رمضان دخلت المستفى عشان ينزلون الجنين المتوفي داخل الرحم، ومن اخر اسبوع في رمضان وحتى الان وانا انزف دم، وما سوولي عمليه تنظيف، الدكتورة اول امس عطتني حبوب اكلها لمده 3 ايام يسوي انقاباظات في الرحم ويدفع بقايا الالتصاقات ان وجدت، وقالت لي يوم الاحد اذا استمر النزيف بادخلج المستفى حق تنظيف، قالت لي مع اني ما ايد التنظيف لانه يشوة الرحم :( خرعتني وانا خايفه،
هذا غير الحاله النفسيه الي انا فيها، انا وايد وايد متضايقه بشكل ماتتصورونه، تعبانه، داخله وطالعه المستشفى كل يوم والثاني، تعبت، ساعات اقول ليش كل هذا يصيدني، وساعات استغفر واتعوذ من بليس، واواصل حياتي، انا عن جد اتالم من داخلي، مو عارفه هل التنظيف خطر او عادي، هل باقدر احمل مره ثانيه ولا لا؟ ليش ماسولي العمليه من البدايه وفكوني هالتبهدل الي انا فيه؟
نفسيتي منعكسه على كل شي في حياتي على علاقتي باهلي، وزوجي، وحياتي، افكر اطلع من شغلي واقعد في البيت وماجوف حد ابد، اختي قالت لي الحاله الي تمرين فيها هي نتيجه تغير الهرمون وانتي تتعبرين نفساء، وانا مب عارفه ابد، انا مابي حد يهون علي، ابي اعرف شنو اسوي واطلع من هالحاله الي فيني لاني عن جد تعبانه، ماقدر اصلي بس استغفر كل ما ضاقات علي.
واليوم فكرت اكتب لكم لاني اذكر ان يوم كنت حامل وانتطر نتيجه تحليل الدم عشان يقولون لي البيبي عايش ولا لا، كتبت موضوع و لقيت ناس وايد ردت علي وفادتني، واحين انا اطلب منكم رجاء اذا قريتوا موضوعي او اي حد مر بحالتي انه يكتب لي شاسوي، وشلون اعالج نفسي واطلع من الي انا فيه، وسامحوني على الاطاله الله هو فوقي وعالم بما نفسي.
اشكركم :(
ريم
شاركي في النقاش
سجلي الدخول لإضافة تعليق.
التعليقات
29- ربي فرج همك و يرزقج بالحمل السليم المعافى
انتي الحين نفاس و فعلا كلامها تتغير الهرومونات عندج فتحسين بضيقه
دفي روحج و شربي شغلات دافيه و اكلي اناناس تر الاناناس عجيب بحلاتج اكلي اناناسه وحده فريش تسوي انقباضات
انا لما تاخر علي الدوره اكل نص اناناسه ثاني يوم تنزل علي الدوره
ربي يفرج همك و يسهل امرك و يعوضك يارب - الله يفرج همك....حاولي قدر الامكان الاسترخاء والهدوء وان يكون حولك من ترتاحين لهم...
يمكن اللي مزود تعبك غير تغير الهرمونات والتسقيط لكن ايضا الدم والتنظيف اللي شاغل بالك والالم اللي مازلتي تحسين فيه...
وبالنسبه لهالشي حبيبتي اذا ماانتي مقتنعه بدكتورتك روحي لوحده غيرها وتطمني على صحتك...اما اذا كنتي مقتنعه فيها بعد الله فهدي بالك واستعيني بالله فالنفسيه لها دور كبير بالشفاء باذن الله...ولا زي ماقالت لك الدكتوره الاحد باذن الله تسوي لك تنظيف وينتهي كل شي...وانا سمعت عن ناس سووا تنظيف وبعدها حملوا وولدوا الحمدلله ماصار لهم شي...موفقه حبيبتي - ياعمري حاولي تدورين اشياء تنظف لرحمك من بقايا الجنين
لان التنظيف مايحبونه الحريم لانه يسخف الرحم
معليش بس هذا اللي اسمعه - اكلي كل يوم على الريق ملعقة كبيرة رشاد مع عسل
واطحني مرة وكمون وحلتيتة وعنزروت وقرفة وخوذي مقدار ملعقة صغيرة حقة الشاي
وحطيها في كاس قهوة او شاهي مر بدون سكر
ما ياخذ اكثر من يومين ان شا ء الله الا رحمك منزل كل شئ
دعواتك لي يا قمر - ربي فرج همك و يرزقك بالحمل السليم المعافى