حبيباااتي بغيت منكم خدمه او استشاااره استفيد منها الله لايخليني منكم :)
السالفه اني ابي انقل لشقه كبيره وفيها صااله كبيرره مقاس 6عرض و 8 طوول
هي فقط المساحه الباقيه من البيت لان الباقي غرفة نومي وغرفة ابني وغرفة للشغاله والكوي وهالصاله الكبيره والمطبخ
انا ابغى استفيد من هالصاله تصير مجلس حريم وبنفس الوقت استغل جزؤ منها لجلووسنا حنا العايلة >>> اتمنى فهمتوو قصدي
والصاله مايصلح اقسمها غرفتين لان موقعها مايلاءم فصل
ابي اشلون استغل الترتيب في الاثاث وشلون افصلها قسمين لان تعرفوون مانرتاح كعائله في جلسة الكنب
والحريم ابي اصلح لهم جلسة كنب ...
الشي الثااني البوية وش ينفع ويلاءم مع هالمساااحه
لاتحرمووني ارااءكم ........
شاركي في النقاش
سجلي الدخول لإضافة تعليق.
التعليقات
7- حتى لوقلنا لك حطي جلستين
كنب وارضي بيطلع روعه وحلو
بس راح تكون بكل الاحوال مفتوحه على بعض
يعني صعب الفصل
ولو قررتي وسويتي كذا
راعي تناسق الالوان بين الجلستين
والبويه ماتقدري تقرري الا بعد الوان الاثاث - لا هنتي يالغاليه انا فكرت كذا بعد
بناات اللي عندهاا بعد افكاار لاتحرمني - حبيبتي عادي وانا اقول نفس كلام الاخت دلع على كبر افصلي بطريقه مرتبه وراعي تناسق الالوان بين الجلستين .. وحابه اقولك ان اسمك <ام العزيز> ماينفع لان العزيز ب ال التعريف هو اسم الله عز وجل فياليت تغيره وتحطي ام عزيز وتقبلي رأيي ومروري
- بكل بساطه عيوني تقدري تفصلين بينها بالبويه يعني تصبغين لك زاويه< جدار ونص الجدار الثاني>
اقصد تصبغين جدار ال6متر وجدار ال8 تصبغين نصه يعني4متر او المقاس اللي تبينه لجلسة الحريم و تكون الصبغه مناسبه للكنب اللي بتحطينه وترتبي الكنب في هذا النطاق اللي حددتيه بالبويه
للتوضيح اكثر 1 راح تصبغين جدارين فقط يكونو زاويه
2 لون الصبغه يتجانس مع باقي لون الغرفه
اضافه
تقدرين تفصلين الجلستين بعد بقطعتين من الزل<السجاد> لتحدد كل قطعه مكان الجلسه المحدده لها بس هذا اللي عندي وان شاء الله اكون افدك لو بشي بسيط - ممكن تحطين كنب لضيوف ويكون في نهاية الصاله يعني للداخل وتحطي كنبه لشخصين أوثلاثه الفاصل ويكون خلفها طاوله وعليها تحف عرفتي قصدي الطاولات اللي تجي خلف الكنب وبعدين تتركي مساحه وتحطي الجلسه الأرضيه
مواضيع مشابهة
تابعي تجارب أخرى من هذا القسم.