ويقولون لاطاح الواحد يقول ..... اخ

والله اني مصدومة منهارة
عندي اخوان الله حسيبهم الله يجيرنا في مصيبتنا فيهم ويعوضنا خيرا منهم
والله اني من الصباح منهارة كلموني اخواتي وقالولي اخواني اللي بالكلية يتهمون اخواتي الثلاث وواجهوهم بذا الشي انهم يعرفون شباب ويطلعون معاهم من الدوامات وانهم متاكدين وعندهم الاثباتات على كلامهم طبعا اخواتي بكوا وصاحوا وتحسبوا عليهم و
فالاخير اللي وجه لهم الكلام اعتذر وسلم على روسهم وقالهم سامحوني انا ماقصدت والرسول شك في عائشة واحنا منما نسمع صرنا نخاف عليكم
المهم كلمو امي وبسلبيتها المعهودة اخذت الموضوع عالبارد وقالت انا تفاهم معاهم وتفاهمت على قولتها وفالاخير تقول وصلت اني اجلسكم مع بعض واتفاهموا بالله هذا حل بالله
اخواتي منهارات ونفسياتهم زي الزفت وبكا من اول يقولون المشكلة مااثبتوا علينا بحرف واحد
المصيبة ان اخواتي طلعاتهم ودخلاتهم مع ابوي واخواني يعني لاسواق ولاهم يحزنون والخرجات كلها عند القرايب ووالله يشهد مو لانهم اخواتي انهم شرف يمشي على الارض وانهم ماتلاين في اخلاقهم من بنات هاليومين
وابوي تعبان نفسيا محد يقدر يكلمه والاخ الكبير الله يخلف عليه

شوروا علي اكلمهم اهزاهم والا اش اقلهم والا اكلم احد من اعمامي او اخوالي يشرشحهم لان اخواتي بينجنون الا لازم ترجع لهم كرامتهم


لاتطنشوني تكفون ولو بدعوه الله يفرج عن اخواتي

27 تعليق 2,472 مشاهدة

شاركي في النقاش

سجلي الدخول لإضافة تعليق.

التعليقات

27
  1. @frhh_aamr_1

    اجلسي معهم واساليهم وش السبب الي خلاهم شكوا فيهم يمكن احد حرضهم وكذب عليهم
    وتكلمي معهم بالهدواء

    ووجهيهم وانصحيهم يدارون على خواتهم


    للان في هالوقت هذا الله يستر علينا وعلى بنات المسلمين
    للان ترى الرجال يشفون شي حنا مانشوفهه واكيد هم خايفيين على خواتهم بس اهم شي انصحيهم وخليهم يثقون بخواتهم
  2. @secret_allure

    الافضل انك تكلمين واحد من اعمامك اذا كان متفهم
    عشان يلعن خامسهم وبكذا يرد اعتبار خواتك وترجع الامور زي ماكانت

    لازم لازم احد يفشلهم عشان مايتعودون لها

تابعي تجارب أخرى من هذا القسم.