والله شوفي حبيبتي انا جلست 6 سنوات بدون اطفال .. ولا همني أول الوقت التأخر لانه من تخطيطي انا وزوجي وكنت بثانوي وعادي عندي كل كلااام الناس ...
بس لما خلصت دراسه وجلست .. استقعدو لي الناس .. وربي وربي وربي اتمنى طفل بس بحياتي همتني نظرة احد لي .. لأن كل انسان فيه نقص ... وما يرمي لي كلام ونغزات الا الناااااااااااااااقص .. وبحياتي حسدت احد لأن كل انسان ناقصه شيييييييي..
بس متى حسيت بالضعف؟؟ لما اشوف امي تلعب الصغار الكل يقول جيبي بيبي فرحي امك ما فيك نفع ومن هالكلام.
ولاني واثقه بنفسي محد يتجرأ يمون يسألني بس يروحون لأمي وأم زوجي ويحشون فيني .. وامي من النوع اللي تجامل ما ترد بس تقولهم الله كريم .. ليش ؟ ما فيني نقص وماهموني عشان ابرر لهم ليش تأخرت أو اجيب لهم ملفي بالمستشفى ..
كل هذا ما همني .. تدرين ليش !!!!!!!!!!
لأن اللي يرزق ربك مو هم ... واللي عطاهم يعطيك ... وكلامهم اذا من شماته ربي بيعاقبهم واذا من حرص جزاهم اللله خيررر ..
ايش سويت عشان ارتاح ؟؟
تركت مجاملتهم من اولهم لآخرهم ما امسك ولا طفل .. ولا اسأل عن حمل وولاده ولا ابارك < اجاري نفسياتهم وعقلياتهم ..
وخاصه اذا خبوو عني حمل والا ولاده يقولون نخاف على مشاعرك .. صدقتكم يا حنونيييين .. الله يهنيهم تراه من رزق ربي مو من صنعهم ..
وانتي تقولين ناقصه انوثه .. ليه بس ليه ؟؟ اذا هالكلام انتي تقولينه .. اجل معهم حق يشفقون ..
لا حبيبتي الا كلنا انوثه غصب عنهم والرزق بيد ربك اللي خلقك قادر يخلق منك .. والله والله ربي ما يحرم من شي الا عشان ندوره وندور رحمته ونلجأ له .. اتركي الناس كلللللهم على جنب .. كل يوم اطلبي ربك كل يوم لا تملين لا تملين ابد .. ودايم ارد ع البنات .. اني بدال ما افكر وش نظرة الناس لي .. اسعى للي ابي..
انا انسانه عاديه .....ربي اراد بي خير انه يتأخر حملي علشان اتجه له ولا اتجه لغيره عشان اعرف اشكر واعرف اصبر
واعرف اطلب واترجى ..
صبرت وترجيت وبذلت الاسباب .. والحمد لله انا حامل الحييييين . الله يتمم لي وعقبال كل بنت متأخره يااااااااارب . لا تيأسين .. لا تقولين شفقه .. فضفضي وطلعي كل اللي بخاطرك بس لا تكسرين نفسك للناس ..
هذا اللي احسه انتوا وش تحسوا........ادخلوا
متابعة النقاش، صفحة 3