((وقفوهم انهم مسؤولون ))...من معلمه الى وزير الصحه ووزير التعليم

انا في مدرسه طالبات اولى في ملاحق خارجيه بالحوش بجانب دورات المياه وانتم بكرامه وطوال السنه البيارات تطفح اخر الدوام والبنات يمشون على المياه القذره وتتبلل مرايلهم وكتبنا بالجريده ودعمنا بالصور قبل اربع سنوات ونصف وجاء امر عاجل ببناء مبنى لنا والي الان المبنى يبنى طوبه طوبه هذا وهو امر عاجل اجل شلون لو كان مو عاجل 0 طبعا معقمات وخرابيط هذي مانحلم فيها الفصول عندنا مكتظه بشكل فضيع كل بنت وجهها بوجه الثانيه لا ولهم وجه بعد يقولون من احتياطات انفلونزا الخنازير حطو مسافه كبيره بين كل طالب وطالب وين والله لو هي مدارس لبنان

حنا بدأنا اليوم الدراسي بلا ماء ولا كهرباء ولا طاولات ولاكراسي ولا مديره ولامكاتب للمعلمات واقفين على رجولنا حنا وطالباتنا المدرسه كلها حفر وأسلاك مكشوفه ومافيه سور لانها مازالت تحت الترميم اللي بدا من شهر 6 والى الان مانتهى والبنات مساكين جايات متكشخات وفرحانات بأول يوم دراسي وانصدموا بالحقيقه المره ماتوا من التعب وهم واقفات ومن الحر ومايقدرون يجلسون بمرايلهم الجديده على الارض اللي مليانه غبرا وسخ انا رجعت بيتي وانا بانفجر من الصبح مادخلت دورة مياه وانتم بكرامه وهذا حال الطالبات
بعد هذا حال اول يوم عندنا بالله وش رايكم وين الكرامه الانسانيه مادري مرات احس انا شعب ثاني مو مواطنات سعوديات لا والمسؤلات ماعندهم الاتعاونوا حاولوا تحسنون من الوضع الامتى وحنا نستخدم سياسة الضعف والترقيع هذي كل شخص مسؤول عن عمله امام ربه اولا ثم امام اللي استأمنه على الامانه وخانها والغلط اكبر الغلط انا نرقع وراهم ونستسلم للاوضاع السائده وكل واحديقول انا مالي دخل
والله لو اقدر اوصل للوزير ماراح اخلي صغيره ولا كبيره الا افضحهم امامه لكن من يوصلني احنا لوتغلط المعلمه غلطه صغيره غير مقصوده قوموا الدنيا وقعدوها وتحقيق ولفت نظر وتحطيم نفسي ومعنوي وهم اغلاطهم فادحه ويسرحون ويمرحون على كيفهم لارقيب اوحسيب ياليت احد يوصل كلامي هذا للوزير لاني عارفه لويدري لايمكن يسمح بهذي التجاوزات لكن حسبي الله على اللي ماينقله الصوره بالشكل الصحيح ويخون شرف المهنه اللي استأمن عليها