شاركي في النقاش

سجلي الدخول لإضافة تعليق.

التعليقات

2,371

  1. الروماتويد تيبس صباحي في المفاصل وممكن واحد فقط -ارتفاع سرعة ترسيب الدم-وجود معامل الروماتويد في التحاليل
    وشدة المرض تختلف من شخص لاخر وانا ثقتى بالله كبيره حاسه اني بأشفى(انا عند حسن ظن عبدي بي فليظن بي ما يشاء)
    وان لم اشفى فلله الحمد اكون سعيده لانه من رب العالمين وطهور لنا ان شاء سبحانه لاننا مقصرين في الاعمال الصالحه واداء الفرايض على الوجه الصحيح فلنسعد به
    الحمد لله الحمد لله الحمد لله

  2. @rby_arzkny

    ام رنوووده
    مراحب احلىىى بنات في احلىى تجمع عقبال مانشوفكم في تجمع الشفاء منه ياااااااااااااااارب بنات عندي سؤال..انتم عارفين ان زوجي تشخص على انه مريض الروماتويد وبدء ياخذ الهويمرا مع الميثروستات و الفوليك بس انا مستغربه شويه على أي اساس شخصوه بسرع…
    في البدايه موشرط كل المفاصل انا بداني في الكتوف بعدين خف اسبووعين بعد رجع وصار كل يومين يوجعني مفصل لين صارت كل مفاصلي توجعني
    والعلاج في البدايه مهم
    بعدين مو شرط توجعه كل مفاصله مثلا انا امي مريضه بالروماتويد بس المرض عندها اخف مني والالم اكثر شيء عندها بالركب واصابع اليد والمرفق

  4. @am_rnooodh

    ابحكيلكم عن معاناتي من مرض لروماتيد في فصل الشتاء آلي عانيته\\\ بداية مرضي كانت بعد ولادتي لولدي بأربع شهور فكنت دايم انضف بيتي وماكان فيني أي شي وبعد فتره بديت أحس الم برجولي وخاصة بعد قومتي من النوم يزيد الألم فكنت أقول في نفسي هذا من شغلي في البيت ويوم بعد يوم ينتقل المرض في يديه وشوي في ظهري لين انتقل في جميع مفاصل جسمي فصرت إذا جلست مااقدر أوقف إلا بلقوه فشكيت لزوجي فرحت للمستشفى فسويت تحاليل وكلها الحمد الله سليمة فحتاروفي حالتي ورجعت البيت ونفس المعاناة كل يوم تزيد الحالة صرت اجلس على كرسي عشان يسهل الوقوف علي وما قدر البس ولا اقدر أحرك أي شي من جسمي فقررت أروح للشيخ قلت يمكن تكون عين فرحت للشيخ وقرا علي فقال احتمال عين فعطني عسل مقري عليه فكان زوجي الله يخليه ليه وقف معي فمرضي فكان هو ألي يعتني بولدي وفيه و طبعا أهلي مو عندي إنا في بلد وهما في بلد فانا طول ألمده إلي تعبت فيها مااعطيتهم خبر فتعبي لأني مااحب اشغلهم علي فكان زوجي مكفي وموفي من جد تعب معي لدرجت كان يأكلني ويغير لولدي لأني إنا شبه مشلولة مااقدر أحرك أي شي فيني فكنت أقول المشلول أحسن مني مليون مره لأنه مايشعر بأي الم إما إنا كل مفصل في جسمي يعورني فتخيلوا صارت أصابع كفي شبه مضمومة مااقدر افردها والله كأنها متجبسه والله مااقدر اوصفلكم قد ايش الألم ياما بكيت لائني مااقدر أصلي ولا اقدر أكل لأني فمي ماقدر أفكه وكنت احزن على ولدي يبكي وماقدر أشيله فزوجي شاف حالتي مره تعب فرحنا للمستشفى العسكري في تبوك وتعرفوا تبوك البرد فيها مره شديد فرحنا عند ناس من أقاربنا فكنت اخلي ولدي عندهم وأروح إنا وزوجي للمستشفى فلما شافتني الدكتورة وشافت حالتي استغربت وحارت في مرضي فطلبت أسوي تحاليل شامله وتعرفوا التحاليل تأخذ وقت لما تطلع واه معاناتي مع برد تبوك يزيد عليه الألم فرجعت لبيتي وانتظر التحاليل وكنت خافيه فقلت لازم اتصل على أهلي فتصلت على أهلي وطبعا أهلي بعد يوم جوني وشافوا حالتي قد ايش تحزن وأمي مره اتاثرت لما شافتني وجلسوا عندي لين سافرنا سوا لتبوك فأختي ركبت معي عشان تشيل ولدي عني فلما جاء وقت التحاليل طلبتني الدكتورة وقالت لي تحاليلك سليمة وزادة عندها الحيرة فجاب تلي دكتور وجلس يقولي ارفعي ايدك ونزليها تقريبنا زي التمارين فقلي شوفي ياختي أنتي احتمال عندك مرض اسمه الروماتيد مثل الومتزم بس الروماتيد أقوى بكثير فقلي حعطيكي دواء بس مات خافي منه لأنه حنقلل الجرعة كل أسبوع فانا زاد عندي الخوف فلما أديت زوجي الوصفة عشان يجبلي الدواء صرفوله الكرتزون فزوجي مارضي إني اخذ الدواء فقال لازم اشو فلك طب شعبي فقال لازم نسافر للمدينة وتخيلوا ألمعانه طول السفر وإنا مره تعبانه فكانت أختي برضه سافرت معي وأهلي معي وبعد يوم من وصلي للمدينة حجزلي زوجي موعد عند الطبيب الشعبي سلامه رشدان مره كويس وشاطر والله يبانات لاما جيت عنده بس حط يده على كتفي وظهري قال معي الروماتيد شوفوا مشا الله قد ايش شاطر وإعطاني دواء إعشاب مخلوطة والحمد الله والله يبانات بعدها بأسبوعين اتعافيت على ربي ثم على يده وجعل المرض مايصيب احد مثلي وإنا الحين صارلي سنتين بعد مرضي بس مصرت مثل أول في طاقتي للشغل وإنا بعد ماحكيت لكم حكايتي أتمنى انه من صار لها مثلي بهذا المرض أو احد سمع عنه انه إذا طاب منه المريض يرجع له المرض مره ثانيه لأني عندي خوف بيرجعلي اتمنى تشاركوني في موضوعي و****لله ماطولت عليكم ودمت بخير اخواتي

    منقووووووووووووووووول

  5. @am_alghaly_2

    سلامه رشداااااااااااان يابنات السعوديه افيدونا بهالموضوع وتراني دورت في قوقل لقيت وايد مواضيع بهالاسم

تابعي تجارب أخرى من هذا القسم.