نداء لكل بنات العراق في انكلترا

اللي تريد الكاهي تنزللي على دبي
و التذكرة عليها
ها شنو رأيكم
بس ترى أمزح
المهم إصبرولي هاليومين و أنزل موضوع بطريقة عمل الكاهي بالفرن البيتي
و هي سهلة
يا هلا ببنات الخضراء
وين كنتوا لأنو كثير من أهلنا جيرانك ؟؟؟؟؟؟؟

السلام عليكم ورحمة الله وبركاته..
الاخت العزيزه.. hanadie :26:
كنّت ساكنه في حي الخضراء...يم مركز 17 تموز...ويمنه كان اكو جامع اسمه جامع الشهيد رعد...بس رعد شنو؟ما اتذكر..لانه تركنه العراق لمن جان عمري 16..يعني قبل 10 سنين..
بس والدتي كانت مدرّسه في مدرسة قائد النصر للبنين...اكيد طبعا تعرفيهه...معظم شبابنا وشباب العامريه درسوا بيهه.. :41:
يلله اني باءنتظار الكاهي... :21:

ياههههههههههه
ذكرتيني بأيام الدراسة بس أنا كملت بإعدادية العامرية للبنات
و طلعت من العراق بعد الماجستير
و صارلي 6 سنوات بالكامل بالخارج
و تزوجت و عندي ولد و بنت
و حاليا بالبيت علمود أربي الجهال
و الله يعينا
الوضع صعب بكل مكان

سلام لبنات العراق:

اشلونكم يابنات ان شاء الله كلكم بخير ,اني من بغداد ,من الكاظمية وصارلي اعيش في لندن تقريبا 8 سنوات ,اخر مرة رحت للعراق قبل سنتين وجانت احلى سفرة شفت اهلي واقربائي و صديقاتي :) و بقيت تقريبا 3 اشهر بصراحة اتمنى اروح هسة ..اتمنى كلكم اتروحون و اتشوفون اهلكم ,بالمناسبة اني عمري28 سنة متزوجة و ماعندي اطفال ومخلصة سادس علمي ,اتمنى ان تقبلوني صديقة الكم :27:

اهلا وسهلا بيك ام نجيب اني بالجنوب بمدينه براكنيل قريبه من ريدينك وصالي سنة بس احسه سنين مو سنه ، الشهر بسنة ماعندي احد يمي مدينتي كلهم اجانب بس مرتاحة نفسيا عندما ادخل المنتدى واشوف خواتي واكول صدك بالغربة الناس تتجمع
شوفي الواحد شكد ميفتر الا يرتاح للي من بلده وان شاء الله دايمة كعدتنه بالمنتدى