شاركي في النقاش

سجلي الدخول لإضافة تعليق.

التعليقات

27
  1. @hya_nnshr_alkhyr

    صاحبة الموضوع
    أشكر كل واحدة مرت وشاركتنى بكلامها الصادق



    طبعا زى ما اتفقنا هنتكلم فى محاور كتير فى حياتنا
    وطبعا أول و أطهر و أهم محور هنتكلم فيه هو تقربنا الى الله
    يعنى ايه !! ... يعنى كل شئ فى الحياه ليه قالب أو دعامة أو أساس
    احنا بقى لازم نخلى الدعامة بتاعة حياتنا كلها هى ( القرب من الله )
    يعنى لما نصحى الصبح .. يومنا كله يبدأ و يمشى وينتهى تحت مظلة كل عمل يقربنا من الله
    هدفنا الأساسى نفسه فى الحياه يبقى رضا الله وكل عمل يبقى نيتنا فيه ابتغاء وجه الله
    و أذكر دلوقتى حلقة للشيخ محمد حسين يعقوب .. قال فيها كلام هزنى ولم أكن منتبهه له من قبل
    عارفين قال ايه يابنات ...
    قال ان لما المرأة يبقى نفسها تحمل لا تجعل نيتها انها عايزة ذرية علشان متبقاش أقل من
    أى واحدة تانية أو علشان مفيش حد يشفق عليها ولا يخاف على ولاده منها لأن ده يعتبر فساد نيه وفهمت كده ببساطة ان حتى الحمل تبقى نيتنا فيه لله وحده
    يعنى تبقى نيتى انى عايزه أنجب ذرية أربيها تربية اسلامية و أعز بيها الأسلام
    وتذكرت اننى كثيرا كنت بقول بينى وبين نفسى .. نفسى أجيب أخ أو أخت لأبنى علشان
    يونسوا بعض فى الدنيا ............... لكن من ساعة ما سمعت الكلام ده وانا بحاول دائما
    أذكر و أروض نفسى أنى عايزة أنجب علشان أطلع للدنيا طفلين يعزوا الأسلام وينصروه بدل طفل واحد

    ....شعرت ساعتها أن حتى التعب اللى هلاقيها فى رحلة الحمل يمكن والله أعلم أثاب عليه
    اذا كانت نيتى فعلا لله

    فياترى هنقدر نخلى دعامة حياتنا هى ارضاء الله .. ممكن نتعب فى الأول لكن صدقونى كل شئ بالتعود .. كما أن الله اسمه الودود فمن ذا الذى يحاول التقرب له ولا يعينه الله بل
    سيقترب الله أكثر مما أقتربنا بس أحنا نبدأ ونخلص النية
    عارفين زمان كان الشيطان بيشعرنى ان سورة البقرة سورة ضخمة ومن رابع المستحيلات
    انى أقرأها فى يوم واحد
    ثم جاء رمضان وكنت بقرأ أحيانا جزئين وتلاتة فى اليوم بمنتهى البساطة وكان ربنا بيبارك
    فى الوقت
    علشان كده أنا مش هقول نعمل نظام لينا كلنا لأن كل واحدة ومقدرتها .... يعنى فى اللى
    بتقرأ سورة البقرة يوميا وفى اللى بتقرأ ما تيسر منها يوميا لحد ماتخلصا كلها .. فى اللى بتستغفر
    من زمان فبقت تقدر تستغفر 1000 مرة وفى اللى لسه هتبدأ فى الأستغفار
    علشان كده كل اللى ممكن نعمله أننا نذكر بعض
    يعنى كل اللى تدخل و كانت بتعمل حاجة تذكرنا علشان نعملها .. يعنى لو واحدة دخلت
    بعد صلاة العصر تذكرنا بالأذكار .... واحدة دخلت بالليل تذكرنا بالقرأن علشان لو واحدة
    انشغلت طول اليوم تلحق تقرأ ما عليها قبل النوم
    وطبعا لو فى مجموعة منكم عايزه تتفق مع بعضها على برنامج معين .... يتفضلوا , لأنى زى
    ما قلت فى البداية ده موضوع تفاعلى يعنى بتاعكم كلكم

    ........ يتبع

تابعي تجارب أخرى من هذا القسم.