صدمتي بأهل زوجي
اخواتي العزيزات ابي مشورتكم انا متزوجه من 14 سنه وعانيت من اهل زوجي وبعدين تصلحت علاقتنا بس كل اجتماع لهم ماكنت ارتاح لانهم دايم يتكلمون بالهمس علشان ماسمعهم المهم بعد رمضان رجعت من عند اهلي وانا ساكنه فوق وام زوجي تحت كل يوم انزل لها واشرب معها القهوه وفي يوم نزلت كالعاده من العصر واشوف حماني هم اثنين لبسوا وتهندموا وقالوا لامهم احنا بنروح مع ابوي وبعدين دخلت المطبخ اسوي العشا لها وانا مع شغالتها اخدة شوي اسمعها تتكلم مع بنتها وتبارك لها نادتني تقولي حماكي فلان كتب كتابه باركيلي انا انصدمت قلت لها تمزحين قالت لا والله توهم خلصوا جيت عندها وقلت لها ياخالتي عديتيني غريبه تقولين لي الحين حتى اخوهم الكبير اللي هو زوجي والله انهم ماخبروهه عن اي شي وكانت تنتظر مني كلمة مبروك بس ماقلت لها شي كملت العشا وصعدت شقتي وكان زوجي فوق وحسيت بقصه في حلقي وبعدين جلست ابكي وعلمت زوجي بالموضوع وقالي ماحد قالك تروحي عندهم وتخدميهم والله اني معاملتي معاهم كويسه بس ماتوقعت انهم لهدرجه يكرهوني والحين لما اشوف ام زوجي او عيالها ماتكلم في موضوع زواج حماي ولا سالتهم هي مين ومتى الزواج بس ام زوجي تتكلم وانا اغير الموضوع لاني ناويه اني ماروح الزواج وش رايكم اني ماروح او اني اعمل باصلي واروح حالي حال المعزومين