(( الله يخليها اللي بتساعدني )) >>> محلات الجمله بالبحرين

سلام عليكم ورحمة الله وبركاتة

مرحبا بكم يالغاليين

آنه عضوة يديدة وحابه أكون بينكم وتتقبلوني بسعه صدر

الله يسلمكم آنه من البحرين وخاطري أسوي لي بيزنز صغيرون

وحابه منكم تقولون لي أسامي المحلات اللي تيبع بالجمله بالشرقيه الدمام أو الخبر

وابي آخذ من المحلات مشط الباف ومشط الكيرلي وجهاز رسم الأظافر

شفت ماشاءالله تاجرات يبيعون منهم بس مادري من وين وأي محل ياخذونهم

ولي يسلمكم اللي بتساعدني راح أدعي لها من كل قلبي أن الله إيسر أمرها وين ماكانت ويحقق اللي ببالها

آنه اللحين بس أبغي أعرف زسامي المحلات اللي تبيع بالجمله نفس اللي قلته لكم وأشيه ثانيه بعد بس بشرط تكون أسعرهم تحت مو فوق


وأدري أنكم ماراح تخيبون ظني فيكم

وإحنا خوات هني بالمنتدى ولازم نساعد بعضنا البعض..

ومشكورين مقدمآ

وجزاكم ربي الف خير

أختكم أم حمودي

14 تعليق 13,392 مشاهدة

شاركي في النقاش

سجلي الدخول لإضافة تعليق.

التعليقات

14
  1. مرحبا أختي ماطلبتي شي غالي والطلب رخيص وأن شاء الله نقدر نفيدك ..
    بس حبيت أسألك غاليتي المحلات الي تسألين عنها تبي موقعها في البحرين يعني ولا في السعودية ؟!!
    اذا في البحرين أنا أسسسفه جداً ماعرف شي هناك بس اذا في السعودية وخصوصا الرياض أبشري من عيوني ..
  2. @goahr_jawaher

    انا ما اعرف بالبحرين بس تعالي للدمام عندك محلات الجملة اللي عند عمارة سيكو بتلاقين فيها الهوااايل
    كل البضايع واسعار خييياااليييييه مرره
    واذا الرياض بتكون الاسعار ارخص بس ابعد عليك بالمسافه
    والله يوفقك يارب
  3. صاحبة الموضوع
    أنيقه بكشتـي
    مرحبا أختي ماطلبتي شي غالي والطلب رخيص وأن شاء الله نقدر نفيدك .. بس حبيت أسألك غاليتي المحلات الي تسألين عنها تبي موقعها في البحرين يعني ولا في السعودية ؟!! اذا في البحرين أنا أسسسفه جداً ماعرف شي هناك بس اذا في السعودية وخصوصا الرياض أب…
    هلا أختي

    مشكوره فديتج وأدري بنات السعوديه مايقصرون وطيوبات ماشاءالله

    المحلات أبيها بالسعوديه عندكم بالدمام والخبر يعني منطقه الشرقيه أبغي شي قريب منا

    .................
  4. صاحبة الموضوع
    جواهر_jawaher
    انا ما اعرف بالبحرين بس تعالي للدمام عندك محلات الجملة اللي عند عمارة سيكو بتلاقين فيها الهوااايل كل البضايع واسعار خييياااليييييه مرره واذا الرياض بتكون الاسعار ارخص بس ابعد عليك بالمسافه والله يوفقك يارب
    هلا أختي

    والف شكر لج وعساج عالقوه دوووم والله يحقق اللي ببالكم إن شاءالله

    أختي آنه مادل مناطقكم بالظبط بس خبريني هالعماره على أي شارع !!

    وتسلمووووون حبيباتي ..

تابعي تجارب أخرى من هذا القسم.