قصيت شعري الطوويل وملكتي بعد شهررر >>اللهم من فتحت موضوعي افتح لها باب الرزق والغناه

متابعة النقاش، صفحة 9

شاركي في النقاش

سجلي الدخول لإضافة تعليق.

التعليقات

314
  1. " يا زينج ويا زين دعاويج ^^ "

    مبرووك مقدما حبيبتي ,, ربي يتمم لك على خير ,, يوفقكم ويسخركم لبعض ,,
    " بارك الله لكما وعليكما وجمع بينكما في خير "

    حبيبتي ,, راح أعطيج خلاصة تجاربي ,, استمرت سنين ,, واللي أغلبها كانت فاشلة لله الحمد والشكر على كل حال ,,

    أول شي .. " الدعاء " ادعي البديع الكريم انه يطول شعرك ويوفر ويسخر لك الاشياء اللي بتطوله وتنفعه ولا تضره ..
    وما شاء الله عليك ما تحتاجين اني اوضح لك اهمية هالنقطة ..

    ثانيا : أهم شي التغذية الداخلية .. فــ خذي لج المكملات الغذائية ..
    مثل كبسولات البيوتين .. وكبسولات الفيتامينات الخاصة بالشعر ..
    وأحيانا في فيتامينات خاصة بالشعر من ضمن مكوناتها البيوتين وبالنسبة للي يحتاجها الجسم يوميا .. مب أقل ..
    فحاولي دايما تقرين مكونات العلبة قبل الشراء ..

    استخدام تونيك (( كامينوموتو )) النوع " مسرع النمو "
    تستخدمينه " للفروه فقط " قبل النوم يوميا .. وبعد كل غسلة شعر .. " طبعا لازم مع طريقة التدليك الصحيحه "
    مكوناته رائعه ومفيدة وريحته حلوه .. عيبه فقط سعره المرتفع .. عندنا بالامارات بـ 129 درهم
    نصيحه : حتى يغطي أكبر مساحه من فروة الراس مع الاقتصاد بالاستعمال .. حطيه في بخاخ ..
    تقدرين تشترينه من نزيه أو اي علبة بخاخ فاضية عندج عبيه بالتونيك ..

    قبل غسل الشعر بربع ساعه أو 20 دقيقة فقط ,, حطي زيت دابر آملا "النوع العادي" مب الذهبي "مع التدليك بالطريقة الصحيحه"
    وممكن زيت الزيتون .. يعني بالتناوب .. مرة تحطين زيت دابر وقبل الغسلة الثانية زيت الزيتون ..
    ملاحظة :: الاطراف ممكن تحطين له الزيوت أكثر من ربع ساعه مب مشكلة .. عكس الفروه ..
    اللي تمتص ما تحتاجه خلال هالفتره وأي زياده تعطي نتيجة عكسية ..

    أهمية مشط وتسريح الشعر قبل النوم ..

    ابتعدي ثم ابتعدي عن الخلطات اللي فيها مايونيز أو بيض أو اي خلطات زيوت تخلط مع بعضها " لتغير تركيبتها الكيميائية "
    ممكن تحطين اكثر من زيت وقت الاستخدام " يعني لا تخلط مع بعضها " وايضا ليس بطريقة عشوائية فهناك زيوت معينه
    ممكن تستخدمينها مع بعضها ..

    ابتعدي عن اي شي يفتح مسامات فروة الراس مثل استعمال طاقية أو كيس على الرأس أثناء الزيت وغيره ..
    اكتفي فقط بالمساج والتدليك بين فترة وفتره حتى لو بدون زيت .. لتنشيط الدورة الدموية بالفروه " الا اذا كنت من صاحبات الفروة الدهنية وتعانين من القشرة فلا انصحك بالتدليك الا وقت استعمال الزيت كما سبق وذكرت "

    البلسم وحمامات الزيت .. تستخدم فقط لأطراف الشعر بعيدا عن الفروه ..

    ابتعدي عن الاستشوار وأجهزة الفير والسيراميك خلال هذه الفتره


    حبيبتي هذا ما لدي .. حاولت أشمله وابسطه قدر الامكان ..
    كان ممكن اسوق ادلة علمية وادعم كلامي باقتباسات لنتائج ودراسات وأبحاث لمعاهد وجامعات ومختبرات استمرت سنين
    " وليست تجارب فرديه وكلام غير قائم على دراسات وفهم لتركيبة الشعره وآليه عملها "
    لكن نظرا لضيق الوقت ,, اكتفيت بس بعرض الخطوات .. فــ منك العذر والسموحه غاليتي ..

    ربي يطول شعرك بصحة وعافيه .. ويحقق لك اللي في بالك .. ويرزقك على قد نياتك ..
    والله المستعان
  2. @miss_rano_1

    مبروووك فديتك استخدمي نارجين والله انه خرافي وخليك بسيطه وقت الملكه عشان تكوني غير يوم الزواج خاصتا عند زوجك يعني استشوري شعرك وسوي بف بسيط بتطلعي واااو ويوم الزوااج سوي تسريحه متعوب عليهادعواتك لي

تابعي تجارب أخرى من هذا القسم.