السلام عليكم و رحمة الله و بركاته
ازيكم كلكم واحدة واحدة؟؟ يا رب تكونوا بخير
احلام عصفور، جزانا و اياكم صالح الاعمال، انا مقولتش غير الحق و الواضح من الكلام، و احنا كلنا اخوات
هيا، الف الف مبروك و ربنا يتمم لك بخير
مصراوية حبيبتي، انا رديت عليكي بس تلاقيكي مشفتيش الرد و قلتلك ان موصلنيش رسالتك الخاصة و منتظرة اعرف رقم تليفون او عنوان او أي حاجة اقدر اعرف بيها انتي فين بالظبط في الزمالك يا قمر
سكرة هانم، جزانا و اياكم صالح الاعمال، و مرة تانية باقول للجميع انا مقلتش غير كلمة حق للجميع و نصيحة لاخواتي في الله. بالنسبة لاكلة المكرونة بقى فأختنا الجميلة دون سمحت لي اني اكتب الوصفة في موضوعها و بالمرة حاكتب لكم كام وصفة تانيين و يا رب يعجبوكم ان شاء الله. و شكرا يا سكرة على وصفات تفتيح الهالات و اذا جربتها حاقولك النتيجة بس المشكلة اني كسلانة موووووووووت، و شكرا كمان على الافكار للشموع
و مونتي شكرا يا قمر على الدرس الهايل بخصوص الشموع و أول ما أجرب حاجة حاعرفك النتيجة
سمااااااااااااح، و الله الفكرة مش فكرة الكلام بخصوص الشغل و بس، لكن بجد الفترة اللي فاتت مريت بظروف صعبة و مكنتش قادرة اكلم حد لاني صوتي كان حيبان عليه، و يا دوب كنت باحاول ادخل هنا و اتواصل معاكم. حابعتلك الرقم اللي مليته له في التليفون يا مسطولة!!!! و حاكلمك النهارده باذن الله
هبة، حقك عليا يا ستي و لا يهمك، انا كنت فاكرة اني ممكن انصحكم زي ما بانصح اخواتي او صديقاتي او حتى اتنين طلبة بادرس لهم و لهم عليا حق النصيحة، و كنت فاكرة انك حتاخدي نصيحتي على انها من أخت كبيرة بدون زعل، لكن طالما النصح بيزعل انا مش حأوجه كلام بعد كده في أي موضوع لا يخصني، عموما ربنا الاعلم بالنوايا و انا مش حأدافع عن نيتي
أم باسل، خير ان شاء الله؟؟ سلامة أولادك، ربنا يطمنك عليهم و يشفيهم و يقومهم بالسلامة
رواء الاسلام، انا بخير يا قمر، شكرا على السؤال و يا رب تكوني في احسن حال
صفاء النفوس، ازيك و ازاي مريومة؟
و سلامي للجميع
الملف الخاص بأسئلة و مواضيع أحلى بنات فى مصر ( الجزء الثالث )
متابعة النقاش، صفحة 185