زوجي يخونني علانية وش اسوي

طيب شوفي أختي اللي فهمته من كلامك انكم مغتربين عن السعودية ..هل تتوقعين أن نظرته للمرأه هناك هي دفعته للمكالمات ..والمغريات اللي يشوف حولة ..!!

شاف أشياء موفيك ..أعجب بأسلوب المرأه هناك ..بلبسها ..طريقة تعاملها مع الرجل ..احترامها لذاتها ..,ولكيانها ..وكرامتها ..!!؟؟؟

شوفي أختي يمكن زوجك عندة فراغ كبير بحياتكم ..بسبب الغربة ..قلة الأصداقاء ..حياة روتينية ..مشاكل زوجية ..زائد عليها ضعف وازعه الديني خلاه يلجأ لهذا الطريق ..

أنا مااعرف شو أسلوبك بالكلام معاه ..وأشلون تصارحينه ..واشلون تواجهينه بالموضوع ..لأن هالشيء له دور كبير في تقبل الموضوع او نفورة منك ..

طبعآ كان المفروض أنك طالما أكتشفتي أنه يكلم من وراك ..ماتكلمين اللي يكلمها ولاتحسسينه أنك عرفتي بالموضوع .....ولاتواجهينه ..بل تبقين على أواصر الأحترام بينكم ..وتستغلين هالشيء لصالحك ..

اللين تعرفين الى أي حد وصلت علاقتهم ..وهل في حياته أحد غيرها والا لأ ..؟؟!!

لأنك لما واجهتيه ..هزتي ثقته بنفسه ..وحطمتي كبريائة ..فهو شاف أنه سواءآ تركها أوماتركها ..ماراح يقدر يسترجع ثقتك فيك ...!!

بقى على حالة ..ولاعنده نية يتغير ..وظل على عنادة ..مكابرته ..

الرجل وأن كان سيء ..فهو من داخله يعترف ..ويشوف أنه أنسان سيء ..لكن يكابر ..ويحب تبقى صورته ..جميلة بنظر زوجته ..مايحب أبدآ يخسر أحترامها له ..أو تشوة صورته ..بنظرها ..

وللأسف أغلب الزوجات اللي صارحوا ازواجهم بالخيانه ..حطموا أزواجهم بالمواجهه ..وكسروا آخر أمل لهم ..

صدقيني أنه يبقى يكلم ..وأنتِ تراقبينه ..,تعرفين ابعاد مكالماته ..وايش يدور فيها ..ارحم من أنك توجهينه ..ويصير يحرص مايترك وارة أثر ..

لأنك الآن ماصرتي تعرفين هل تعدت مكالمات للعلاقات بالفراش ..والا مجرد مكالمات فقط ..

اللي صار صار وانتهى ..لكن هذا ..الكلام حبيت أقول لكل زوجة تفكر تصارح زوجها لو أكتشفت خيانته ..!!

الامر الثاني ..خمس سنوات مضت بالعشرة بينكم ..ايش أيجابيات زوجك بنظرك ..اللي تجبرك تصبرين عليه ..!!

فكري يالغلا ..هل هو طيب معاك بالأصل ..( قبل ماتكتشفين مكالماته ..)؟؟

كريم ..؟؟؟

يصلي ..؟؟؟

وأيش سلبيات بقائك معاه ..؟؟

أنه يخونك بالفراش ..؟؟؟

أنه يهينك ..؟؟؟

أنه مايسأل فيك ويغيب عن بيته بالساعات ..؟؟؟

أنتِ أكتبي الأيجابيات والسلبيات ..وعلى أساسها تقدرين تقررين ..

الطلاق ياغلاتي بقدر ماهو مؤلم ..بقدر ماهو رحمة ..

ربي ماشرع شيء الا لحكمة ..

والحمد لله ظروفك ممتازة بالمقارنة مع كثييييييير من المطلقات ..

على الأقل أنتِ عندك ولد ..وماراح تخافين عليه من آثار الطلاق ..ولاتخافين أنه ياخذة منك أو يمنعك ..

لأن الولد يخير بينكم ..

كون عندك طفل واحد ..اهون بكثيييييييير من يكون عندك ثلاث أو اربع ..لأن المسؤلية بتكون كبيرة ..ومااحد بيتحملهم ...!!

هذا رأيي ..والرأي الأول والأخير لك ياقلبي ..

احس لو منك مااجلس عنده ولا دقييقه كل شئ ولا الخييانه ..

وبعد باارده جالسسه تششاورينا .

بكررا لو بلآك بمرض ماحد ناافعك..

اللي يقولون " تزيني وارتزي وخليك غاامضه " < وش تحس ..!

إذا ما كررمتي نفسسك ماحد مكررمك خلييه هو اللي ينقلع وهو اللي بيندم وإنتي ريحي رااسسك منه..

آلله يرززقك ويعيينك ويربط ع ـلى قلببك

الله يفرج همك ,,,,

كثري من الااستغفاااار ,,,

شيلي قشك وروحي بيت اهلك واكتبيله رساله قولي فيها اذا تعدلت وبطلت حركاتك مع بنات الحرام جيتك وذكريه بربه والحساب وخليه يجلس بروحه يفكر في نفسه واهم شي نفسك ماتسمعين بالامراض وش صار كثرها خسرتيه لكن صحتك وراحت بالك لاتخسريها لو اصير خدامه في بيت اهلي ولاعنده وقذارته واكثري من الاستغفار وقيام الليل وربي يوفقك في حياتك ؟


هذي الحقيقة وبدون زعل