سواليف حريم اخواااني ؟؟؟مليت منها

يابنت الحلال ..حاولي ع عقد ماتقدرين انك تغيرين شوي او تقولين كذا علني اذا انتي من النوع اللي مايتحمل وش رايكم بالقضيه الفلانيه او المشكله الفلانيه وصدقيني بيتغيرون وارجع واقول انهم احسن من غيرهم...احسن من الاصناام السااكته او الحش والقيل والقال...

واللي تقول المجتمع السعودي لو سمحتي مع احترامي الشديد لك من وين جبتي هالمعلومه!!!يعني هذه صفه اشتهر فيها المجتمع السعودي!!!

انا اشوفه احسن من سوالف البذخ كم بشكااره عندي ودريول والبيادير والماركات والسفر ...

يعني لاتعموووون ان المجتمع السعودي كذا ..بالعكس انا وصديقاتي وجاراتي واهل زوجي واهلي ماذكر ان صار حديثنا وشغلتنا الشاغله هالسوالف صح لازم تنذكر بس مو دائما...ولا هي ع كل حال...

ونعم الكلام

الله يعينتس اعيش العيشه اللي انتي عايشتها مع سلفاتي :dozey:

كنت اجلس طفشانه او بالأحرى مجبوره بالجلسه معهن ((مره كل اسبوع)) واسمع تفاهة سواليفهن ,
لا والمشكله مافي شي يضحك وماتلقينهن الا كيكهكي او ههههو <<:icon8:, وربي مو مسويه حالي مثقفه وهاي كلاس ,لا جد يعني تلقيني ابي اضحك او عندي استعداد اني اضحك بس مابوه شي يضحك :blink:

& مثلا تجيك وحده منهن (انا ولدي اشتريتله بلاستيشن 3 مابيه يتعقد شاف اولاد خاله وقام يبكي عندي يبي مثلهم,,وماطولها تسولف يقلها ولدها ابي ريال تقله اقلب وجهك ؟؟
او تجيك الثانيه تنصحنا وتقص علينا عن النميمه والغيبه ,,وانا بشوف عيني بناتها ماخلن احد يشره عليهن بالذم والنميمه اللهم ياكافي ....

**مرت علي فتره اشيل هم الروحه لهم والأجتماع معهم ,((لأنهم لااحترام في الكلام , كل وحده تكايد الثانيه وتغاير فيها,لايجن يسلمن ولايعترفن فيه الوحده منهم لما تسلم تقل مغصوبه , وكل اجتماع لازم يكون تفرد ثنائي يعني تلقين المجلس كله وشوشه كل ثنتين بروس بعض , وهكزا وهكزا دوالييك :huh: :dry:

وبحكم ان صديقاتي اللي تزوجت واللي رجعت لمدينتها ,,قلت مابدهاش ((امسك مقرودك لايجيك اللي اقرد منه ))

*صرت ((ادخل مواضيع الطبخ واستفيد من اخت زوجي, وادخل بنص السالفه موضوع البدو اول فأخذ لب الأستفاده من ام زوجي عن ايام البدو اول وكيف كانت الحرمه تدبر امورها وتكون ذهينه مع مكر الحريم, وهكذا دواليك يعني كل وحده اجيها على هواها منها تكون هي فرغت ((الطاقه الكلاميه اللي تمتلكها )) :biggrin: ,, ومنها اكون انا استفدت واخذت ((خبره حياتيه عاشوها غيري تكون خط رجعه لي لو مريت بنفس مواقفهم))
**واكون قبل مااجي مجهزه موضوع براسي عن((انفلونزا الخنازير ,او مواقف محرجه,او الطبخ , او الخدامات ,او الابتعاث ومساؤه <<يمديك بس علي :biggrin: ,, وهن مايصدقن على الله اعطيهن موضوع علشان ينطلقن ويسهبن في الموضوع ((وتكوني انتي بكذا خليتيهن يبعدن عن توافه السوالف )) واستفدتي منهن ومن تجاربهن ,, وهن طيحن اللي براسهن سواء من مغاير بزعمهن هن اللي يعرفن كل ابو شي , او فرغن هالطاقه الكلاميه وينبشن ريشهن بأنهن ((ابو العريف)) .....

&& وعاد باقي ايام الاسبوع : تكوني انتي مختاره صديقه لك نفس توجهاتك واسلوبك ,,او تاخذيلك دوره تشوفين وجيه جديده وثقافات متعدده :wink2:

وبس ياخيتو هيدي لألك :26: << تراني سعوديه :icon20:

المشكلة صدق في تفكير المراة السعودية
فالسعودية الامن رحم ربي اي كان مستواها اوتعليمها ثقافتها سطحية كلها عن العفن الفني وتفاهات القنوات وهواياتها المفاخرة والغرور
واهتماتها اللبس المكباج الماركات الزوج لاحظوا ماتفكر بالاولاد
احاول في مجتمعي البسيط اني اغير لكن للاسف اجد النفوروالملل
خلونا نسوي حملة لرقي تفكيرنا وزرع ذلك في نفوس البنات
جزيت خير ياصاحبة الموضوع وكثر الله من امثالك