سندس ويقين وزهور الريف وبنت الموصل :مشكورين والله يبارك فيكم وعقبال ما ينزل هرمونكم كمان وتحملو يارب أما بالنسبة عن هرموني فكان من شهرين 11ونص وقبل ذلك من اشهر كان 29 واحيانا 40 واحيانا 18 يعني متذبذب مرة طالع ومرة نازل لكن الحمد لله من فترة ما بحس باعراض الارتفاع نهائيا من هبات سخنة وغيره وانا لم استخدم من اشهر اي شيء بالعكس حسيت الادوية بضرنا ما بتنفعنا انا جربت البرجلتون 5 شهور ما ارتحت عليه بالمرة وصرت احس بالهبات السخنة كتير وجربت منشطات كنت لما باخدها كتير اتعب واحس الهرمون ارتفع فقررت اني اضل على الاشياء الطبيعية فالي شهرين وهاد التالت بعمل خلطة قرأتها بالمنتدى وهي:
بخلط كمون وقرنفل وحبة سوداء وفلفل اسود ورشاد كلهم بنفس الكمية من كل وحدة مطحونين كلهم باستثناء الرشاد مو مطحون وبتخلطيهم مع بعض وباكل ملعقة منهم على الريق من ثالث يوم الدورة لآخر يوم سف وبتشربي بعديهم مي ولا يخلط بالماء
+وكنت احط ملعقة قرفة وملعقة حلبة واصب عليهم مي لينقعه منيح اشربهم في ايام الدورة وبعد الدورة اشرب حلبة وميرمية ويانسون على قدر استطاعتي والاهم من هاد كله هو الدعاء اصبحت اكثر من الدعاء واقوم احيانا قبل الفجر بساعة اصلي وادعي ربنا +تشغيل سورة البقرة يوميا في البيت
ولما اجتني الدورة المرة عملت خلطنة عيون وليد اللي نزلتلكم اياها بالرابط آخر مرة شربت كاسة منها لسا مشان هيك صدقوني يابنات الاشياء الطبيعية احسن بكتير من الادوية ازا بتقدرو تستغنو عنها يمكن الادوية بتعمل حل مؤقت ومزيف مو علاج نهائي فعشان هيك تشجعت كتير لخلطة الدكتور سيد لانها كلها اعشاب طبيعية وان شاء الله بنستفيد
اعذروني للإطالة....
ملف جديد وخاص هرمون FSH الجزء الرابع جزء التفاؤل
متابعة النقاش، صفحة 314