اختي دنيا الريد سامحيني على المداخلة بس كل اللي قلتيه مريت فيه مع بنتي وحاسه فيج
طبعا الكل يعرف ان امونتي تمت في الحاضنة شهر كامل بس الحمد لله بدون اي امراض ما عدا ان وزنها ناقص والدم عندها للحين طبعا
شوفي اختي عطوني بنتي عقب شهر من ولادتها وكانت نتفة طول الوقت نايمة حتى رضعتها اعطيها اياه كل 3 ساعات وهي نايمة وصوت ابد لا تصيح ولا شي حتى وقت لما اسبحها تقعد بس والله ما كانت تصيح واذا صاد الماي وجهاا تطلع صوت كان الكل يقول لي ان صيحتها رنة بس وفي الليل لما انام والله احس روحي بين النايمة وبين القاعدة اخاف تقعد عطشانة وتصيح وما اسمعها بس طبعا هذا كله كان حلم بالنسبة اليي لان لا تقعد ولا تصيح والله حتى لما يغزونها بالابر ما تصيح بس عقب اسبوعين بدا صوتها يطلع وشوفي حبيتي لما تبدا تبكي لا تشيلينها مباشره خليها عشان يطلع صوتها وتتنشط والحين الحمد لله على كل حال كنا وين وصرنا وين وكنت مثلج خايفة بس طلع هالشي كل طبيعي لان هرمون النمو عندهم في النوم والحين تصيح وتلعب وتناغي وتتلفت واي شي تنقز منه \\ وعن السمع نفس الشي كانت ابد ما تتحرك وهي نايمة ولا يهزها شي ولما اخذناها فحص سمع قالت لي الدكتورة عندها في اذنها اليسار صوت ما تستجيب له وقالت يمكن لانها توها صغيرة وعطتني موعد عقب شهر وقالت لي انتي في البيت لاحظي اليها والله تميت اصفق الباب واصفق اليها واطبل ولا حس ولات خبر وجاء الموعد وكانت تقريبا بنت شهرين وشوي وخليتها على الله ما وديتها الموعد والحمد لله يا ربي ما خيبني والحين ما شاء الله عليها كملت 4 شهور تشوفينها طبيعة جدااااااااااااا ما عدااا حجمها صغنون
ترى هذي كلها مخاوف
وعلى فكرة الطفل الخديج لازم تاخذين له فحوصات كاملة لانه ما اكتمل فيحرصون عليها اكثر من الطبيعي واحنا الحمد لله كل فحوصاتها طلعت تمام النظر والراس والسمع مثل ما قلت لج خليتها على الله بس الحمد لله سمعها عال العال والحين باقي لنا موعد فحص القلب وان شاء الله خير
امهات الأطفال الخدج هنا التجمع حياكم معانا/ الجزء الخامس
متابعة النقاش، صفحة 242