صالون الموعد الدمام

معقوووووووووووول ما حد عنده خبر

جربت الصالون قصيت شعر بنتي فيه حليو مش بطال وجربته مرة ثانية لما كنامعزومين على زواج وكلمتهم قبله بأسبوع تقريبا أبي أحجز شعر عند غنى سمعت البعض يمدح شغلها لكن قالوا ماعندنا حجز إلا للفي آي بي وتجين تنتظرين دورك، المهم جيتهم بدري بعد العصر وكان المشغل شبه فاضي وأغلب العاملات فاضيات ماكان فيه الا وحدة تستشور وسألتهم عن غنى قالوا لي تجي الساعة اربع قلت بنتظرها شوي .
والي معاي بدوا يسوون شعرهم وحدة سوت ويفي عند وحدة فلبينية اسمها ندى شغلها حلو ومرتب و الثانية سوت سشوار عند فلبينية ثانية برضو مرتب ومع اني أول زبونة كنت انتظر غنى جت وحدة قبلي تسوي شعرها ولما سألتهم قالوا لي هذي في آي بي المهم ماطولت وسويت سشوار عند غنى هي ماشاء الله تعاملها روووعة وذوق وبشوشة وقالت لي انها كانت تشتغل عند دار نجد من قبل سوت لي السشوار لكن بصراحة ماعجبني حسيته عادي وماهو متقن مع إنها قالت لي لو ماعجبك بنغيره لكن حسيته يمشي الحال وطلعت،والي سووا شعرهم معاي عند الفلبينيات طلع أحلى وأرتب من شعري .

طبعا من بعد مشغل كريستال وأنا كارهة مكياج المشاغل مع إن مكياج الموعد حلو ورايق لكن فضلت إني أسوي مكياجي بالبيت .
المشغل عموما رايق ونظيف وتعاملهم جيد وأسعارهم مثل أسعار المشاغل الفخمة.

جربوه خواتي للشعر يقولون إن شغلهم في الشعر عادي لكن ماهو توب .

المشغل حليو
موظفة الاستقبال ترفع الضغط وما تنفع واجهة محل لأن تعاملها يعتمد على نفسيتها اذا رايقه استقبلتج عدل واذا مو رايقه تتكلم من طرف خشمها
الموظفات رايقات ويشتغلون بهدوء ونفسيتهم حلوه ولما يحسون انهم بيتأخرون عليج يجون ويستسمحونج دقايق
شغلهم للشعر بالنص مو لدرجة الالصالونات الراقيه ولا مثل الصالونات العاديه احسن شوي من الاخير واقل شوي من الاول
الميك اب ماسويت لكن شفت بنات مسويين بس مو لذاك الزود ومايسوى سعره
اقص شعري عند بنت سعوديه عندهم اسمها وفاء
البنت ذوق وتعاملها حلو وقصها مرتب وما تتذمر اخر مره سوت لي غره وثلاث مرات اخليها تقصر زياده وبالنهايه طلعت وانا راضيه وهي مبتسمه

اسعارهم وسط مثلا : القص بالنافع بـ 100 ريال وبالصالون اللي جنب بيتنا بـ 50 اما الموعد القص بـ 75
اعتقد لو صاحبة المشغل انتبهت اكثر تقدر ترفع من مستوى المشغل كثير لأن عندها الأساس وباقي لها شوية تحسينات