صلاح الغيدان كفاك تحطيما لي ولغيري ..
متابعة النقاش، صفحة 14
شاركي في النقاش
سجلي الدخول لإضافة تعليق.
التعليقات
127- واختلاف وجهات النظر لا يفسد للود قضية
جريحه الصمت مكشوره علي الموضوع والله يعينا ويرزقنا بالوظاييف العاطلين والعاطلات مكومين بالبيوت
حبيبتي اول شيء خلي البنات يطرحون رايهم وهذا انتي قلتي حرية راي
ولاتفرضين رايك من خلال تعليقك ع البنات
:26:
ثاني شيء البنات ادلول بدلوهم وماقصروا وانا بادلي بدلوي- بنات ترى والله الشباااااااااااااب معاهم حق .. تخيلوا زوج صديقتي معه ماجستير .. وربي سنتين من شركه لشركه كلهم متفقين على شئ واحد تنازل عن الماجستير ونوظفك .. ليه طيب وش فيها لاصااار بشهادات عليا ويستحق احسن وافضل المراتب والرواتب ليه محروومين منها وحاطين فووقهم مصري ولا هندي ولا عله ثاني .. لاتقولون هم احسن لا وربي ابن البلد للبلد ماعمره جانا اجنبي وشفنا منه خيررر .. ويكفينا مثااااااااااااااااااال ماسرق بلدنا الا كل المسوؤلين الأجانب
يعني بالله مو حرام دراسه وسهر كرف وشهادات واخرتها 1500 ماتعبي بنزين وتغير كفرات سياارته .. ولاتقضي مشااويره لو بيتوظف بهالراتب برى منطقته .. يعني كمان ماطلبوا شئ مستحيل المفرووض يستحون على وجيههم ويخلون اقل راتب 5000 زينه اقلها يقدر يرتب وضعه ويفكر في مستقبله ؟؟
احنا يالبنات تكفينا 1500ماورانا سياااره ولا ورانا ايجار ندفعه ولا ورانا سكن مع شباااب في شقه .. الوحده تاخذها تسلي نفسها ولا تشاااااااارك فيها مع اهلها بس الشااااااااااااااب لالالالا
اخوي : خريج هندسه حاااااااااااااسب له سنتين ماتوظف ( اهلى زوجوه الولد ماهو صغير وغير عن كذا صعبه يقعد عازب طول عمره .. طيب مين بيصرف عليه لو جاله عيال وكبرت عيلته يروح يشحد بهم مثلا؟؟
هو الأن موظف بقطااااااااااااع خاص ب2200 .. والله ماتسوي شئ في جيبه هذا وهو ساكن بشقه بلاش واهلي قاايمين عليه وهو مقتصد مره .. ؟؟
- بسم الله الرحمن الرحيم
هذا تعقيب ((الاختلاف لايفسد للود قضيه))
واشكرها ع فتح هذا الموضوع للنقاش بارك الله فيها
اتمنى المشرفات ما يحذفون الموضوع ((اتركوا للصراحة مكان))هذي هي الحقيقه وقمة التحطيم الذي نعاني منه!!!:angry2::angry2:
بصراحه ما شفة حلقة صلاح ،،
اما بالنسبه للبطاله فوضعنا مزري جددددددددددددددا مع وجود فائض في الميزانيه للاسف ياكلون الحراميه من ورانا ويسكتونا بكلمتين ((زيكم زي الدول الثانيه ))ابن البلد يخدم البلد !!!فين الي بيحمي شبابنا وبناتناوالقطاع الخاااص ظلمهم ،،وتقولون انه يبي كرسي ومكيف اكثرهم والله ماقال كذا ،،واكثرهم يحب شغله لكن اذا شاااف التحطيم والراتب الله يخلف علينا اكيد بيقلل من انتاجيته
لانه عارف انهم ما يستاهلون الكرف
الدوله تطالب وع راسهم غـــــــــــــــــــــازي القصيبي يطالب الشباب بالعمل الحر والرضى بالقليل
وكل مره يترزز في مطعم ويحط الكاب ع راسه ويشيل خبزه ((يعننني اشتغل))والله اذا عرقت.....ان يتركها ،،المشكله كذب المسئولين ،،ليش ماينزل بنته تدرس في اهليه اوخدامه في البيوت ابشري ان ماقالت((يابويه ظهري تكسر ووواووه ارحمني يابويه ابوس رجليك اديني واااسطه اريح من التعب)) وولده سووااق والاطباااخ ويقدم للزباين ويقول للناس انا ولد القصيبي حتى عيالنا يسوون سواته وبنقول زينا زيهم مايفرق شيء!! هـــــــــــــــــــــــذا الظلم والتحطيم بام عينه
واذا جينا عند سالفة ابدا من الصفر من وين يلاقي راس المال وهو منتف واذا راح ياخذ راس مال راح للبنك ويتسلف المسكين مايضمن المشروع انه بينجح واذا نجح بدات الارباح تاكلها البنوووك واغلبها فوائد واذا فشل ياويله وياسواد ليله اذا ماسدد اقساط البنك واجااار المحل وفي النهايه مصيره السجن ويكتب في سجله ((يوجد لديه سوابق))واذا خرج يجلس في عشه الى ان بنتحر او يهاجر وذيك الساعه قولوا اين الذي ابتدى من الصفرواين انتهى ((هذا قمة التحطيم))
واذا جينا عند القطاع الخاص 1500ريال يستقطع منها 200ريال عشان التامينات طلع 1300ريال
متخرج المسكين من الجامعه عمره تقريبا 23سنه او24سنه حبيبايبي خلوا عندكم بعد نظر الرجال مومثل البنت حاجة الرجل للزواااج اشد من البنت وهو بين المطرقه الزواج والسندان قلة المال
اذا السيارة 30000الف ريال له وللعمر اذا ربي حفظها من الحوادث بيطلع ثلاث سنوات وهويجمع
يدرس حاسب ع الاقل 4000ريال عشان تقبله اي شركه او مدرس!!
الجوال ضروري كم بتكلفه بطاقة سواء؟؟!!و اذا بياكل نواشف احسبيها 50ريال !!مهر الزواج اقل شيء 50000الف حتى لو هي 20000او30000الف ريال اكيد كثيره جداااا بيجلس يجمعها 3الى 6سنوات مع اقساط السياره 3سنوات كم طلع تقريبا12سنه؟وهو ع هذا الحال
واذا راح يقترض للزواج يشترط البنك ان لايقل راتبه عن ثلاثة الالف يعني بعيد عن شورابك القرض والزواج :09:وهذا غير الاثاث والشقق الي ماغير غرفتين ومطبخ وصاله 16000الف في السنه :mad::mad:
احسبيها كم بيطلع عمره وهو يكد :(هذا زمان اول يوم كل شيء من اليد للفم كلش رخيص
والي مايعجبه الشغل يروح لمزرعة ابوه يزرع ويبع وويعلف من زرعه وياكل الغنم منها لكن حتى البهايم مصاريفها اغلى من مصاريف البشر مع شح الامطار وغلا الاسعاررر الله يعافينا !!
((هذا قمة التحطيم والحمد لله انهم الى الان ما انتحروا))
ولاالومهم اذا رفضوا الشغل في القطاع الخااص لانه موبغبي يكرر تجربه مصيرها الفشل والقهر والتحطيم من اولها اكبر مسئول في وزارة العمل الى اخرها مدير شركته الاجنبي الي يستلم راتب لايقل عن 15000ريال ويركب سياره فارهه وراتبه قابل للزياده واما المسكين راتب لايقبل للزياده حتى يمضي من عمره 10سنوات بعدين يزيده الفين ريال واذا زعل قال ((انقلع بدالك الف))ورمى ملفه في وجهه واذا خرج من زود التحطيم بيجلس طراار ع تالي عمره ارحم له ..اكيد الوزير بيحط مائة عذروب فيه عشان يثبت للناس انه فاااشل((وهذا قمة التحطيم والظلم))
واتمنى انا الاقي شغل في اي مدرسه اهليه اوتعاقد في حكومي تخرج علي المشرفه وتقول بنظرة تكبر ((خذي لك بسطه واجلسي عند اقرب اشاره واشحذي))((ابو التحطيم))واذا رحنا نشتكي عندوزارة ((الكبت والتخريم))قصدي وزارة التربية والتعليم قالت لا امشوا بالترتيب والنظاام نظام و((لايتم التعاقد الا من تم التعاقد معها العام الماضي))ليش سلامات وحنا اش نسوي والاهليه واسطه والحكوميه للاقارب المديره والمشرفه !!!ونقول ابدا من الصفر من وين احقق طموحي وابني مشروعي الخاص ((قمة التحطيم والاحباط لتنمية المشاريع الصغيره))
هذا كلام غيض من فيض ومابقي في الصدر اكثر ألما لما نراه ونشاهده ونسمع واقرب مثال جامعة الملك عبد الله مديرها ((اجنبي ))ولدينا كودار وعباقره يعلم بها القاصي قبل الداني اسدلوا عليهم الستار وتركوهم لغير الوطن ..وفي نهاية المطاف نبكي في المحااافل ونقووول اين ابناء الوطن!!اسالوا انفسكم وصححوا اخطائكم ثم لوموا ابنائكم!!
عجبالحالنا ....................((الله يرحم حالنا))
- تدرون نفسي اتوظف لاني طاقة ولان لي احلام ولاني اريد ان اعطي اهلي من تعبي من دخلي الخاص . ياليتني يابانية . راعي البلدية راتبة من 18000 الى 30000ونحن لسه 1500 وش تسوي رغم اليابانين عيشتهم بسيطة .
مواضيع مشابهة
تابعي تجارب أخرى من هذا القسم.