السلام عليكم
كيفكم يابنات حواء
طبعا الناس اجناس وفيه نوعيات من البشر ماكنت متوقعه يكونون موجودين على وجه الارض للحين واستخلصت من تجاربي خخخخخخخخخخ ان المساله مو فلوس ولاعلم ولامظاهر في ناس فلوس ومتعلميييييين ولبسهم وبيوتهم توحيلك انهم اتيكيت وهم مايعرفون ريحة الذوق وفيه ناس العكس على قد حالهم وبسيطين وتعليمهم بسيط لكنهم ذووووووووق وعزيزين نفس بعد عدة مواقف امي علمتني حكمه خخخخخخخخخ قالتلي الي مايستحي لاتستحين منه وهي صادقه
اول شي مسلسل الطلبات الي ماينتهي جارتنا كل يوم داقه تبي شي لا وابشركم سكنت جنبنا جاره ثانيه من نفس الطينه :30: وصارو علتين بدل عله نبي جزر نبي طماطم والا ترسلنا زبديه تقول عبوها رز وفي مره انصدمت ارسلت تبي كيس لحمه:angry2: ومره جارتنا ارسلت ولدها يقول امي تبي سكر وشاهي :o نبي علبتين قشطه ومره دقت تلفون تقول لامي ارسليلي مكسرات مع ولدك مره مشتهيتها:eek: والله العظيم مره جارتنا ارسلت شغالتها تخيلو اش تبي؟
تبي جك مويه بارد تقول ماعندنا مويه :p للعلم عندها عيال والبقاله قريبه تقدر تاخذ خدامتها وتروح مشي او ترسل عيالها بس خلاص في ناس الشحاذه تمشي بدمهم
طبعا طلبات الاكل نقطه ببحرهذا بس الي اتذكره من غير الي نسيته نجي للطلبات الثانيه نبي بخور نبي مكنستكم ابي ممسحه بلاط ورب الكعبه ماابالغ ساعات يرسلون يبون داك وتايد منظفات
بس خلاص قلنا كفااااايه صارت الشغله مصاخه مايمر يوم الا داقين واحيانا باليوم اكثر من مره واحيانا باوقات غلط بعد كذا حفظنا كلمه وحده اذا طلبو ماعندنا ماعندنا او خلص والحمد لله خفو عن اول كثييييير يعني شايفين كيف كل شي صار غالي الرز المنظفات المعلبات الحمد لله الخير كثير لكن انا مااحب الاستغلال وربي لو ناس فقراء ومحتاجين اعطيهم خيشة رز كامله واعطيهم بدون مااتضايق لكنهم ناس ماشالله اغنياااااء وامكانياتهم عاليه والثنتين عندهم عيال يقدرون يجيبونلهم ولو ماعندهم معظم البقالات عندهم توصيل للمنازل ليش اشحذ الناس وانا قادره اعز نفسي القهر تشوفينهم مايقصرون لبس واثاث من اغلى محلات وكلها مظاهر على فشووووووووش
نجي للمسلسل الثاني وهذا يخص الي عندهم سواقين مثلنا اكيد يعانون من نفس المشكله
مره دقت جارتنا تقول ابي سواقكم يروح الصيدليه يجيب لي دوا وقتها كان مو موجود قلنالها مو موجود قالت اجل خلاص ولدي موجود بخليه يجيب لي :eek: والله شي عجيب طالما ولدك موجود ليش تشغلين سواق الناس؟
واحد قريبنا ابلشنا كل ماطلع البحر دق علينا تكفون سوو ترمس شاي ونبي جالون مويه ارسلوه مع سواقكم ماكنت تقدر تاخذ هالاشياء من بيتكم؟ طيب لو نسيت ياكثر المططاعم والكوفيهات ماله داعي تبلش الناس
والجاره الي تنشبلك تبي سواقك يودي عيالها المدرسه وهي غير عن مدرسة اخواني وتقول بعطيه فلوس كل شهر وشغالتها تشتكي لها سنه و4 شهور ماخذت راتبها:30:
وواحد نعرفه جا من السفر دق علينا يبي سواقنا ياخذه هو وعايلته من المطار والله مافي اكثر من التكاسي بالمطار بس وش نقول
هذا غير الناس الي مسحو الذوق من قاموسهم
وحده صحبتي سوت فيني هالموقف مرتين تواعدني تجي بيوم معين وادق اتاكد منها كم مره ويومها حالة استنفار انا اسوي حلى وامي الله يخليها تسويلي بيتزا وفطاير وكيك وابداعات :) الاخت مواعدتني المغرب انتظر للساعه 9 ونص ماجات وادق عليها تقولي مااقدر اجي طيب ليش ياادميه تقول امي قالت لا طيب في اختراع اسمه تلفون واعتذار سوت الموقف هذا فيني مرتين المره الثالثه اعتذرتلها ومااستقبلتها ولا راح استقبلها
والا الي تبي بيتكم لها فندق لاعليها من ابوك ولااخوانك تجي باي وقت وتلبد 5 او 6 ساعات لا دخلت غرفتك اول شي تروحله تسريحتك تنبش وتفتح دواليبك والا تجلس عالنت كانه ماعندها نت ببيتهم يعني جيتها تطفل في تطفل
مواقف كثير ماتخلص بس الحمد لله هذا كان ماضي صرنا مانعطي هالنوعيات وجه ونصك الباب بوجيهم من اول مره والله اهم شي راحتنا والحمد لله ارتحنا نصيحتي لكم لاتخلون احد يستغلكم ولا تريحون الغير على حسابكم الناس هالايام مايستحون ولو شافو الواحد طيب يستغلوووووووووونه انا مااقول لاتخدمون او لا تزورون او تستقبلون بالعكس الناس للناس لكن بادب وذوق بس غير كذا براااااااا
الي تطلبك اغراض بيت وتمصخها معك لاتعطينها
الي تطب عليك فجاه لاتفكين لها الباب او فهميها انك ماتحبين كذا
الي تطلب سواقك لحاجه او غير حاجه طنشيها
لبنات الجامعه الي تبلشك صوريلي اوراقك وابي دفترك قبل الاختبارات بمده بسيطه وتحجزه بالايام عندها احقريها لو عارفه انها مهمله محد بينفعك لو اخذت كتابك ولاعاد شفتي وجهها وتتورطين مره وحده في نفس الكلاس معي طلب تصور التكليف تخيلو هههههههههههههه قلتلها كيف تعطين الدكتوره تكليف مصور ونطلع انا وانتي نفس الشي لا وبعد مكتوب اسمي تقول لا امسح اسمح واحط اسمي لاتعليق الصراحه خخخخخخخخخخخخخخخخ
باختصار<<<انتي خليتي فيها اختصار قلتي قصة حياتك لاتستحون من هالناس لانكم لو قلتو نستحي وخجلت منها او انحرجنا بتتعبون وكلو على راسكم
واقول للناس الي من هالنوعيه تراكم فاهمين الجار للجار غللللللللط مو كل مااحتجتي شي لو تافه دقيتي على جارتك لاتطلبين من احد الا اذا كان شي ضرووري مرررررررررره او كنتي فعلا محتاجه هالشي لان الناس تتضايق اول مره ثاني مره بيعطونك بطيب خاطر لكن بعدين بيقولون هالانسانه ماتحس:hahaha: ومو عشان جيرانك تطبين عليهم باي وقت البيوت لها حرمه البيوت فيها رجال وشباب راعي الوقت الي تدقين فيه يمكن الرجال توه راجع من الشغل يمكن الاولاد توهم جايين من المدرسه او الجامعه وتعبانين يمكن فترة اختبارات ومايبون ازعاج
قلولولي انتو بعد مواقفكم وكيف تعاملتو معها واش تعلمتو منها اغرب موقف مر عليكم تدرون احنا مانتعلم الا بعد ماننقرص:16: هل تعانين للحين من هالمشكله والا حليتيها وايش كان الحل؟
شاركي في النقاش
سجلي الدخول لإضافة تعليق.
التعليقات
302- كلامك صـــــــــــــــــــــــــح
جد فيه نوعيه من الناس ماتحسسسس ابد او انها تفكر كل شي عااااااااااااااااادي
غير الطلبات اللي ما لامها داااعي
لا وتجيك البلشه اذا طلبت الشامبو والا البلسم والا سيروم الشعر والا محلول عدسات وماترجعه
وانتي بالطقااااااااااااااااق روحي اشتري لك غيره ..
لييييييييييييييييييه ؟؟
ايش العقليات هذي؟؟؟
انا كنت اعاني من هالشي بس بعدين صرت استخدم اسلوب مااااااعندي والا مخلص
لان جد مالها داااااااااااااعي كاني اشتري لها مو لي ...
عالعموم يسلمووووووو على الموضوع .. - * غلا روحي *
شرفتي ياعسل من جد نفس كلمة امي احنا نقضي لهم مو لنا :)
وش لي بالعمر
اي والله صادقه احنا مشكلتنا بالاول كنا نستحي مره ونخدم بعيوننا عمرنا ماقلنا لا او مانقدر حتى لو مانقدر ندبر نفسنا ونخدمهم بس انقلب الموضوع علينا على قولك صرنا تسليه الحرمه لو ولدها عندها تريحه وتخليه نايم بالبيت وتقول ليش ارسل ولدي واتعبه سواق الجيران يجيبلي
هههههههههههههههههههههههههه والله ضحكتيني دمك شربات يوم تقولين طفي الطبلون ذكرتيني باخوي لمن كانت بنت جيراننا تنشب لنا وتسنتر عند النت اخوي يفصل خط التلفون هههههههههههههههههههههه الله يسعدك ولا يطببك في جارات غثيثات المشاركة المقتبسة غير متاحة.
ماقلنا شي ياعسل نساعد ونخدم بعيوننا لكن المساله لمن تصير قلق لراحتك واستغلال عيني عينك لا والف لا:angry2:- طيب وش رايكم بوحده كلمت على امي تبي السواق قالت امي انه طالع قالت لا انا كلمته قال بالبيت
- ياساتر !! هدولي الناس لسه ماانقرضوا !!!!!!!!!
مواضيع مشابهة
تابعي تجارب أخرى من هذا القسم.