ابغى ناس واعية تساعدني
بسم الله الرحمن الرحيم
السلام عليكم ورحمة الله وبركاته
:26:
مني عارفة من فين ابدا ولا كيف اشررح لكم حالتي ولا اعرف اصفصف كلام بس الي اعرفو اني محتاجة مساعدة من ناس واعين من ناس انا حبدا ومعليش سامحوني على عدم تسلسل كلامي بس هدا ناجم عن حالت الفوضى الي فيا ::
انا بنت ككل البنات ليا احلامي وامنياتي بس عارفة ايش الي ممكن يتحقق والشي الي لا يمكن يتحقق عمري 18 وكمان اسبوع حدخل ال19 فلسطينية من مواليد جدة يعني تربية السعودية
معروفة بعيلة ماما وبابا بالفرنسية بسبب ملامحي وجمالي و نحف جسمي و العيون الملونة يعني مستحيل تلاقي بنت في العيلتين نافسني على جمالي ومن وانا صغيرة هادية ومطيعة ومليئة بالحياة >>>>> مغرررررورة ههههه:o
وبس دخلت المتوسط جمالي كان سبب عذابي جايتكم في الكلام عن سبب العذاب لانة فجأة صرت ما اقدر اجري وبعد سنة ما صرت ما اقدر انط او اشيل شي تقيل و عدت سنتين وانا من سئ لاسوء صرت ما اقدر اطلع على الدرج او انزل منوا غير بمساعدة ماما صرت زي العجايز لمن اقوم ا اجلس لادرجة انة ماما ودتني مسنشفيات جدة كلها شخصو انة مشاكل في الاعصاب وبس سويت فحوصات واشعات ما اخليت اشعة اكس رية ولا اشعة مغناطيسية
ولا اشعة ملونة ولا اشعة ليزر وفي الاخير ايش طلع عندي ولا شي رحت الرياض ودخل اكبير واحسن مستشفيات وكمان ما فيا شي كل قرايبي قالوا لماما وديها لشيخ وبالفعل جابولي شيخة وقرا علية اول يوم من خرج الشيخ من البيت انا نمت في مكاني بالعباية من درجة النعاس ودحين اقولكم ايش السبب في انة جمالي عذابي لانة الي فيا طلع عين قوية شفتوا كيف تاني يوم لمن جا الشيخ لو تشوفوا البكي والصريخ عشان ما ابغى ادخل عند الشيخ ما ادري ليش كدا لدرجة انة بابا اول مرة يمد يدوى عليا ويضربني ودخلني عند الشيخ وكمان اليوم التاني صار الشي دا
ولفت الايام وانا كما انا وحدة من جارات ماما اعطتها عنوان حرمة تقرى وتعالج بالقران ماما سحبتني معاها مع اني كنت معارضة لاني خلاص كرهت كل شي في حياتي لاني مو قادرة اخدم نفسي المهم رحت للحرمة كشفت على بطني وصارت تقرا قران وانا عينكم تشوفني صرت اتقلب واحس بسكاكين تقطع بطني المهم الحرمة قالت لماما انة انا ماشية على منطة غير طاهرة اي ((( فيها قذارة بسم الله جان))) وكمان فيا عين قوية وبسبب القذارة انا عندي منطقة الحوض ممسوكة منهم وكمان المصيبة الكبرى انة القذاة لعجوزة عشان كدا سرت امشي زي العواجيز واعطتني عسل مع اشياء اكل منوا وزيت واعشا اتغسل فيها وبس روحت من عند الحرم على طول على غرفتينوم تقريبا نمت 13 ساعة ودا يقولوا من تاثير النوم المهم بس سرت اتغسل بالاعشاب صابني تقريبا شلل نصفي ما اقدر امشي صارت ماما توديتي الله يكرمكم الحمام وتغسلني بالاعشاب وكل يوم يعدي على الغسل بالاعشاب واكلل العسل اتعب اكتر الين ما خلص المدة رحت تاني وبعد ما قرات عليا تاني مسكت دبوس وصارت تغزغز اصبع يدي ورجلي اليمين وكمان اليسار وبعدين جايت منديل ومسحت الدم تخيلو الجهة اليمن خرج منها دم اسوود والجهة اليسار دم احمر طبيعي والحمد للله تعافيت على يد والله يزيها كل خير
المهم
كانت سنة سودة من حياتي لانة عدت السنة بسبب كترت غيابي لانة كنت ما اقدر اروح المدرسة ودحين انا حولت منازل عشاني تاني ثنوي حدرسها تاني مرة ومنها اريح نفسي السنة هدي ولا اجهد نفسي وخليني شويا ارجع مرح السنين الي راحت
ودحيت الحمد لله تشافيت ماما تحولت 180 درجة صارت على طول معصبة مني وبس تجلس تجرح فيا وانا ساكت لدرجة رت ما اقدر اتكلم معاها واا اخواتي الصغار غلطوا عليا تحطني انا الغلطانة وعلى طول ما عندها غير كلمة
عندي بنت كبيرة على الفاضي
واذا عصبت من اخواني تيجي تفش غلها كلوا فيا وانا اسكت اقول هادي ماما كفاية الي سوتوا معايا لمن كنت مريضة
وصارت تمد يدها عليا كتير عمرها ما مدت يدها عليا تجي دحين تمدها
مع ان والله من وانا سنة رابع شايلة اختي الي بالكفولة وهيا تروح تدرس في معاهد وتشتغل
وبس سرت سنة خامس انظف البيت واتني في اختي الصغيرة واسوي لاخواني العشا وادرس
وهادا كان جدولي الي تالت متوسط اي الفترة الي اتازمة حالتي فيها
انا عارفة انة هيا ضحت كتير عشاني وعانت كتير
بس انا كمان يحقلي اني اعيش حياتي كفاية من طفولتي حاملة مسؤلية حتى ذكريات ما عندي
مستكترة عليا اني انام وقت ما ابغى واصحى وقت ما ابغى واجلس على النت زي ما ابغى
والله اني امبارح فكرة انة اول مين يجي يخطبني اقبل مع انة انا ما اخرج من البيت ولا اروح زيارات
يعي صعب انة يجيني احد يخطب والعيلة انا في نظرهم طفلة
بالله عليكم دلوني على حل انا ما ادري ليش متبتلكم عن الشيوخ بس حسيت اني نوع من الفضفضة