خلااااااص ياناس كفايه هذول ماينفع الذوق معاهم تعالو اعلمكم كيف تتعاملون معهم

متابعة النقاش، صفحة 10

شاركي في النقاش

سجلي الدخول لإضافة تعليق.

التعليقات

302
  1. @nonokom

    هههههههههههههههههههه والله امر غريب حسيت انه حنا مو في السعوديه
    الحمدلله ابد مااعندنا جيران كذا والكل محترم جدااااا اتذكر بس مرره جارتنا ووللظروره القصوه طلبت من عندنا بصل وبررت موقفها انه زوجها مودينها عياله المستشفى لغسيل الكلى وكانت فعلا تب تسوي الغدا ولا عندها بصل وارسلنا لها ومن عيوناا بس ابد مااستغلتنا ولا حنا اقووول الله يبعدنا من جيرانكم ههههه
  2. @ahn_lltfolh

    والله يااابنااات حياااتي كلهااا قصص معا مواقف اللي مااقدر اتصرف وانا من النوع اللي يستحي او يرد او ياخذ حقه
    بس اذاعصبت وزعلت خلااص وخروعني:angry2: بس بعد ايش بعد مايصير اللي يصير :(
    المهم كانت وحد الله يستر عليهااا تزوني باستمرار كل بعد يومين وهي مو متزجه واذا سمعت صوت زجي ناادا ورحت له والله والله العظيم يابناات الازوجي يلف ويرجع واساله ايش فيك يقول الحرمه ورااك تمشي ونصدم وكذااامره يتكرر المشهد ومره كانت عندي وزوجي كان نايم بالغرفه وكان المطبخ نظام امريكي فاتح مو مقفل وكان باتجاه غرفتي وكنت بالمطبخ ولحقتني بالمطبخ وقلت انتبهي زرجي نايم يمكن يطلع بااي وقت خذي حذرك وكان عااادي عندها المهم جلست اسوي لنا قهوه وفجائه طلع زوجي من الغرفه وهي والله ولاتحركت من مكانهااا وتتطالعه وهو قفل الباب بسرعه ورحت له وقال ليش ماقلتي لي انها موجوده قلت انا حذرتهااا قال خلاص ابي اطلع للمجلس خليهااا تطلع من المطبخ والله العظيم يابنااات ايش قالت؟ حطت ايديهااا على وجهها وقالت خليه يمرر انا انصدمت قلت انتي تمزحين قالت والله جد قلت وشعرك وايديك قالت ياشيخه قلت اقووول اطلعي بس قااالت يووه من زينك انتي وزوجك خايفه عليه انا انصدمت من البنت كيف تتصرف هالتصرف عيني عينك :angry2:
    ومررره جتني وكااان زوجي مدااوم وكنااا جالسين بالصاله وجا موعد رجعت زوجي من الوام وانا على اعصابي منهااا والرجال لما يرجع يبي يتعشى يرتاح ياخذراحته ببيته وهي عاااادي واهلهاااا ماعندهم حياااا واناكنت قمه الغبااااااء ياليت الزمن يرجع كان سويت اللي مايتسوا المهم جى زوجي ودخل المجلس وقلت لحظه خليني ادخلها غرفة الحريم حتى تمر من الصاله ورحت قلت لهااا روحي لغرفة الحريم ووصلتهاا عند باب الغرفه ورحت لزوجي وقلت خلاص يالله وهويمشي وانا ورااه وفتح غرفتناااااو على طووول قفل الباب قسما بالله انهاا جالسه بغرفتي ورجع وقال ايش تسوي هذي قلة حياااا بصوت عااالي ودخلت عليهاااقلت ايش هذاا قالت مدري احسبه موداخل هناا تخيلو الوقااحه طيب انا ما قلت لك روحي غرفة الحريم وانتي عارفه انه يبي يدخل الرجال غرفته ولا انتي يعني شفتي اني سكت عن كذا موقف تحسبيني غبيه وماافهم عيب اللي انتي تسووينه استحي على دمك وماااعليش بيتي يتعذرك وطلعت وماااجت بيتي مرررره والله ناس تخاف ماتستحي
  3. @bsmah90

    جِنـــان
    أنا اكثر شئ عانيت منه اللي تواعدني تجيني واروح اجهز انواع الحلويات وأمي أنواع المعجنات وأكشخ وفي النهاية ما تكلف على روحها تعتذر بأتصال او ع الاقل مسج وأتصل عليها تقول لي سيارتنا خربانه وماقدرت اجي وهي باين من صوتها انها بسيارة !!!!!! …
    طيب وش رايكم في اللي تقول امسكي ولدي عندك شوية زوجي يبغاني علشان xxxxxx
    أكيد فهمتوا علشان ايش:eek: وماتخليه شوية وتجي تاخذه لالا ساعتين ثلاث يعني ما ادري ويش يسوون ثلاث ساعات وزوجي كذا:mad: وانا اسكت في الولد اللي يصيح خايف مني:icon33:....
    وصارت معاي اكثر من مرة بالله ايش رايكم في هذي الحركه؟؟؟؟؟؟؟؟
  4. @khalt_slman

    ههههههههههههههه مواقف تحفه هههههههههههههههه
    اما اللي تحط ولدها عندك عشان ++++صدق اقولك غبيه والله اعتذر لها او ماارد عليها ابدا ايش الاستغلال هذا شي يقهر زين زوجك ساكت
  5. @bsmah90

    خالت سلمان
    ههههههههههههههه مواقف تحفه هههههههههههههههه اما اللي تحط ولدها عندك عشان ++++صدق اقولك غبيه والله اعتذر لها او ماارد عليها ابدا ايش الاستغلال هذا شي يقهر زين زوجك ساكت
    علشانها سلفتي زوجة اخو زوجي سكت لكن مصختها كل مابغوا قالت امسكي الولد وشقتها جنب شقتي بس انا قمت اعطيها طناش وما ارد عليها

تابعي تجارب أخرى من هذا القسم.