اولا حياتي .. اسمحيلي اقولج انج غلطانه .. اي .. بتقولين لي شلون .. ببساطه انتي ما عرفتي كيف تستوعبين زوجج وتكسبينه .. انا ما اقولج خليه يسبج لا .. لكن انتي بالبدايه تسمحين له انه يزعل ويتطور الشئ ويوصل انه يسبج .. ليش .. ليش ماتكونين ذكيه زياده وتعرفين شلون تمتصين غضبه بأن تقولين له ولا يهمك ياقلبي .. كلش ولا زعلك .. ولاتزعل يابعد عمري .. ما عاش من يضايقك .. وهالشكل بهالطريقه عند بداية الخلاف لاتعطينه مجال ان يوصل مرحلة انه يسبج ويلعنج .. وبعدين كان المفروض منج لما يسبج ان تتعاملين معاه بأسلوب غير رد الصراخ عليه وتحديه ..لا ياقلبي الزوجه لما تشوف زوجها معصب تتراجع بهدوء تروح للغرفه تخليه يهدى شوي .. صدقيني بيرجع يعتذر منها واذا مارجع ترجع هي تبتسم بوجه وبهدوء تقوله : ليش جرحت قلبي اللي يحبك ويموت فيك ..
بهالطريقه خلج ذكيه ..صدقيني بيتأثر وبيندم على الكلام اللي قاله ..
وبعدين مسأله انه يبي يتزوج هو فعلا مايبي وحده يلعنها وتسكت لايبي وحده تفهمه يبي وحده لما يعصب عليها تعرف شلون تتصرف معاه برقتها وماتخليه يلعنها ..
وفيه شئ انتي يمكن مالاحظته وانا عرفت من خلاله ليش زوجج يبي يتزوج .. السبب الثاني ..العلاقه الحميمه .. اي شلون ترضين بأنه يكون جاف معاج لا حبيبتي الزوج يستانس لما يشوف من زوجته التفاعل والانسجام في العلاقه مثلي حتى لو انتي حاسه بجفافه حسسيه انه بطل وانج مستمتعه غاية الاستمتاع حسسيه انج متلذذه في العلاقه خليه يحس فيج قبل ماتحسين فيه عطيه قبل لايعطيج لاتكونين انتي جافه معاه حتى مايكون جاف معاج .. كوني ذكيه .. صدقيني بتشوفين العجائب .. وبتلاقين نفسج غايصه في حبه وعطائه ..ولاراح يتزوج ثانيه ولا اح يفكر ..
بيني غيرتج عليه .. بيني حبج له .. دلعيه دلليه ..
افهميه ارجوج
اتمنى لج فعلا حياه سعيده مع زوجج
((اللي عندها مشكله مع زوجها ..او اهل زوجها ..تتفضل ..وأنا اعطيها الحل))
متابعة النقاش، صفحة 28