هلا و مرحبا:
هههههههههههههههههههههههههههههههههههههههه ، و الله قاعدة أضحك و
حلالي يلتفت علي مستغرب ،، خاصة موقف القطوة يجنن ، و صار لي مثله بس كان في بيت أهل زوجي و أحنا تونا طالعين ، بس ما سويت مثلك و فلقته بحجر ، بس و الله كانت القطوة نذلة بس تلفلف معي و انا أصارخ ، و حلالي ميت علي من الضحك ،و يوما خلاص بموت تكرم الاخ و رمى عليها جزمته ( الله يكرمكم ) وهربت ، و انا الدموع أربع أربع و هو يضحك علي قهرني ....
موقف أخر : كنت جالسة عند أهلي مدة طويلة ،، كان حلالي مسافر و لما رجعنا كان البيت تعرفون وسخ و مغبر ، فقسمت التنظيف على يومين ، و بديت بغرف النوم و المطبخ أولا ، و اليوم الثاني كان زوجي معزوم على العشاء فجلست أنظف المجالس ، و لما خلصت مجلس الرجال وقفت عند الباب أشييك ، و لم رفعت عيوني للسقف الا أشوف ذاك الظاطور ( البريعصي ، الابرص ، الوزغ ... ما ادري وش تسمونه ؟؟ ) كان تجيني النفاضة ،، و تحوم كبدي كان أصرخ و اصك الباب عليه و ركض للتلفون و أدق على حلالي اللي كان في العزيمة ، و اقوله بسرعة تجيني ألحين قال يابنت الناس وشلون أطلع وش بيقولون؟؟؟ قلت ما علي تجي ألحين يعني تجي ألحين .. قال طيب انتي صكي الباب و خليه لما أجي ،، قلت نعم تبغني أجلس معه في بيت واحد ، جلس يضحك ، و اقعد أصيح ،، قال خلاص بجي ألحين.... و بعد ربع ساعة من حرقة الاعصاب و حالة الرعب والخوف وصل أبو الشباب و جلس يضحك علي حيث كانت الاخت في الله مقفلة جناح المجلس كله على الظاطور و جالسة في غرفتي و صاكه الباب علي و جالسة فوق السرير و عيون على فتحات الباب تقولون بيجي يفتح علي ، و طبعا بدات معركة بين حلالي البطل و بين تلك الحشرة ( هي حشرة و الا أيش ؟؟ ) و الحمدلله كان النصر حليف حلالي العزيز ، و رمى بتلك الحشرة جثة هامدة في صندوق البلدية الذي في بداية شارعنا بناءا على طلبي طبعا..
و الله يابنات كل ما فكرت اني كنت جالسة أنظف وهو فوق راسي ، تجيني نفضة و يقشعر جلدي و شوي أصيح....
الله لا يوريكن عندي حالة رعب من جميع أنواع الحشرات ، و يكثر مواقفي معها ، انتن انتظروني بس ، تقولون ان هالحشرات تتقصدني كنها تدري اني أخاف منها....
و سلامتكم ،،،
موقف طريف مع ابو الشباب
متابعة النقاش، صفحة 6