هلا و الله:
مواقف تهبل ، و الله ضحكتوني من قلب الله يوسع صدوركن ، و الفشايل مع هالبزران يا كثرها ، أذكر منها:
قبل ما أتزوج: كان عندنا عزيمة رجال عشاء ، و احنا من طبعنا لما تكون عندنا عزيمة أمي و خواتي نجيب الجهده ، الى ان يطلع العشاء على سنقت عشرة ، و كانت أختي توها صغيرة و تحب الحركات على العشاء ، و لما خلصنا قلنا لابوي علشان يقلط الرجال ، الا الاخت تنشب ما تبغى تطلع ، و نحاول فيها يابنت الحلال ، و ما طلعت الا يوم قلنا لها في المطبخ روحي خليهم يحطون لك ، و لما طلعت على طول قفلنا الباب ، و دخل ابوي الرجال ،، أختي الحلوة راحت للمطبخ ولما مالقت نفس حركات العشاء جاءت تركض بسرعة بس لما شافتنا صاكين الباب قعدت تصيح فهاوشتها أمي ، فسكتت شوي ، عاد احنا جالسات في الصالة نسولف ، الا أختي تصيح باأعلى صوتها و هي تطل من تحت باب المقلط ، بيخلصونه بيخلصونه الحيوانين ،، و تطق على الباب ، عاد أحنا دورونا كل وحدة طيران لغرفتها خايفات يجي أبوي أو أخوي ، بس أشوى أمي على طول سحبتها معنا للغرفة و انا ماسكة نفسي لا أطب في بطنها ، بس أشوي الرجال من صجتهم ما سمعوها ، و أخوي لما سمع الطق على الباب جاء يقول هاه تبون شيء .... قلنا لا سلامتك و احنا ميتين من الضحك...
على فكرة أختي ألحين كبيرة ، و كل شوي نذكرها بهالموقف فتزعل علينا و تضربنا..
و الله المواقف كثيرة ،، و بقولها لكن أنشاء الله...
انواااااااااااع الفشيله
متابعة النقاش، صفحة 17