السلام عليكم بنات
شلونكم
بنات انا هذا ثالث حمل لى قبل جبت ولدين والحمد الله كلش تمام
بس ها المره ما رحت الدكتور عجز لين صرت با السادس
اول ما شفتني الدكتوره هوشتني بطني نازله مره وبعد ما سوت سونار
المشيمه تحت والطفل فوق مع انا حركه الطفل مره حلوه بس ثقل والالم با سفل البطن وطلع السبب المشيمه
وقالت بنتظر السابع يمكن ترتفع اوووو العلم عند الله
بنات الى صار لها مثلى تقولى وش صار جابت ولاده مبكره او عادي جلست لين 9
يا بنات مره ثقل اسفل بطني لدرجه اذا تحرك الطفل ابكي مثل الاطفال
بالله الى تقرا موضوعي وعندها علم بمثل حالتي تقول وش صار
شاركي في النقاش
سجلي الدخول لإضافة تعليق.
التعليقات
15- حالتج مثل حالت اختي بالظبط وهي الحين بنهاية السادس
الله يعينكم ويسهل عليكم
ننطر اراء البنات والمجربات - حالتي نفسك بظبط بس انا توم وبصف السادس ومنتظمه اراجع بس ايش سواتلي مكتشفت نزولها الا هالحين ولي زاد الطين بله تقول المي عندك مره كثيره وصارلي يومين ونفسيتي تعبانه ياريتها ماقالتلي مع اني كنت حاسه لان نومي بالحسره وكل مامشي احس شي بيطلع كنت بنزل نفس سؤلك بس الله يجزاك خير سبقتيني بس ياريت احد يفيدنا واجره على الله
- الله يستراختى الله لايقولة اذا مارتفعت معناها تولدين بقيصرية بس لازم تتابعين اذا لالحين نازله بيحددولج موعد عملية لان الطلق موزين على البشيمه اللى تحت الله يقومك بالسلامة ======مناااااااررررر
- خير انشاالله
- راح اقولكم قصتي مع المشيمة قبل خمس سنوات:
كان عندي موعد سونارفي الشهر السادس اول ماشافت الدكتورة الشاشة قالت لي انتي ماينزل عليكي دم؟
رديت عليها قلت لا فيني شئ؟ قالت لي ان المشيمة نازلة تحت وسادة المهبل وهذا خطر عليج وممكن يصير فيج نزيف في اي وقت وكتبت لي تحويل لمستشفى الولادة
انا انصدمت وقمت اصيح وابكي وحالتي حالة!!!!
المهم رحت المستشفى ودخلوني عندهم وكل شوي تدش علي دكتورة وتقولي كلام
اللي تقول اذا صار فيج نزيف راح ننقل لج دم وممكن نسوي لج عملية قيصرية ونشيل الرحم بعد مع العملية واللي تقول الحين اذا حسيتي بالم انولدج في اي لحظة
وانا من كلامهم صار عندي تقلصات من الخوف وقمت وكتبت وصية حق زوجي اوصيه بعيالي!!!!
وعطوني ابر الكورتيزون علشان اذا طلع البيبي قبل اوانه تكون الرئة مكتملة
قعدت في المستشفى اسبوعين اول مرة وزهقت من المستشفى وطلعت على مسؤليتي
بعد ان وصتني الدكتورة ان الجماع ممنوع ولازم ارتاح ولا امشي كثير ولازم يكون
عندي احد في البيت علشان ادا صار فيني نزيف يودوني المستشفى بسرعة لان ممكن
يفتح شريان كبيرويسبب نزف قوي ويهدد حياة الام والجنين وانا في البيت صرت على
اعصابي كل شوي اروح( تكرمون ) الحمام اشوف نزل علي الدم ولا لاْ!!!!!!!!!!!
المهم وانا ما بين المستشفى والبيت من اخر السادس الى اول التاسع !!
وما نزل علي حتى قطرة دم وقالوا لازم نعمل لك عملية قيصرية وعطوني موعد بعد
اسبوعين للعملية .........
رحت في موعدي وعملوا لي سونار وكانت المفاجاة ان المشيمة فوق وكل شئ
طبيعي وقالوا لي ان راح اولد طبيعي وبدون عملية قيصرية متى ما جاني الطلق....
وبفضل الله ولدت ولادة سهلة وطبيعية وجبت ولد سميته(سلمان).........
انصحكم اخواتي بالدعاء والصلاة في الثلث الاخير من الليل@@@
وسامحوني على الاطالة@@@@@@@@@@
مواضيع مشابهة
تابعي تجارب أخرى من هذا القسم.