شاركي في النقاش

سجلي الدخول لإضافة تعليق.

التعليقات

4,943
  1. @um_hissa

    هلا بنات !

    فديت بناتي
    يا رب خلي لك بناتك امين ! انتي دايم تسألين عني ...
    بالنسبة لكاميرا الفيديو.... أنا ناوية أشتري بعد ... أبي معلومات يا بنات اذا عندكم عن كاميرا زينة .... الله يستر ما تنسرق مثل اللي قبلها ( انسرقت في لبنان وهي بقراطيسها ) :( الى الان منقهرة ! كله ادعي على الحرامي .....

    نبض الحروف
    مسألة الضغط المرتفع شئ خطير .... صديقتي كانت تهتم بصحتها و تداوم على مراجعة الطبيب اثناء الحمل , طلع ضغطها مرتفع و هي بالسابع ... ولدوها قيصري ,,, مب علشان البيبي , علشان ينزلون ضغطها , الطبيب قالها لو انتي ما جيتي كان هي ممكن في عداد الموتى او في غيبوبة !! يا ليت تاخذين كلام الاطباء على محمل الجد .... أعتقد تجلسين في المستشفى كم يوم افضل من تتعرضين للهلاك .
    أستغرب زوجك كيف طاوعك على الاستخفاف بصحتك ... يعني توقعين اخلاء مسؤلية المستشفى بس عشان ما تبين القعدة في المستشفى ؟؟؟ اسمحي لي لو كلامي شوي قاسي , هذا جهل !
    أعرف حريم ما فيهم ضغط , بس قالوا لهم ممكن ولادة مبكرة , قعدوا على ظهورهم شهور ما يقومون الا للحمام " تكرمون " ..... و انتي تتشكين من الحمل و قبل كم شهر تتمنينه ؟؟؟ أمرك عجيب اختي !
    ما اقول .. الا الله يتمم لك على خير و سلامة , بس لا تهملين مراجعة الطبيب , ضروري !
  2. توتا البنوته الله يوفقج فديتج تستاهلين كل خير

    أم صلوح مشكوره على ردج فديتج

    أم حصه حبيبتي أنا مليت من تعب الحمل بس ما قلت مابي إلا في بطني وعن طاري قعدتي في المستشفى كذا ولا كذا بارجع لهم أسبوع الجاي للعمليه والسبب إلا ما كنت أبي أدخل المستشفى كثره أولاً مرض أبوي وهو كل ما مرض يبيني وثانياً شغلي ما تسمح لي أخذا أجازات كثيره بذات المدير الجديد شديد على الموظفين وما أعرف أنام في غرفه عامه هم تعب زياده علي وغرفه خاصه صعبه تلقينه. وعن أني ناويه أحمل ولا لا أي كنت ناويه بس مب الحين نهايه السنه لما يكمل ولدي سنه بسبب تغيير الدكتور لحبوب من الحمل في نصف الشهر صارت لخبطه عندي وحملت يعني مب ذنبي وأرجوج تقرين إلا أكتبه عشان تعرفين أسباب عدم رضاي لأنام يالمستشفى. أول حمل لي كان نفس الموضوع وولدت بأول التاسع وحمد لله أنا أراقب ضغطي في العياده إلا جنب بيتنا ومستشفى الولاده جنب البيت مب بعيد مسافه 5 دقايق وإذا الله كتب شئ بيصير بيصير برضاي ولا بغير رضاي أسمحيلي أنا مب مهمله لصحتي بال أعتني بصحتي الله أعرف إلا أحسن لي لأن قعده المستشفى بتزيد تعبي هذا سبب رفضي لا غير و مرصض الوالد.
  3. @am_yasmyna

    صاحبة الموضوع
    السلام عليكم...مشكورين يابنات على اقتراحاتكم..وياساحرة الشرق على المكان اللي قلتيه بس للاسف مارحناه...كنا بنروح الخور خلاص وبعدين اليهال قالوا تمللنا نبي ننزل فقال زوجي خلنا نشوف سميسمة اذا لقينا مكان زين ننزل...والصراحة الجو كان عجيييييب والبحر هادي ومش غزير كلش...اهم شي ان ولدي الصغير تم يحبي وهو في البحر!!!! ومستانس على الرمل وايد وكل مابدلنا له تم يصيح يبي يلعب.!!!!اما الكبير تم ويا اخواني يصيدون قباقب وسمج(ميت) ويحطونه في الكلك والخدامات مستانسين وياهم يصيدون وياخذون اصداف.... والله الرحله كانت حلوة واهم شي ان غيرنا جو عن الدوحة والمجمعات المملة واليهال استانسوا وسويت لهم سندويشات مثل ماقلتوا مع ان زوجي قال بنمر البتيل نشتري سندويشات لكن اان قلت له البيت احسن وخذيت لهم عصاير وماي وبسكوتات انواع واشكال ومكسرات وفاكهه..طبعا في البحر مارضوا ياكلون شي لكن في السيارة تموا ياكلون لين وصلنا البيت من الجوع!!ههههه

تابعي تجارب أخرى من هذا القسم.