♥♥ ◄❤ أحـــلى تجمع لأحــلى حـــوامـــل التـــوائمــ ❤ ► ♥♥

سلام للجميع:26:

لينا الحلوه..
تسلمين على الرد الله يعينا على الي جاي هو المجهول يخوف فكيف اطفالنا بالحضانات ومانعرف وش راح يكون وضعهم الا وقتها بس مالنا الا حسن الظن وطرد الافكار الشينه والدعاء والحمد لله هذا وانا بفترة الآمان على كلامهم الله يسهلها علينا جميعا انتي باي اسبوع

عاشقة القرآن..
هلا يمكن يولدوني باول الاسبوع ال34
الله يهديك رديت على سؤالك عن ابرة الرئه قبل ماتاخذينها وانا هذا الي انا خايفه منه انك تطيحين بالوسوسه لاني اول مره اسمع ال4 جرعات كلها مع بعض انا اجاوبك حسب مااعرف انتي كلمي على دكتور ثاني واسألي وانا عندي موعد الثلاثاء ان شاء الله اسأله وماأنسى لان الذاكرة زيرووو

حواء الحنان..
سلامتك لاتعودينها مره ثانيه الكعب مره خطر عليك وعلى ظهرك انتي مو شايله واحد انتي اثنين لاتنسيييين :angry2:وانتي الي بتاكلينها بعدين

طفوله..
حبيبتي دايما طمنينا عليك وعلى كتاكيتك قصتك تعور القلب بس الله لايحرمك الاجر ان شاء الله

باتشي كاراميل..
طمنينا عنك وان شاء الله تعدي هالمرحلة على خير
شنطة المستشفى
قمصان استقبال+ لبس النوم يكون خفيف لانك بتكونين حراره ومايفضل بيجاما بنطلون بالنسبه لي عشان العمليه ماابي شئ يضغط عليها وحتى لما تجي الممرضه تكشف+ستيانات قطن للرضاعه ان الله كتب ولبادات قطن مدوره للصدر + اندر وير سواء قطن عادي او الي استخدام مرة وحده انا عن نفسي احب القطن حقون ماركس سبنسر الي خصرها عالي يعني تكون فوق منطقة الشاش وتمسكه وماتضغط عليه + اطواق وربطات شعر وفرشة شعر + ميك اب خفيف ومرطب شفايف + كريم لليدين + شرابات مهمه حتى لو كنتي حرانه ضروري رجولك تكون متغطيه +سلبر خفيف وواحد للاستقبال حسب الوان قمصانك +فرشاة اسنان وشامبو +الويزكبير لاني مااحب حق المستشفيات +مرة منقوعه بقارورة مويه صغيرة كل شوي تفتحينها وتشمينها لانك اذا تاخذين مضاد ماتقدرين تشربينها وهي زينه للشمم + واهم شئ يابنات قبل العمليه يكون معاك دهن عود اصلي تحطين منه ورى اذنك يقولون انه يمنع الشمم قبل العمليه انا بعمليتي الاولى تعذبت من الشمم وقعدت بالمستشفى 20 يوم وماكنت حاطه دهن عود والثانيه الحمد لله ماجاني شئ وكنت مستخدمته فالله العالم منه او لأ بس هي اسباب
هذا الي حطيته اتمنى اكون افدتك واي سؤال عن العمليه انا حاضرة مجربه الكامل والنصفي

شخباركم يا احلى امهات

حبيت اسلم عليكم بسرعة بسرعة واروح لعيالي تدرون مايخلون للواحد وقت الله يهديم ويخليهم

حبيباتي اسفة ماقدرت امر على كل المشاركات بس اتمنى ان كلكم بخير وبصحة وعافية انتو والكتاكيت

بكرة عندي موعد مراجعة وسونار لعيالي ادعولي ان الله يتمم علي فرحتي ويطلعون كاملين الخلقة ياااااااااااااااااااااااارب

وصدقوني دعيت لكل بنات التجمع ان الله يتمم عليكم ويسهل عليكم