المغتربة
شكرا جزيلاً لدعمك لي يا أختي وأنا لا أحب التشاؤم ولكن دائما أقول أن الإنسان يجب أن يسمع من الأطراف الأخرى وخصوصا إلي عندهم خبرة وماشي على مبدأ (ما خاب من استشار) ، بس دائما بالأخر القرار إلي، بسمع وبحلل وبفكر وبالأخر بتوكل على الله وبمشي بطريقي لأنه دايما أملي بربنا كبير وأنه ما بضيع تعب إنسان وإحنا اتعبنا كثير ......
تحديد الولاية هي مشكلة ثانية لأنه احنا ما بنعرف شي بكندا عشان انحدد وين انروح ، الله يجيب إلي فيه الخير إن شاء الله.
بالنسبة للحياة الإجتماعية بسمع انو ما في حياة إجتماعية لأنه المشاغل كثير وأغلب الناس بتدرس وبتشتغل يعني إلي ببيت واحد يلا يلا يشوفو بعض .
على العموم يسلمو كثير على تعاونك معي
em mohamed
تسلمي كثير يا عزيزتي على نصائحك الثمينة ، رفعتولي روحي المعنوية ، أنا بعرف إنه ما في شي بيجي بالساهل ، والواحد لازم يتعب على نفسه عشان يلاقي الفرصة الجيدة ويحقق طموحاتو ، بس بالبلاد العربية ما بدي أحكي كلها للأسف إلي تعب على نفسه وإلي ما بعرف شي بالدنيا واحد لأنه أساس الحياة ماشية على الواسطة ، عندك واسطة اوصلت لكل إلي بدك إياها ما عندك واسطة كل شهادتك ما راح تنفعك بشي وهاي هي المشكلة ، احنا بنا نتعب على نفسنا ونعمل مستقبل كويس ولكن هل إلنا مكان وإلا بردو بنا اندور على واسطة :27:
بالنسبة للندن والله الحكي إلي قولتيه بشجع كثير الواحد يروح يعيش هناك بس هاد بيرجع للنصيب ، لأنه لهلا ما بنعرف وين راح انكون بكندا بس على الأغلب يا إما بفانكوفر أو بتورنتو عشان هيك كنت حابة أعرف معلومات عن المدن القريبة من تورنتو عشان الإيجارات بتكون أرخض من تورنتو وفرص العمل وين بتتوفر أكثر.
شكرا جزيلا يا عزيزتي وبالتوفيق دائما
محتارة وبحاجة ماسة للمساعدة (( طلبنا الهجرة لكندا ولكن ....!!!!!))
متابعة النقاش، صفحة 5